Ester 1:12 - Kaqchiquel Bible

¹² Xebe k'a ri eunuco chuk'amik ri reina achi'el xbix-el chike. Y toq xe'apon akuchi k'o-wi ri reina, rija' xa man xrajo' ta xpe y man xunimaj ta rutzij ri rey. Roma ri' ri rey xyakatej janila royowal.

Ester 1:12 Iomraidhean Croise

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Ester 1:11

kebe richin nibekik'ama' ri reina Vasti, y tukusaj-pe ri ru-corona, richin keri' konojel ri achi'a' y ri e tata'al xtikimey roma kan jebejoj ok rubanik.

Ester 1:13

Y xuteq k'a koyoxik ri achi'a' ri e aj-na'oj ri kan ketaman ri nubij ri pixa', richin yeruk'ulubej; roma ri chiri' ri e rey kan nikiben-wi achi'el nikibij ri achi'a' ri kan ketaman ri pixa'.

Ester 7:7

K'ari' ri rey xyakatej-el chire ri nima-wa'in roma kan xyakatej janila royowal, y xbe akuchi e tikil-wi kotz'i'j chiri' chuwa-jay. Jak'a ri Amán xkanej kan richin nuk'utuj utzil chire ri reina, chi man nikamisex ta, roma retaman chik chi, ja ri kamik ri royoben.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 79:5

Jehová, ¿kan jantape' ta k'a xtik'oje' ri awoyowal pa qawi'? ¿K'a janipe' xtitane' ri awoyowal richin nik'a'on achi'el nuben ri q'aq'?

Ex 32:19

Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.

Ex 32:22

Y ri Aarón xubij: Táta, man tipe awoyowal chuwe, roma rat kan awetaman chi re winaqi' re' kan niqa' chikiwech richin yemakun.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.

Wuj Richin Etamabel-Tzij 20:2

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; y ri wineq ri nibanon chire ri rey chi niyakatej royowal, rik'in juba' xa nuya-ri' pa kamik.

Dn 2:12

Toq ri rey xrak'axaj re' kan xyakatej janila royowal, y roma ri' xubij chi kekamisex konojel ri e pixabanela'.

Dn 3:13

Toq xrak'axaj keri', ri rey kan xyakatej k'a janila royowal, y roma ri' xuteq kik'amik ri Sadrac, ri Mesac y ri Abed-negó. Y kan chi'anin k'a xek'amer-pe chuwech ri rey.

Dn 3:19

Toq xrak'axaj ronojel re', ri rey kan xkaqer k'a ri rupalej roma ri royowal chikij ri Sadrac, Mesac y ri Abed-negó. K'ari' xubij-el chi tiya'ox wuqu' mul ri ruchuq'a' ri q'aq'.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Efesios 5:22

Rix ixoqi', kan ruk'amon ninimaj kitzij ri iwachijilal, achi'el ninimaj rutzij ri Dios,

Efesios 5:24

Ri molaj qach'alal nikinimaj k'a ronojel rutzij ri Cristo. Y keri' k'a ruk'amon chi niben rix ixoqi', tinimaj kitzij ri iwachijilal chuqa'.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

1 Pedro 3:1

Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,