Ester 2:5 - Kaqchiquel Bible

⁵ Chiri' pa Susa akuchi k'o-wi ri jay richin ri rey akuchi niq'aton-wi-tzij, k'o k'a jun achin judío rubini'an Mardoqueo, y rija' ruk'ajol ri Jaír, y ri Jaír rijatzul ri Simí, y ri Simí rijatzul ri Cis; y konojel re' e rijatzul kan ri Benjamín.

Ester 2:5 Iomraidhean Croise

2 Sam 16:5

Y ri rey David ruchapon k'a el bey y napon yan pa tinamit Bahurim. Y pa bey xbe-el k'a pe jun achin rubini'an Simí rijatzul kan ri Saúl y ruk'ajol ri Guerá. Y nroyoj k'a itzel pa ruwi' ri David,

2 Rey 24:12

Y jari' toq ri Joaquín xujech-ri' pa ruq'a' ri Nabucodonosor, e rachibilan-el ri rute', ri rusamajela', ri aj-raqen pa kiwi' ri aj-labal y ri ch'aqa' chik aj-raqen richin rija'. Re' xbanatej chupan ri ruwaqxaq juna' richin ri q'atbel-tzij richin ri Nabucodonosor.

2 Rey 24:15

Ri Nabucodonosor xeruk'uaj pa Babilonia ri Joaquín, ri rute', ri e rixjayil, ri e aj-raqen richin rija' y ri achi'a' ri kan k'o janila kiq'ij chuwech ri ruwach'ulew ri'. Kan xerelesaj-el chiri' pa Jerusalem y xeruk'uaj-el k'a pa Babilonia.

Ester 1:2

Y ri tinamit ri akuchi niq'aton-wi-tzij rija' ja ri tinamit Susa, y ri tinamit ri' kan chajin jebel y sutin-rij rik'in tz'aq.

Ester 10:3

Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.

Ester 2:3

Wakami k'a ke'ataqa' achi'a' pa ronojel tinamit ri ek'o chuxe' ri aq'atbel-tzij rat, richin yebekikanoj ri xtani', y yekik'en-pe pa tinamit Susa. Y ri xtani' ri' xkeya'ox chupan ri jay kichin ri xtani' ri ek'o chupan ri awachoch, y xkechajix roma ri asamajel Hegai ri eunuco, ri kan chajiy kichin ri xtani'. Y ja rija' ri xtik'utu chikiwech achike k'atzinel nikiben richin nikichojmirisaj-ki' richin más jebejoj ok yetzu'un.

Ester 2:4

Y ri más utz xtatz'et rat chikikojol ri xtani' ri', jari' ri xtok kan pa ruk'exel ri reina Vasti, xecha' chire. Ri rey kan janila xqa' chuwech re na'oj re', y roma ri' kan xuben achi'el ri xbix chire.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

1 Sam 9:1

K'o k'a jun achin rijatzul kan ri Benjamín rubini'an Cis. Rija' ruk'ajol ri Abiel, ri ruk'ajol ri Seror. Y ri Seror ruk'ajol kan ri Becorat y rija' ruk'ajol chik kan ri Afíah. Y ri Afíah aj-Benjamín. Y ri Cis kan maneq k'a xibinri'il chuwech,