Ester 7:4 - Kaqchiquel Bible

⁴ roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

Ester 7:4 Iomraidhean Croise

Wuj Richin ri Nehemías 5:5

Wakami qonojel k'a roj israelita, ri qalk'ual y ri qamam xa oj junan; xa junan ri qati't-qamama'. Man rik'in ri' ri qalk'ual xe'ok pan ilinri'il kik'in ch'aqa' chik qawinaq. Kan banatajineq chik k'a, chi ek'o chike ri qami'al e ximon chik pa samaj. Roj man jun yojtikir niqaben richin yeqakol roma ri qulew y ri qatiko'n richin uva xa kan kichin chik k'a ri qawinaq, xecha'.

Ester 3:13

Xetaqalox k'a el ri wuj pa ronojel tinamit ri ek'o chuxe' ri ruq'atbal-tzij ri rey. Y chupan ri wuj nubij k'a chi chupan ri q'ij oxlajuj chire ri ik' Adar, kan pa jun q'ij kek'is konojel ri winaqi' judío; chi rijita'q, chi achi'a', chi ixoqi', chi alaboni', y chi ak'uala'. Y ronojel ri kibeyomel nok kan kichin ri winaqi' ri xkekamisan.

Ester 3:9

Wi utz nawak'axaj ri xinbij chawe, kan tataluj k'a rubixik chi kek'is konojel ri winaqi' ri'. Y yin xtinjech chike ri asamajela' ri ek'o pa ruwi' ri abeyomel, 742 quintal saqipueq richin xtukusex chupan ri aq'atbel-tzij, xcha'.

Ester 7:5

K'ari' ri rey Asuero xubij chire ri reina: ¿Achike k'a ri' y akuchi k'o-wi ri xch'obon-q'anej re jun itzel na'oj re'?, xcha'.

Ester 7:6

Y ri Ester xubij: Ri etzelanel qichin ja re itzelej Amán, xcha'. Jari' toq ri Amán kan xpe jun nimalej xibinri'il chire chikiwech ri rey y ri reina.

Ester 8:11

Chupan ri wuj ri', nubij chi ri rey xuya' q'ij chike ri judío chi xabakuchi ek'o-wi, tikimolo-ki' richin nikito-ki' y keyakatej chikij ri winaqi' ri nikajo' yekamisan kichin. Xuya' k'a q'ij chi kekikamisaj ri winaqi' ri'; chi achi'a', chi ixoqi' y chi ak'uala'; y tikiwulaj ri kitinamit. Y ja ri judío ri kek'oje' kan pa ruwi' ri kibeyomel ri winaqi' ri'.

Ester 8:6

Y wakami, ¿achike xtinben yin richin xtinkoch' ronojel ri ruk'ayewal ri xtipe chikij ri nuwinaq, roma xkek'is k'a konojel rije'?, xcha'.

Ester 9:25

Jari' k'a toq ri reina Ester xapon chuwech ri rey, toq xubij chi titz'ibex chuwech jun wuj, ronojel ri etzelal ri xuch'ob ri Amán chikij ri judío, xa kan chirij k'a rija' tiqaqa-wi, y chi titzeqebex rija' y ri e lajuj ruk'ajol.

Dn 6:2

Y pa kiwi' chik ri aj-raqen ri' xeruya' chik e oxi' q'atoy taq tzij. Y jun chike rije' ja ri Daniel. Konojel re aj-raqen re' k'o chi nikibij chire ri Daniel y ri e ka'i' rachibil ronojel ri samaj ri nikiben, richin chi utz nibe ri ajawaren chuwech ri Darío.

Joel 3:6

Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

San Lucas 12:45

Jak'a ek'o ch'aqa' chik samajela' nikich'ob-qa pa kánima chi ri kajaw xa k'a man jani noqaqa, y nikichop ta k'a kich'ayik ri ch'aqa' chik samajela' chi achi'a' chi ixoqi', y xaxe ta wa'in nikiben, y nikichop q'abarik.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

Wuj Richin ri Josúe 9:23

Roma ri', wakami itzel k'a ruwa-iq'ij y kan beneq k'a ruwech xkixok samajel chiqakojol roj. Jantape' k'a xkixok banoy si' y erey taq ya' richin ri rachoch ri qa-Dios, xcha' ri Josué.

1 Sam 22:23

Wakami k'a kak'oje' kan wik'in yin, y man taxibij-awi'. Ri achike najowan nikamisan awichin rat, chuqa' nrajo' yirukamisaj yin. Kak'oje' k'a wawe' wik'in yin y man jun xtak'uluwachij, xcha' ri David chire.