Ester 2:6 - Kaqchiquel Bible

⁶ Y ri Cis jun chike ri xe'uk'uex-el pa Babilonia roma ri rey Nabucodonosor, toq xuk'uex-el ri Jeconías ri rey richin ri Judá pa Jerusalem.

Ester 2:6 Iomraidhean Croise

2 Rey 24:12

Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor.

2 Rey 24:6

Y toq ri Joaquim xken, ja ri Joaquín ri ruk'ajol xok kan rey pa ruk'exel.

2 Crón 36:20

K'ari' xeruk'uaj-el pa Babilonia konojel ri winaqi' ri xekolotej kan chuwech ri kamik rik'in espada; y xe'ok rusamajela' ri xeyuqe' pa samaj rik'in rija', y kik'in ri ralk'ual rija'. Keri' xek'oje' k'a ja toq xapon na ri q'atbel-tzij richin Persia.

Wuj Richin ri Jeremías 22:24

Yin Jehová ri k'aslik Dios, yich'on pa ruwi' ri rey Jeconías*f8* ruk'ajol ri Joaquim. Stape' rija' kan k'o ta janila rejqalen achi'el ri lipq'a' ri k'o chirij ri ruwi' nuq'a' ri k'o pa wijkiq'a', yin kan xtinwelesaj-el chupan ri ruq'atbal-tzij roma ri rumak.

Wuj Richin ri Jeremías 22:28

Ri Jeconías achi'el xa ta jun paxineq bojo'y ri man jun chik nik'atzin-wi. Rija' achi'el jun k'ojelibel ri man jun nipoqonan richin. Keri' xtinben chire rija' y chike ri aj pa rachoch. Y achi'el nik'aq-el jun paxineq bojo'y keri' xtinben yin kik'in rije' pa jun chik ruwach'ulew ri man jun bey kitz'eton.

Wuj Richin ri Jeremías 24:1

Toq ri Nabucodonosor rey richin Babilonia xeruk'uaj-el yan-el pa ximonri'il ri rey Jeconías ri ruk'ajol ri Joaquim, ri e q'atoy taq tzij y ri yebanon jalajoj ruwech samaj. Jari' toq ri Jehová xuk'ut chinuwech ka'i' chakech wíkix ri ya'on chiri' chuwech ri rachoch rija'.