Ester 1:1 - Kaqchiquel Bible

¹ Xk'oje' k'a jun achin rubini'an Asuero, ri xok rey pa ruwi' k'iy ruwach'ulew ri xubini'aj Medo-Persia, ri k'o 127 nima'q taq ruwach'ulew chupan. Y nitiker-pe pa relebel-q'ij rik'in ri ruwach'ulew India y ri pa qajbel-q'ij napon k'a pa ruwach'ulew Etiopía.

Ester 1:1 Iomraidhean Croise

Wuj Richin ri Esdras 4:6

Y toq k'iy yan juna' tiq'ax kan richin nuq'et-tzij ri Darío, jari' toq xuchop nuq'et-tzij ri rey Asuero. Y chupan ri q'ij ri' xban k'a jun sujunik chikij ri winaqi' aj-Jerusalem y ri aj-Judá.

Ester 10:1

Ri rey Asuero xuben k'a chi ri winaqi' richin ri ruwach'ulew ri ek'o pa ruq'a' rija', ri napon k'a chuchi' ri nimalej taq palou, kan k'o chi nikitoj chire rija' ri nuq'et pa kiwi'.

Ester 2:3

Wakami k'a ke'ataqa' achi'a' pa ronojel tinamit ri ek'o chuxe' ri aq'atbel-tzij rat, richin yebekikanoj ri xtani', y yekik'en-pe pa tinamit Susa. Y ri xtani' ri' xkeya'ox chupan ri jay kichin ri xtani' ri ek'o chupan ri awachoch, y xkechajix roma ri asamajel Hegai ri eunuco, ri kan chajiy kichin ri xtani'. Y ja rija' ri xtik'utu chikiwech achike k'atzinel nikiben richin nikichojmirisaj-ki' richin más jebejoj ok yetzu'un.

Ester 8:9

Xeri' xe'oyox konojel ri tz'ibanela' richin ri rey chupan ri q'ij juwineq oxi', richin ri rox ik', ri nibix Siwan chire. Y ronojel ri ruchojmilal ri xuya' ri Mardoqueo, xtz'ibatej-el chike ri judío, konojel ri tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri 127 nima'q taq ruwach'ulew; ri nitiker-el pa relebel-q'ij chire ri ruwach'ulew India, y napon k'a pa qajbel-q'ij chire ri ruwach'ulew Etiopía. Y xtz'ibex-el pa ronojel ch'abel, y xetaqalox-el chike konojel ri tinamit ri'.

Ester 9:30

Y ronojel re wuj re' xtaq chike konojel ri winaqi' judío ri ek'o chupan ri e 127 nima'q taq ruwach'ulew ri ek'o pa ruq'a' ri rey Asuero. Y re wuj re' ruk'uan ch'abel richin uxlanibel-k'u'x, y ri ch'abel ri' kan qitzij wi,

Wuj Richin ri Isaías 18:1

Toq'ex ruwech ri ruwach'ulew Etiopía ri akuchi janila sak' ek'o.

Wuj Richin ri Isaías 37:9

Jari' toq ri rey richin Asiria xrak'axaj chi ri Tirhaca rey richin Egipto, ri aj-Etiopía xel-pe chiri' richin norubana' oyowal kik'in ri aj-Asiria. Y toq xrak'axaj re ch'abel re', jari' toq xeruteq chik pe ch'aqa' taqonela' rik'in ri Ezequías. Y kere' k'a ri xubij chike ri taqonela' ri':

Dn 11:2

Wakami k'a, yin xtinbenk'utu' k'a chawech ri qitzij. Xkebeyakatej k'a pe e kaji' chik rey richin ri ruwach'ulew Persia, y ri ruk'isibel kan janila rubeyomel xtibek'oje', y kan más k'a k'iy chikiwech ri ch'aqa' chik ri xek'oje'. Y toq xtik'oje-q'anej ruchuq'a' roma ri rubeyomel, kan xtiyakatej k'a chirij ri ajawaren richin Grecia.

Dn 6:1

Toq ri rey Darío ruchapon chik nuq'et-tzij, kan xerutaluj k'a e 120 aj-raqen richin nikiq'et-tzij pa kiwi' ri winaqi' ri ek'o chupan chijun ri rajawaren.

Dn 9:1

Toq k'a k'es na ri rey Darío, ruk'ajol ri Asuero, ri aj-Media, y chupan ri nabey juna' toq xkiben rey chire pa ruwi' ri ajawaren richin Babilonia.