Ester 3:8 - Kaqchiquel Bible

⁸ Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Ester 3:8 Iomraidhean Croise

Wuj Richin ri Esdras 4:6

Y toq k'iy yan juna' tiq'ax kan richin nuq'et-tzij ri Darío, jari' toq xuchop nuq'et-tzij ri rey Asuero. Y chupan ri q'ij ri' xban k'a jun sujunik chikij ri winaqi' aj-Jerusalem y ri aj-Judá.

Wuj Richin ri Nehemías 1:8

Toqaqa k'a chi'ak'u'x ri ach'abel ri abin kan chire ri Moisés, toq xabij: Wi rix man xkininimaj ta, yin kan xkixintaluj-el pa ch'aqa' chik tinamit chuwech ri ruwach'ulew.

Ester 3:9

Wi utz nawak'axaj ri xinbij chawe, kan tataluj k'a rubixik chi kek'is konojel ri winaqi' ri'. Y yin xtinjech chike ri asamajela' ri ek'o pa ruwi' ri abeyomel, 742 quintal saqipueq richin xtukusex chupan ri aq'atbel-tzij, xcha'.

Ester 4:1

Toq xunabej ri Mardoqueo ri xbanatej, xuretz ri rutziaq chirij, retal richin nibison y xukusaj-el jun rutziaq qiriqoj, y xuya-el chaj pa rujolon, y xuchop nibiyajilan kojol jay chiri' chupan ri tinamit, y nisik'in rik'in janila q'axo'n.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Ez 11:16

Roma ri' ri Dios xuya' re jun rutzijol re' chuwe, ri nubij rija' pa kiwi' ri man xebe ta pa ximonri'il. Kere' k'a nubij: Yin xinelesan-el kichin rije' chi'ikojol rix y xentaluj pa taq ruwach'ulew richin e nuchajin jebel chiri' ka'i-oxi' q'ij.

Ez 6:8

Jak'a yin xtinben chi man xkeken ta konojel ri winaqi' chi espada, xa k'a xkek'ase' na kan jujun chike rije' y ri xkek'ase' na kan xa xkentaluj-el chuwech re ruwach'ulew.

Dn 3:8

Chupan ri q'ij ri' ek'o k'a jujun chike ri aj-Babilonia ri kan itzel yekitz'et ri aj-Judá, y roma ri' rik'in ch'upun-k'u'x xebekisujuj rik'in ri rey.

Dn 6:13

K'ari' xkibij k'a chire ri rey chi ri Daniel ri jun chike ri e k'amon-pe pa Judá, man nuqasaj ta ri' chuwech, ni man niniman ta chire ri pixa' ri', y chi xkitz'et chi rija' nich'on rik'in ri ru-Dios oxi' mul pa jun q'ij.

Dn 6:14

Toq ri rey xrak'axaj re ch'abel re', kan janila k'a xq'axon ránima y xukanoj rubanik richin ta xukol ri Daniel chuwech ri kamik. Y keri' k'a xuben k'a xqaqa na qa ri q'ij.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.

Wuj Richin ri Q'axanri'il 23:9

K'a re wawe' pa ruwi' re jun nimalej abej yentzu-wi-qa. K'a re wawe' pa jotol-el chire re juyu' re' yentz'et-wi-qa. Yin yentz'et chi rije' e jun tinamit ri kan kiyon nikajo' yek'oje'. Rije' kan man e junan ta kik'in ri ch'aqa' chik tzobaj winaqi'.

San Juan 7:35

Y ri achi'a' ri kan k'o-wi kiq'ij nikibila' chikiwech: ¿Akuchi kami k'a xtibe-wi re Jesús re'? Roma nubij chi man xtibeqila' ta chik pe. ¿Nibe kami k'a pa ch'aqa' chik ruwach'ulew richin niberutzijoj ri ruch'abel chike ri qawinaq judío y chike ri man e judío ta?

Hechos 24:5

Roma re jun achin re', kan qetaman chi jun itzel achin. Ja rija' ri nibanon chi ri judío yeyakatej pa ronojel tinamit. Ja rija' ri aj-raqen chikikojol ri juley winaqi' ri yenatan rubi' ri Jesús aj-Nazaret.

Hechos 28:22

Jak'a roj qetaman k'a chi xabakuchi at q'axineq-pe, ri winaqi' kan janila k'a yech'on itzel chirij ri yetzeqeliben ri i-Cristo. Roma ri' niqajo' yatqak'axaj, xecha' chire.

Deut 30:3

K'ari' rija' xtuben chiwe chi xkixtzolej-pe chupan ri ximonri'il, kan xtujoyowaj iwech chi'iwonojel y xkixberuk'ama-pe akuchi ix rutalun-el y kan xkixrumol chik k'a jun bey chupan ri iruwach'ulew.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

1 Pedro 1:1

Yin Pedro in jun chike ri e taqon roma ri Jesucristo, ninteq k'a el re wuj re' chiwe rix ri ixtalutajineq-el, ri xa ixk'o ri pa taq ruwach'ulew ri chiri' pa Ponto, pa Galacia, pa Capadocia, pan Asia y ri pa Bitinia.