Ex 1:8 - Kaqchiquel Bible

⁸ Y chupan k'a ri q'ij ri' xok chik jun k'ak'a' rey, richin niq'aton-tzij pa ruwi' ri Egipto, y ri rey ri' man xretamaj ta ruwech ri José, y roma ri' xch'on kik'in ri ruwinaq y xubij chike:

Ex 1:8 Iomraidhean Croise

Wuj Richin Bix Chire ri Dios 105:25

Xuben k'a chike ri aj-Egipto richin itzel xekitz'et. Y xuben chi xpe itzel taq ch'obonik chikij.

Ex 3:16

Kabiyin k'a y toq xkatapon, ke'amolo' ri nima'q taq achi'a' chikikojol ri awinaq y tabij chike: Ri Jehová ri ki-Dios ri qati't-qamama', ri Abraham, ri Isaac y ri Jacob, xuk'ut-ri' chinuwech y xubij chuwe chi rija' kan nutz'et k'a ronojel ri ruk'ayewal ri niban chiwe wawe' pan Egipto y roma ri' xpe chi'ito'ik.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

Wuj Richin ri Molojri'il 9:15

Y chupan k'a ri jun ko'ol tinamit ri' k'o k'a jun achin ri stape' kan man jun k'o rik'in, kan k'o-wi janila runa'oj, y rik'in ri na'oj ri' xtikir xukol ri rutinamit. Y toq rukolon chik ri rutinamit, toq xbiyin ri q'ij, ri winaqi' xa jumul xkimestaj.

Hechos 7:18

Jari' k'a toq ri chiri' pan Egipto xok k'a kan jun k'ak'a' rey ri xa man xretamaj ta el ruwech ri José.

Hechos 7:19

Y re k'ak'a' rey re' kan nowineq k'a chubanik ri etzelal chike ri qawinaq judío. Xuben k'a chike chi xkik'owisaj tijoj-poqonal ri qati't-qamama', toq kan xuben chike chi ri kalk'ual xa k'a kalaxik xebetorix kan, roma kan xrajo' chi man ta xek'iyer.

Deut 26:6

Jak'a ri aj-Egipto janila xekiya' pa tijoj-poqonal. Kan janila xekiya' pa tijoj-poqonal y pan ilinri'il.

Wuj Kichin ri To'onela' 2:10

Chuqa' xeken k'a ri sol winaqi' ri xek'ase' toq k'a k'es na ri Josué. Y keri' ri jun chik sol winaqi' ri xek'oje' kan chikij rije' man ketaman ta k'a ruwech ri Jehová, ni ri nima'q taq banobel ri xuben rik'in ri tinamit Israel.