Ex 10:7 - Kaqchiquel Bible

⁷ Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.

Ex 10:7 Iomraidhean Croise

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Ex 12:33

Y roma ri xk'uluwachitej, ri winaqi' aj-Egipto kan yeparel k'a chikij ri winaqi' israelita chi ke'el-el ri chiri', roma konojel rije' nikich'ob k'a chi xa xkeken chuqa'.

Ex 23:33

Kan man k'a tiya' q'ij chike re winaqi' re' chi yek'ase' chi'ikojol, roma rije' xa xtikiben chiwe chi yixmakun chinuwech. Y wi rix kan xke'isamajij ri ki-dios, jari' ri xtibanon chiwe chi xkixtzaq, xcha'.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Ex 8:19

Roma ri' ri aj-itza' xkibij chire ri rey: Re' kan rusamaj-wi ri Dios, xecha'. Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.

Wuj Richin Etamabel-Tzij 29:6

Chire ri wineq itzel, ri rumak kan jun pikbel ri nichapo richin; jak'a ri wineq utz, kan nik'ases ri ránima y nikikot chupan ri ruk'aslen.

Wuj Richin ri Molojri'il 7:26

Yin kan xinwil chuqa' jun ri más ruk'eyul ke chuwech ri kamik, y ri' jun ixoq ri nuya' pikbel. Rija' achi'el jun kolo', y ri ruq'a' e achi'el cadena. Ri achin ri jebel chuwech ri Dios nanimej chuwech jun ixoq keri', jak'a ri man jebel ta chuwech ri Dios kan chi'anin niqaqa pa ruq'a'.

Wuj Richin ri Isaías 14:20

Rat man jun bey xkamuq achi'el banon kik'in ch'aqa' chik rey roma rat kan xatoloba' kan ri aruwach'ulew y kan xe'ak'is kikamisaxik ri awinaq. Ri awijatzul kan man jun xkenatan ri chiqawech-apo roma ri etzelal ri xe'aben kan rat.

Wuj Richin ri Isaías 51:9

Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.

Wuj Richin ri Jeremías 48:4

Ri iruwach'ulew rix aj-Moab xtik'oje' pa wululen y ri raqoj-chi'ij kichin ri taq iwalk'ual xtapon xabakuchi.

Wuj Richin ri Jeremías 51:8

Jak'a wakami ri aj-Babilonia kan chi'anin k'a xkech'akatej. Roma ri' kan ke'iwoq'ej k'a rije'. Tik'ama' k'a pe aq'om richin ri kisokotajik; rik'in juba' yek'achoj-el, xcha' ri Dios.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

1 Corintios 7:35

Re xinbij chiwe, kan richin k'a yixinto' y man richin ta yixinq'et. Yin ninwajo' chi rix nik'uaj ta jun k'aslen ri ruk'amon y man ta jun ri nok chupan, richin chi kan ja ta ri nrajo' ri Dios ri niben.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

1 Sam 5:11

Y roma ri nimalej xibinri'il ri k'o kik'in, roma ri' xkiteq k'a koyoxik ri e tata'al kichin ri aj-Filistea y xkibij chi tikik'uaj-el ri káxa y tikibetzolij kan ri akuchi kik'amon-wi-pe, richin keri' man yerukamisaj ta chik, roma xkich'ob chi ri Dios kan xunimirisaj ri ruk'ayewal pa kiwi'.