Ester 1:6 - Kaqchiquel Bible

⁶ Xuwiq k'a ri ruwech ri ruwa-jay rik'in peraj tzieq, seq, rex y raxroj ri kan janila jebel yetzu'un. Y ri peraj tzieq ri' e tzeqel rik'in argolla ri e banon rik'in saqipueq chuwech kolo' ri e banon rik'in lino q'eqq'oj-keq nitzu'un. Y ri kolo' ri' e ximil chikiwech ri pilar ri ek'o chiri'. Y ri pilar e banon rik'in abej mármol. Chuqa' ri ch'aket ri ek'o chiri' ronojel e banon rik'in q'anapueq y saqipueq. Ri ruwa-jay banon rik'in tz'ajtz'eq abej, ri banon rik'in mármol seq, y rik'in ch'aqa' chik jalajoj ruwech jebejoj taq abej keq, seq y raxroj yetzu'un.

Ester 1:6 Iomraidhean Croise

Ester 7:8

Y toq ri rey xok chik apo chiri' akuchi najin-wi ri nima-wa'in, xutz'et chi ri Amán lukul-apo pa ruwi' ri tz'uyubel nim raqen y buyul ri akuchi nuxulan-wi ri reina Ester. Jari' toq xubij ri rey: ¿Nawajo' chuqa' yak'oje-qa rik'in ri reina re wawe' pa wachoch?, xcha'. Y toq ri rey xtane-qa chubixik re ch'abel re', kan jari' toq ri samajela' richin ri rey ri ek'o chiri' xkitz'apej rupalej ri Amán, retal chi nibeken.

Ester 8:15

Ri Mardoqueo xel k'a pe pa rachoch ri rey, rukusan-pe rutziaq ri nikikusaj ri rey y ri nitzu'un ri tzieq raxroj y seq, y ruq'un jun ko'ol raqen tzieq ri banon rik'in lino q'eQ'oj nitzu'un, y chuqa' rukusan jun jebelej corona ri banon rik'in q'anapueq. Y konojel k'a ri winaqi' ri ek'o chiri' pa Susa xkireq k'a kichi' roma kikoten.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ez 23:41

Rix kan jebel k'a xiben-apo richin xe'iwoyobej rije'. Chuqa' k'o k'a jun mesa ri jebel ichojmirisan y pa ruwi' ri mesa ri' xya'ox pom y aceite ri xa e ch'aron chik chuwe yin.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Am 3:12

Yin Jehová kere' ninbij: Kan xaxe ok juba' winaqi' aj-Samaria ri xkekolotej kan. Achi'el jun koj toq nuchop jun karne'l y ri yuq'unel xaxe chik juba' ruxikin o ka'i' taq baq richin ri raqen ri nitikir nukol kan. Keri' chuqa' ri winaqi' aj-Samaria. Ri kibeyomel man xkeruto' ta.

Am 6:4

Rix yixwer pa taq jebelej ch'at ri e banon rik'in key tix. Kan jebel yixkotz'e' pa taq ch'aket ri e buyul y nima'q kaqen. Kan jebel yixnimaq'ijun rik'in alaji' karne'l ri jebel e tiojirisan. Kan jebel ye'itijla' ri nima'q taq wákix.

1 Sam 28:23

Jak'a ri Saúl xubij chi man niwa' ta. Jak'a ri e rusamajela' ri e beneq rik'in y ri ixoq, xkitej kiq'ij chirij, k'ari' rija' xunimaj kitzij. K'ari' xyakatej-q'anej pan ulew y xtz'uye' pa ch'at.