Ester 8:9 - Kaqchiquel Bible

⁹ Xeri' xe'oyox konojel ri tz'ibanela' richin ri rey chupan ri q'ij juwineq oxi', richin ri rox ik', ri nibix Siwan chire. Y ronojel ri ruchojmilal ri xuya' ri Mardoqueo, xtz'ibatej-el chike ri judío, konojel ri tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri 127 nima'q taq ruwach'ulew; ri nitiker-el pa relebel-q'ij chire ri ruwach'ulew India, y napon k'a pa qajbel-q'ij chire ri ruwach'ulew Etiopía. Y xtz'ibex-el pa ronojel ch'abel, y xetaqalox-el chike konojel ri tinamit ri'.

Ester 8:9 Iomraidhean Croise

2 Rey 18:26

K'ari' ri Eliaquim, ri Sebná y ri Joah xkibij k'a chike ri aj-raqen ri': Tibana' utzil, kixch'on qik'in pa ch'abel arameo, roma roj niq'ax chiqawech ri ch'abel ri'. Man kixch'on qik'in pa qach'abel, richin chi konojel winaqi' ri ek'o chiri' pa ruwi' ri tz'aq man niq'ax ta chikiwech, xecha'.

2 Crón 15:10

Re jun molojri'il re' xkiben k'a pa tinamit Jerusalem chupan ri rox ik' chire ri juna' wolajuj chire ri q'atbel-tzij richin ri Asá.

Ester 1:1

Xk'oje' k'a jun achin rubini'an Asuero, ri xok rey pa ruwi' k'iy ruwach'ulew ri xubini'aj Medo-Persia, ri k'o 127 nima'q taq ruwach'ulew chupan. Y nitiker-pe pa relebel-q'ij rik'in ri ruwach'ulew India y ri pa qajbel-q'ij napon k'a pa ruwach'ulew Etiopía.

Ester 1:22

Ri rey xubij k'a el chupan ri wuj ri xutz'ibaj chi konojel achi'a' kan kow kepa'e' pa kiwi' ri e aj pa kachoch. Re wuj re' xtz'ibex k'a pa kich'abel ronojel tinamit richin ri ruwach'ulew Medo-Persia, richin keri' konojel niq'ax chikiwech; y re wuj re' xetaqalox k'a pa ronojel taq tinamit.

Ester 10:1

Ri rey Asuero xuben k'a chi ri winaqi' richin ri ruwach'ulew ri ek'o pa ruq'a' rija', ri napon k'a chuchi' ri nimalej taq palou, kan k'o chi nikitoj chire rija' ri nuq'et pa kiwi'.

Dn 4:1

Ri Nabucodonosor xutzijoj chuqa' jun banobel ri xuk'uluwachij, y kere' k'a ri xubij: Yin Nabucodonosor ninya' rutzil iwech chi'iwonojel rix tinamit, konojel winaqi' richin re ruwach'ulew y konojel winaqi' ri yech'on jalajoj ruwech ch'abel. Kan jantape' k'a tik'oje' uxlanibel-k'u'x iwik'in.

Dn 6:1

Toq ri rey Darío ruchapon chik nuq'et-tzij, kan xerutaluj k'a e 120 aj-raqen richin nikiq'et-tzij pa kiwi' ri winaqi' ri ek'o chupan chijun ri rajawaren.

Dn 6:25

Xeri' ri rey Darío xutz'ibaj k'a el wuj chike konojel winaqi' ri ek'o pa rajawaren, y kere' k'a ri nubij ri wuj: Ja ta ri uxlanibel-k'u'x ri xtik'oje' iwik'in chi'iwonojel.