Ester 5:3 - Kaqchiquel Bible

³ Y ri rey xuk'utuj chire: ¿Achike xaben nu-reina? ¿Achike nubij ri awánima? Yin kan xtinya' chawe ri xtak'utuj, stape' nik'aj chire ri wajawaren, xcha'.

Ester 5:3 Iomraidhean Croise

1 Rey 2:20

Y ri rute' xubij k'a apo: K'o jun ninwajo' nink'utuj chawe y ninwoyobej chi kan ta xtabij chuwe chi ja', xcha'. Y ri rey xubij chire ri rute' chi tuk'utuj ri achike nrajo', y kan xtuya' ronojel chire.

1 Rey 3:5

Y k'o k'a jun aq'a' ri Jehová xuk'ut-ri' chuwech pa rachik', ri chiri' pa Gabaón, y xubij chire: Tak'utuj k'a chuwe xabachike nawajo', y yin kan xtinya' chawe, xcha'.

Wuj Richin ri Nehemías 2:4

Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'.

Ester 5:4

Y ri Ester xubij: Wi yin xinwil utzil awik'in, tabana' utzil re chi'aq'a' wakami yape ta rat y ri Amán richin jun nima-wa'in ri xtinben chiwe. xcha'.

Ester 5:6

Chupan k'a ri nima-wa'in ri' rokik nikiqum ri vino, ri rey xubij chire ri Ester: Tak'utuj k'a chuwe ri rurayibel ri awánima, y yin kan xtinya' chawe. Kan xtinya' chawe stape' nak'utuj nik'aj chire ri wajawaren, xcha' chire.

Ester 7:2

Y chupan ri ruka'n nima-wa'in ri', rokik nikiqum vino, ri rey xubij chire ri Ester: Tak'utuj k'a chuwe ri rurayibel ri awánima, y yin kan xtinya' chawe. Kan xtinya' k'a chawe stape' nak'utuj nik'aj chire ri wajawaren, xcha'.

Ester 9:12

Y toq xretamaj re', xubij chire ri reina Ester: Ri awinaq judío xekikamisaj yan e 500 achi'a' wawe' pa Susa, y chuqa' ri e lajuj ruk'ajol kan ri Amán. ¿Janipe' kami k'a ri e kikamisan chik chupan ronojel tinamit chire ri nuq'atbel-tzij yin? Wakami k'a tabij chuwe achike chik nawajo', y ri xtabij kan xtibanatej k'a, xcha' ri rey chire.

Marcos 6:23

Kan ninya' nutzij chawech, chi xabachike ri xtak'utuj chuwe, yin kan xtinya', stape' xtak'utuj nik'aj chire ri wajawaren, xcha' chire.

San Lucas 18:41

achike k'a ri nrajo' nuben rik'in. Y ri moy xubij chi nrajo' nitzu'un.

Hechos 23:19

Ri uk'uey kichin ri aj-labal xuk'uaj k'a el, xuyuqej-el juk'an chik, y k'ari' xuk'utuj chire: ¿Achike k'a ri nawajo' nabij chuwe?, xcha' chire.