Ester 1:3 - Kaqchiquel Bible

³ Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Ester 1:3 Iomraidhean Croise

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.

1 Rey 3:15

Toq xuna' ruwech ri Salomón, jari' toq xunabej chi jun achik' ri xuben. Y toq xtzolej pa Jerusalem xapon akuchi k'o-wi ri káxa richin ri rujikibel-tzij ri Jehová, y xusuj k'iy kamelabel ri yeporox jumul, y chuqa' xusuj sipanik richin nuq'alajirisaj chi junan ruwech rik'in ri Dios. Y xuben k'a jun nima-wa'in kik'in konojel ri e tata'al chupan ri rajawaren.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Ester 1:14

Y ri achi'a' ri', ja ri Carsená, ri Setar, ri Admata, ri Tarsis, ri Meres, ri Marsená y ri Memucán. Ja e wuqu' aj-na'oj re' ri ek'o más naqaj chire ri rey, y rije' e tata'al richin ri ruwach'ulew Medo-Persia.

Ester 1:4

Re jun nimaq'ij re' xyaloj waqi' ik' y rokik ri' xq'alajin chikiwech konojel ri e royon ronojel ri rubeyomel, ri ruk'ojlen y ri nimalej uchuq'a' ri k'o pa ruq'a'.

Ester 2:18

Richin k'a niya'ox ruk'ojlen ri k'ak'a' reina, ri rey Asuero xuben jun nimaq'ij, y xeroyoj ri e tata'al y ri nima'q taq samajela'. Y xuyala' k'a sipanik chike roma ri rukikoten, y chuqa' chupan ri q'ij ri' xuqasaj ruwi' ri kan k'o chi nikitoj chire ri rey.

Ester 3:7

K'o k'a jun q'ij chupan ri juna' kablajuj chire ri q'atbel-tzij richin ri rey Asuero, chupan ri nabey ik', ri nibix Nisán chire, chi ri Amán xuben jun sakinik*f3* richin nutz'et ri q'ij y ri ik' ri xtiberubana' ri ruch'obon pa kiwi' ri judío. Y xq'alajin k'a chi ja ri q'ij oxlajuj chire ri ik' kablajuj ri nibix Adar chire.

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Jeremías 51:11

Ri Jehová kan nrajo' yeruk'is ri aj-Babilonia y xuben chike ri rey richin ri ruwach'ulew Media, chi xeyakatej chikij ri aj-Babilonia richin yekik'is. Jare' ri rutojbalil ri nuya' rija' roma xkiqasaj ruq'ij ri rachoch y roma ri' nubij chike ri aj-Media chi tikichojmirisaj ri rute-ch'ab y tikichapa' jebel ri kitobal.

Dn 5:1

Chirij ronojel re' chiri' pa Babilonia, xk'oje' k'a jun rey ri xubini'aj Belsasar. Y re rey re' xuben k'a jun nima-wa'in. Xeroyoj k'a más juba' e 1,000 winaqi' ri k'o kiq'ij richin ri rajawaren y konojel rije' kan xkiqum k'iy vino.

Dn 5:28

Ri PARSÍN nel chi tzij chi ri ajawaren xelesex yan k'a pan aq'a' rat y xch'ar chikiwech ri aj-Media y ri aj-Persia, xcha' ri Daniel.

Dn 6:1

Toq ri rey Darío ruchapon chik nuq'et-tzij, kan xerutaluj k'a e 120 aj-raqen richin nikiq'et-tzij pa kiwi' ri winaqi' ri ek'o chupan chijun ri rajawaren.

Dn 8:20

Ri karne'l rik'in ka'i' ruk'a' ri xatz'et nel chi tzij ri q'atbel-tzij richin ri ruwach'ulew Media y ri Persia.

Marcos 6:21

Jak'a xapon ri q'ij ri oyoben roma ri Herodías richin niqaqa ta ri Juan pa ruq'a'. Roma chupan ri q'ij ri', ri rey Herodes xtz'aqet chik jun rujuna'; xuben jun nima-wa'in y xeroyoj k'a ri e aj-raqen pa ruwi' ri ajawaren, ri e aj-raqen pa kiwi' ri aj-labal y chuqa' ri achi'a' ri k'o janila kiq'ij chikikojol ri aj-Galilea.