Ester 1:7 - Kaqchiquel Bible

⁷ Keri' chuqa' ronojel ri qumbel vino ri ek'o chiri' e banon rik'in q'anapueq, y ronojel jalajoj kibanikil. Y ri vino kan pa ruk'iyal k'a k'o chiri' achi'el ri rubeyomel ri rey.

Ester 1:7 Iomraidhean Croise

1 Rey 10:21

Y ronojel qumbel ri richin ri rey Salomón kan e banon rik'in q'anapueq, y keri' chuqa' ri jalajoj ruwech rulaq ri k'o pa rachoch, rubini'an Che' Richin Líbano. Toq ri Salomón xq'aton-tzij, man xukusaj ta saqipueq roma man jun rejqalen.

2 Crón 9:20

Y ronojel qumbel ri richin ri rey Salomón kan e banon rik'in q'anapueq, y keri' chuqa' ri jalajoj ruwech rulaq ri k'o pa rachoch rubini'an Che' Richin Líbano. Toq ri Salomón xq'aton-tzij, man xukusaj ta saqipueq roma man jun rejqalen,

Ester 1:8

Y ri rey xubij k'a chi chikijujunal ri winaqi' ri ek'o chupan ri nimaq'ij ri', tikiqumu' ri vino ri xa janipe' nikirayij; y man jun tiq'aton kichin, ni man jun tibanon chire jun chi kan tuqumu' ri vino ri'.

Ester 2:18

Richin k'a niya'ox ruk'ojlen ri k'ak'a' reina, ri rey Asuero xuben jun nimaq'ij, y xeroyoj ri e tata'al y ri nima'q taq samajela'. Y xuyala' k'a sipanik chike roma ri rukikoten, y chuqa' chupan ri q'ij ri' xuqasaj ruwi' ri kan k'o chi nikitoj chire ri rey.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.