Ester 3:1 - Kaqchiquel Bible

¹ K'o k'a jun achin rubini'an Amán, ruk'ajol ri Hamedata, y rijatzul kan ri Agag. Y ri rey Asuero kan xuya' janila rejqalen ri Amán, y xuben chire chi ja rija' xok más nim pa kiwi' konojel ri e aj-raqen richin chijun ri ruwach'ulew ri k'o pa ruq'a' ri rey.

Ester 3:1 Iomraidhean Croise

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

Wuj Richin ri Rutikeribel 41:55

Toq xpe k'a ri wayjal ri chiri' pan Egipto, konojel ri winaqi' xkina' k'a ri ruk'ayewal ri wayjal ri', roma ri' rije' xe'apowiyaj k'a rik'in ri rey richin xbekik'utuj kiway chire, y rija' nubila' k'a pe chike: Kixbiyin rik'in ri José y tibana' ri achike ri xtubij chiwe, xcha'.

Wuj Richin ri Esdras 7:14

Roma yin y ri e wuqu' nupixabanela' yatiqateq-el richin chi yabe pa ruwach'ulew Judá y pa tinamit Jerusalem. Yabe k'a richin nabetz'eta' wi nibanatej achi'el rubin ri i-Dios.

Ester 1:14

Y ri achi'a' ri', ja ri Carsená, ri Setar, ri Admata, ri Tarsis, ri Meres, ri Marsená y ri Memucán. Ja e wuqu' aj-na'oj re' ri ek'o más naqaj chire ri rey, y rije' e tata'al richin ri ruwach'ulew Medo-Persia.

Ester 3:10

K'ari' ri rey xrelesaj ri retal ri q'atbel-tzij chuwi-ruq'a', y xuya' chire ri etzelanel kichin ri judío; nel chi tzij ri Amán, ri ruk'ajol ri Hamedata, ri rijatzul kan ri Agag.

Ester 5:11

Y xuchop k'a nunimirisaj-ri' chikiwech. Xuchol ronojel ri beyomel k'o rik'in, y ri janila chi ralk'ual ri ek'o. Chuqa' xutzijoj chike ri ruwaq'ijaj ri ruya'on ri rey chire, y chi xaxe rija' ri más nim ruq'ij chikikojol ri e tata'al y ri ch'aqa' chik rusamajela' ri rey.

Ester 7:6

Y ri Ester xubij: Ri etzelanel qichin ja re itzelej Amán, xcha'. Jari' toq ri Amán kan xpe jun nimalej xibinri'il chire chikiwech ri rey y ri reina.

Ester 8:3

Chirij ri', ri Ester xapon chik jun bey rik'in ri rey, y xuqasaj-qa-ri' k'a chiraqen, y kan janila k'a xoq' chuwech y xuk'utuj utzil chire richin tuyojo' ri rubanon kan ri Amán, ri etzelanel kichin ri ruwinaq judío.

Wuj Richin Bix Chire ri Dios 12:8

xke'achajij k'a, rokik ri e banoy etzelal xabakuchi ek'o-wi, rokik ri winaqi' kiya'on q'ij chire ri etzelal.

Wuj Richin Etamabel-Tzij 29:2

Toq kan ja ri winaqi' e utz ri nik'oje-q'anej kik'ojlen richin yeq'aton-tzij, ri winaqi' yekikot, jak'a toq xa ja ri winaqi' e itzel ri yeq'aton-tzij pa kiwi', konojel ri winaqi' nikitej poqon.

Wuj Richin ri Molojri'il 10:6

Rije' xa ja ri winaqi' ri man yeno'on ta rik'in samaj, jari' e kiya'on-q'anej pa jotol. Y jak'a ri winaqi' ri yeno'on chubanik ri samaj, xa jari' ri e kiya'on kan pa xulan chuwech samaj ri man kan ta janila na'oj nrajo'.

Dn 6:2

Y pa kiwi' chik ri aj-raqen ri' xeruya' chik e oxi' q'atoy taq tzij. Y jun chike rije' ja ri Daniel. Konojel re aj-raqen re' k'o chi nikibij chire ri Daniel y ri e ka'i' rachibil ronojel ri samaj ri nikiben, richin chi utz nibe ri ajawaren chuwech ri Darío.

Wuj Richin ri Q'axanri'il 24:7

Rix israelita y ri iwijatzul xkixk'iyer janila, achi'el jun qejoj ri banon-qa chuchi' jun raqen-ya'. Ri i-rey xtok más nim chuwech ri rey Agag, y ri rajawaren kan xtik'oje' ruk'ojlen.

1 Sam 15:33

Y ri Samuel xubij: Rik'in ri a-espada xe'akamisaj k'iy kal ri qate'. Keri' chuqa' xtuk'uluwachij ri ate' rat, xcha'. Jari' toq ri Samuel xuqupij y xuk'ajij ri Agag chuwech ri Jehová chiri' pa Guilgal.

1 Sam 15:8

Y xkichop k'a el ri Agag rey kichin ri amalecita, jak'a konojel winaqi' richin ri tinamit ri' xekikamisaj kan chi espada.