Ester 2:10 - Kaqchiquel Bible

¹⁰ Y ri Ester man xuq'alajirisaj ta k'a ri rutinamit ni ri aj pa rachoch, roma keri' bin-el chire roma ri Mardoqueo.

Ester 2:10 Iomraidhean Croise

Ester 2:11

Y ronojel k'a q'ij ri Mardoqueo niq'axlan-el keri' chuwech-apo ri ruwa-jay chire ri kachoch ri xtani', richin nretamaj achike rubanon ri Ester, wi utz beneq o ni.

Ester 2:20

Y ri Ester kan man ruq'alajirisan ta k'a ri ruruwach'ulew, ni ri ruwinaq, roma rija' kan rutaqen-pe ronojel ri xbix chire roma ri Mardoqueo.

Ester 2:7

Ri Mardoqueo k'o k'a jun rach'alal xten rubini'an Hadasá ri nibix chuqa' Ester chire. Y ri rutata' ri Ester jari' ri ruch'utitata' ri Mardoqueo. Y rija' xk'iytisan richin ri Ester, roma ri rute-rutata' xa xeken yan, y ja ri Mardoqueo ri k'amayon kan, y kan rumi'al rubanon chire. Y ri Ester kan jebejoj ok nitzu'un.

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Ester 7:4

roma yin y ri nuwinaq xa kan oj k'ayin chik richin yojbeken y xqojk'is jumul. Wi ta xojk'ayix richin yojyuqe' pa samaj chi achi'a' chi ixoqi', man ta yich'on; jak'a re wakami, xa xqojbek'is, y re' kan man ruk'amon ta k'a chi keri' nibanatej, roma xa xtuben chi xtiwuluwu' ri awajawaren rat, xcha'.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Efesios 6:1

Rix alk'ualaxela' pa rubi' ri Dios ninbij chiwe chi tinimaj kitzij ri ite-itata', roma keri' ruk'amon chi niben.

Wuj Richin ri Rut 3:6

Y ri Rut xbe k'a y kan xuben k'a ronojel ri rubin-el ri ralite' chire.