Ester 7:9 - Kaqchiquel Bible

⁹ Y k'o k'a jun chike ri eunuco ri nilin richin ri rey, ri rubini'an Harboná; xch'on y xubij chire ri rey: Ri Amán runaban kan jun che' pa rachoch, ri jubama oxlajuj jaj rik'in jun q'a'aj jotol chikaj, richin nutzeqeba' ri Mardoqueo ri xkolon ri ak'aslen rat nu-rey, xcha'. K'ari' ri rey xubij chi ja ri Amán ri xtitzeqebex chutza'n ri che' ri'.

Ester 7:9 Iomraidhean Croise

2 Rey 9:32

Y ri Jehú xtzu'un k'a q'anej pa ventana y xuk'utuj chi wi ek'o ta ri chiri' ri nikajo' yeto'on richin. Y jari' toq xebek'ulun-pe e ka'i-oxi' achi'a' ri yesamajin richin ri Jezabel.

Ester 1:10

Toq xapon ri ruwuq q'ij, ri rey kan janila nikikot ri ránima roma k'iy vino ruqumun-qa, y roma ri' xeroyoj ri e wuqu' rusamajela' eunuco*f1* ri kibini'an Mehumán, ri Biztá, ri Harboná, ri Bigtá, ri Abagtá, ri Zetar y ri Carcás, y xubij chike chi

Ester 5:14

Xeri' ri Zeres y konojel ri rachibil xkibij chire: Tataqa' rubixik chi tipabex-q'anej jun che' richin nitzeqebex chikaj ri Mardoqueo, y ri che' ri' xtiban chire chi oxlajuj jaj rik'in jun q'a'aj ri rujotolen. Y chua'q nimaq'a', tak'utuj utzil chire ri rey chi titzeqebex ri Mardoqueo; richin keri' xkakikot chupan ri nima-wa'in rik'in ri rey, xecha'. Re jun na'oj re' kan xqa' chuwech ri Amán, y keri' k'a xuteq rubixik chi tiban.

Ester 6:14

Man jani ketane-qa chi ch'owen rik'in ri Amán toq xe'apon ri eunuco chuk'amik rija' richin chi chi'anin xapon chupan ri nima-wa'in ri rubanon ri reina Ester.

Ester 6:2

Chupan k'a ri wuj ri' tz'ibatajineq kan ri jun banobel richin ri Mardoqueo, toq xerunabej ri e ka'i' eunuco ri xkich'ob nikikamisaj ri rey Asuero.

Ester 8:7

Ri rey Asuero xubij k'a chire ri reina Ester y chuqa' chire ri Mardoqueo: Yin xinya' chawe rat Ester, ri rachoch kan ri Amán. Chuqa' yin xinbij chi xtzeqebex ri Amán roma xrajo' xujeluj ruq'a' pan iwi' rix judío.

Ester 9:14

Ri rey xubij k'a chi keri' tibanatej. Xuteq k'a rubixik chi ketzeqebex ri kich'akul ri e lajuj ruk'ajol kan ri Amán chiri' pa Susa. Y kan keri' k'a xbanatej.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Wuj Richin Bix Chire ri Dios 141:10

Jak'a ri e banoy taq etzelal, kan ta ja rije' ri xketzaq chupan ri pikbel ri', rokik yin yiq'ax, y man jun xtink'uluwachij.

Wuj Richin Bix Chire ri Dios 35:8

Roma ri' taya' k'a pe ri ruk'ayewal chaq k'ate' pa kiwi' rije'. Y ri pikbel ri xkiben, ja ta rije' ri xketzaq chupan. Y kan ta ja rije' ri xketzaq chupan ri jul ri xkiben.

Wuj Richin Bix Chire ri Dios 73:19

Pa jun ramaj k'a xkewuluwu', y roma ri kixibinri'il xke'apon pa kamik.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Dn 6:7

Roj ri oj aj-raqen, ri yojq'aton-tzij, y ri pixabanela' qamolon k'a pe qi' richin noqaya' chawech re jun pixa' re xqach'ob roj chi k'atzinel chi niban. Re pixa' re' nubij k'a chi chupan re jun ik' re' man jun wineq ri nixuke' richin nuya' ruq'ij jun chik dios, o jun chik wineq ri man ja ta rat. Y ri wineq ri man xtiniman ta chire re pixa' re', kan xtik'aq k'a chupan ri jul ri akuchi ek'o-wi ri koj.

1 Sam 17:51

Y xeri' xbe junanin rik'in y xpa'e' chirij y xuk'en-el ri ru-espada ri Goliat pa ruk'ojelibal y rik'in ri' xrelesaj ri rujolon. Y toq ri aj-Filistea xkitz'et chi xa xken yan ri achin ri achoq ik'in kikuquban-wi kik'u'x, xe'animej konojel.