Ester 3:7 - Kaqchiquel Bible

⁷ K'o k'a jun q'ij chupan ri juna' kablajuj chire ri q'atbel-tzij richin ri rey Asuero, chupan ri nabey ik', ri nibix Nisán chire, chi ri Amán xuben jun sakinik*f3* richin nutz'et ri q'ij y ri ik' ri xtiberubana' ri ruch'obon pa kiwi' ri judío. Y xq'alajin k'a chi ja ri q'ij oxlajuj chire ri ik' kablajuj ri nibix Adar chire.

Ester 3:7 Iomraidhean Croise

Wuj Richin ri Esdras 4:6

Y toq k'iy yan juna' tiq'ax kan richin nuq'et-tzij ri Darío, jari' toq xuchop nuq'et-tzij ri rey Asuero. Y chupan ri q'ij ri' xban k'a jun sujunik chikij ri winaqi' aj-Jerusalem y ri aj-Judá.

Wuj Richin ri Esdras 6:15

Re jay re' xk'achoj pa rox q'ij richin ri ik' Adar chupan ri juna' waqi' richin ri ruq'atoj-tzij ri rey Darío.

Wuj Richin ri Nehemías 2:1

Yin in rusamajel k'a ri rey Artajerjes, y ri nusamaj jak'a ri ninpej vino chire rija'. Y jun q'ij chupan ri ik' Nisán, toq yin ninpej-apo ri vino richin ninjech-apo chire, rija' xutz'et ajk'a chi yin yibison y man jun bey in rutz'eton ta keri'.

Ester 1:3

Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Ester 2:16

Y keri' xuk'uex k'a el ri Ester rik'in ri rey Asuero chiri' pa rachoch, chupan ri ik' lajuj ri rubini'an Tébet, pa ruwuq juna' richin ri ruq'atbal-tzij ri rey.

Ester 9:1

Keri', xapon ri q'ij oxlajuj chire ri ik' Adar, y jari' toq k'o chi nibanatej ri pixa' ri ruya'on kan ri Amán pa rubi' ri rey pa kiwi' ri winaqi' judío, toq ri e etzelanel kichin ri judío koyoben chi ja rije' yek'oje' pa kiwi'; jak'a xa man keri' ta xbanatej, roma xa ja ri judío ri xek'oje' kan pa kiwi' rije'.

Ester 9:21

Y xubij-el, chi konojel ri judío k'o chi nikinimaq'ijuj ri q'ij kajlajuj y wolajuj chire ri ik' Adar ronojel juna'.

Ester 9:5

Keri' ri winaqi' judío xkiben kik'in ri e etzelanel kichin ri achike xkajo' rije'. Xekichop chi espada xekikamisaj y xekik'is jumul.

Wuj Richin Etamabel-Tzij 16:33

Ri wineq xaxe k'a nuk'eq-apo ruwech chirij ri nurayij, xa achi'el rubanik jun sakinik; y ja ri Jehová ri xtibin wi nuya' o man nuya' ta ri nurayij.

San Mateo 27:35

Toq ri aj-labal kibajin chik ri Jesús chuwech ri cruz, xkiya' pan etz'anen ri rutziaq richin xkitz'et achike chi tzieq ri nikik'uala-el chikijujunal. Y rik'in ri' kan nibanatej k'a ri bin kan roma ri jun q'alajirisey ruch'abel ri Dios.*f41*