Ester 3:5 - Kaqchiquel Bible

⁵ Y ri Amán xutz'et k'a chi ri Mardoqueo man nixuke' ta, ni man nuqasaj ta ri' chuwech, y kan xyakatej janila royowal.

Ester 3:5 Iomraidhean Croise

Ester 1:12

Xebe k'a ri eunuco chuk'amik ri reina achi'el xbix-el chike. Y toq xe'apon akuchi k'o-wi ri reina, rija' xa man xrajo' ta xpe y man xunimaj ta rutzij ri rey. Roma ri' ri rey xyakatej janila royowal.

Ester 3:2

Ri Asuero kan xubij k'a chi konojel k'o chi nikiqasaj-ki' chuwech ri Amán. Roma ri' konojel ri rusamajela' ri rey yexuke' y nikiqasaj-ki' chuwech. Jak'a ri Mardoqueo man nixuke' ta, ni man nuqasaj ta ri' chuwech ri Amán.

Ester 3:4

Y ronojel k'a q'ij nikinataj chire, y rija' man niniman ta, roma rubin chik chike chi rija' jun judío, y man ruk'amon ta richin nuben keri'. Roma ri' xbekisujuj chire ri Amán, richin nikitz'et wi nukoch' ri rubanobal ri Mardoqueo.

Ester 5:9

Chupan k'a ri q'ij ri' xel k'a pe ri Amán y kan janila nikikot ri ránima roma ri nima-wa'in ri', jak'a toq xutz'et chik jun bey ri Mardoqueo chuchi' ri rachoch ri rey, jari' toq xyakatej chik janila royowal roma man xyakatej ta, ni man xuqasaj ta ri' chuwech.

Wuj Richin ri Achin Job 5:2

Kan qitzij na wi chi ri chi'anin niyakatej royowal jari' ri nikamisan-el richin, y ri k'o rayinik rik'in jari' chuqa' ri nikamisan-el richin.

Wuj Richin Bix Chire ri Dios 37:12

Ri banoy etzelal nuch'ob richin nuben itzel chire ri choj ruk'aslen, y kan nuqach'ach'ej rey chirij.

Wuj Richin Etamabel-Tzij 12:16

Ri xa maneq runa'oj kan chi'anin nuk'ut chi k'o royowal; jak'a ri kan nowineq man nuk'ut ta ri ruk'ixbilal, roma niqasex ruq'ij.

Wuj Richin Etamabel-Tzij 19:19

Ri wineq ri kan richin-wi chi k'a'el, xa tutz'eta' na k'a ri akuchi xtapon-wi rik'in ri ruk'alen; roma wi xa nuk'ul to'onik jun bey, kan jantape' chik nrajo' ruto'ik.

Wuj Richin Etamabel-Tzij 21:24

Wolowik wineq nibix chire jun wineq ri nuya' ruq'ij y nunimirisaj-ri' ruyon rija', ri xa yerubanala' banobel, xaxe richin chi tibix chirij chi kan k'o-wi ruq'ij y k'o retamabal.

Wuj Richin ri Molojri'il 10:6

Rije' xa ja ri winaqi' ri man yeno'on ta rik'in samaj, jari' e kiya'on-q'anej pa jotol. Y jak'a ri winaqi' ri yeno'on chubanik ri samaj, xa jari' ri e kiya'on kan pa xulan chuwech samaj ri man kan ta janila na'oj nrajo'.

Dn 3:19

Toq xrak'axaj ronojel re', ri rey kan xkaqer k'a ri rupalej roma ri royowal chikij ri Sadrac, Mesac y ri Abed-negó. K'ari' xubij-el chi tiya'ox wuqu' mul ri ruchuq'a' ri q'aq'.