Ex 10:12 - Kaqchiquel Bible

¹² K'ari' ri Jehová xubij chire ri Moisés: Tayaka' la aq'a' pa ruwi' ri ruwach'ulew Egipto richin ye'ojopojo' ri sak' y kan xtikik'is k'a ronojel ri man xk'is ta pa ruq'a' ri saqboch, xcha' ri Jehová.

Ex 10:12 Iomraidhean Croise

Wuj Richin Bix Chire ri Dios 105:34

Xaxe xch'on ri Jehová, kan jari' xepe sak' pa ruk'iyal. Kan janila k'a chi chikopi' ri xek'oje' chirij ri tiko'n, kan man e ajlatel ta chik.

Ex 10:15

Kan xkinojisaj ruwi' ri ulew chijun ri ruwach'ulew, kan xq'equmatej ruwi' ri ulew koma ri sak'. Xkik'is k'a el ronojel ri kolotajineq kan pa ruq'a' ri saqboch, ri tiko'n pa taq juyu', ri kiwech ri che'. Ni xa ta juba' chik rex ri xk'oje' kan chike ri che'.

Ex 7:19

Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Ex 9:32

Jak'a ri trigo y ri jun chik ruwech tiko'n rubini'an centeno, roma xa k'arunaj ye'el-pe, ri saqboch man jun xuben chike.

Apocalipsis 9:3

Y chupan ri sib xebek'ulun k'a pe sak' y xkitaluj-ki' chuwech ri ruwach'ulew. Y xya'ox k'a uchuq'a' chike chi yeti'on achi'el alacrán.