Ex 1:9 - Kaqchiquel Bible

⁹ Titzu', ri e rijatzul ri Israel janila xewinaqir, y más kuchuq'a' chiqawech roj.

Ex 1:9 Iomraidhean Croise

Wuj Richin ri Rutikeribel 26:16

Xubij k'a ri Abimélec chire ri Isaac: Tach'ara-el-awi' qik'in roj, roma rat janila xabeyomer-q'anej chiqawech roj.

Wuj Richin ri Rutikeribel 46:3

Y ri Dios xubij chire: Ja yin ri in Dios, ri ru-Dios chuqa' ri atata' Isaac. Man taxibij-awi' richin yabe pan Egipto, roma ri chiri', yin kan xtinben k'a chike ri awijatzul chi xke'ok jun nimalej tzobaj winaqi'.

Wuj Richin ri Achin Job 5:2

Kan qitzij na wi chi ri chi'anin niyakatej royowal jari' ri nikamisan-el richin, y ri k'o rayinik rik'in jari' chuqa' ri nikamisan-el richin.

Ex 5:5

Y chuqa' xubij chike: Titzu' la iwinaq janila xewinaqir re wawe' pan Egipto. Y rix kan niwajo' richin man yesamej ta, xcha' chike.

Wuj Richin Etamabel-Tzij 14:28

Toq janila e k'iy winaqi' ek'o chuxe' ruq'a-raqen ri rey, nuben chire chi kan nim ruq'ij; y toq xa e juba' ok ri ek'o chuxe' ruq'a-raqen, xa nibe pa xulan.

Wuj Richin Etamabel-Tzij 27:4

Kan poqon k'a ri rubanobal ri wineq ri tikil oyowal pa ránima y maneq joyowanik chuwech; jak'a ri etzelanik richin jun wineq; chirij jun chik ri utz k'o, xa más man koch'el ta.

Wuj Richin ri Molojri'il 4:4

Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Santiago 4:5

Jak'a chupan ri ruch'abel ri Dios, nubij chi rija' janila yojrajo' roma ri ru-espíritu ri ruya'on qik'in.