Ester 4:8 - Kaqchiquel Bible

⁸ Y ri Mardoqueo xujech-el ri wuj ri richin xtalux rutzijol ri jun pixa' ri', richin nibejach pa ruq'a' ri Ester. Chuqa' xuchilabej-el chire ri Ester richin tapon chuwech ri rey, richin nibech'on rik'in pa kiwi' ri ruwinaq.

Ester 4:8 Iomraidhean Croise

Ester 2:20

Y ri Ester kan man ruq'alajirisan ta k'a ri ruruwach'ulew, ni ri ruwinaq, roma rija' kan rutaqen-pe ronojel ri xbix chire roma ri Mardoqueo.

Ester 4:9

Ri Hatac xtzolej y xutzijoj chire ri reina Ester ri xubij ri Mardoqueo chire.

Ester 8:6

Y wakami, ¿achike xtinben yin richin xtinkoch' ronojel ri ruk'ayewal ri xtipe chikij ri nuwinaq, roma xkek'is k'a konojel rije'?, xcha'.

Wuj Richin ri Achin Job 9:15

Stape' yin kan choj ta ri nuk'aslen chuwech ri Dios, kan man yitikir ta nink'uluba-q'anej ri ruch'abel. Pa ruk'exel ri' xa nink'utuj utzil chire ri Dios ri nuto'onel chi tujoyowaj nuwech.

Wuj Richin Bix Chire ri Dios 122:6

Tik'utuj ri uxlanibel-k'u'x richin ri tinamit Jerusalem, Konojel ri ye'ajowan richin ri Jerusalem, kan ta k'a utz xtel ronojel chikiwech.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin ri Molojri'il 10:4

Wi ri runa'oj ri q'atoy-tzij man utz ta chik awik'in rat, man tisach ak'u'x, xa taqasaj-awi' y re' nuben chawe chi man naben ta ri man ruk'amon ta.

Hechos 12:20

Chirij re' ri rey Agripa kan royowal k'a chike ri aj-Tiro y ri aj-Sidón. Jak'a rije' xkiya' chikiwech richin yebe rik'in rija'. Y xkich'ek k'a ri jun rusamajel ri Agripa rubini'an Blasto, richin xeruk'uaj k'a chuwech ri rey y xkichojmirisaj chikiwech chi tik'is chiri' ri oyowal, roma ja ri chiri' pan Israel nel-wi-el ri nitij ri pa ka'i' tinamit ri'.

1 Timoteo 6:13

Wakami, ninbij chawe chuwech ri Dios ri niya'on k'aslen y chuwech ri Jesucristo ri xuk'ut chuwech ri q'atoy-tzij Poncio Pilato chi kan rukuquban ruk'u'x rik'in ri Dios,

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.