Ester 7:2 - Kaqchiquel Bible

² Y chupan ri ruka'n nima-wa'in ri', rokik nikiqum vino, ri rey xubij chire ri Ester: Tak'utuj k'a chuwe ri rurayibel ri awánima, y yin kan xtinya' chawe. Kan xtinya' k'a chawe stape' nak'utuj nik'aj chire ri wajawaren, xcha'.

Ester 7:2 Iomraidhean Croise

Ester 5:3

Y ri rey xuk'utuj chire: ¿Achike xaben nu-reina? ¿Achike nubij ri awánima? Yin kan xtinya' chawe ri xtak'utuj, stape' nik'aj chire ri wajawaren, xcha'.

Ester 5:6

Chupan k'a ri nima-wa'in ri' rokik nikiqum ri vino, ri rey xubij chire ri Ester: Tak'utuj k'a chuwe ri rurayibel ri awánima, y yin kan xtinya' chawe. Kan xtinya' chawe stape' nak'utuj nik'aj chire ri wajawaren, xcha' chire.

Ester 7:1

Keri' ri rey y ri Amán xebe k'a pa nima-wa'in rik'in ri reina Ester.

Ester 9:12

Y toq xretamaj re', xubij chire ri reina Ester: Ri awinaq judío xekikamisaj yan e 500 achi'a' wawe' pa Susa, y chuqa' ri e lajuj ruk'ajol kan ri Amán. ¿Janipe' kami k'a ri e kikamisan chik chupan ronojel tinamit chire ri nuq'atbel-tzij yin? Wakami k'a tabij chuwe achike chik nawajo', y ri xtabij kan xtibanatej k'a, xcha' ri rey chire.

Marcos 6:23

Kan ninya' nutzij chawech, chi xabachike ri xtak'utuj chuwe, yin kan xtinya', stape' xtak'utuj nik'aj chire ri wajawaren, xcha' chire.

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

Hechos 23:19

Ri uk'uey kichin ri aj-labal xuk'uaj k'a el, xuyuqej-el juk'an chik, y k'ari' xuk'utuj chire: ¿Achike k'a ri nawajo' nabij chuwe?, xcha' chire.