Efesios 2:3 - Kaqchiquel Bible

³ Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

Tuilleadh tionndaidhean

Kaqchikel Santo Domingo (Xenacoj)

³ Rubꞌanun kan, roj chuqaꞌ xqabꞌen achel ndikibꞌen ri wineq ri kꞌa bꞌaneq kánima chirij ri ndusuj ri rochꞌulew, y ja ri itzel teq rayinik chin ri qa-cuerpo y ri itzel teq achike xeqanojij ri xeqabꞌanalaꞌ, y kin qichin wi chi roj yakoy royowal ri Dios pa qawiꞌ, achel ri chꞌaqa chik ri ma ngeniman ta chuwech.

Kaqchikel Santa Maria de Jesus

³ Ruma rubꞌanun-pa, konojiel ojreꞌ quireꞌ jeꞌ xkaꞌan; xojucꞌuax ruma ri itziel tak kax ri xaꞌkarayij. Ri itziel tak kax ri xaꞌkaꞌan pensar y xaꞌkarayij, jareꞌ ri xaꞌkaꞌan. Can xkayac rayoval ri Dios pa kaveꞌ, ruma ojreꞌ xa-jan antok xojalax man jun otz ri kacꞌamun-pa pa kacꞌaslien; can incheꞌl ri nicꞌaj chic vinak.

Kaqchikel Central Guatemala

³ Tok rubanon can, konojel roj que chuka' ri' xkaben. Xojuc'uex roma ri itzel tak karayibel. Ri etzelal ri xekach'obola' y xekarayila', jari' ri xekaben. Can xkoyoj-vi ri royoval ri Dios pa kavi', roma roj can pá kalaxic pe man jun utz ta chike; can achi'el ri ch'aka' chic vinek.

Re C'ac'a Testamento pa Kach'abal

³ Tak rubanon can, konojel yoj quire' chuka' xkaban. Xojc'uax roma re itzel tak karayibal. Xa can xe re etzelal re xe'kanojela' y xe'karayila', jare' re xe'kaban. Can xkavayoj-va re castigo pa kave', roma yoj can pa kalaxic che man jun cosa otz xkaban, can ancha'l re nic'aj chic vinak.

Kaqchikel Western Solola

³ Tek rubanon ca, queri' chuka' xkaben konojel riyoj. Xojuc'uex ruma ri itzel tak karaybel. Ri etzelal ri xekach'obola' y xekarayij, yeri' ri xekaben. Can xkasiq'uij (xkoyoj) wi ri royowal ri Dios pa kawi', ruma riyoj can pa kalaxic pe majun utz ta chake; can achi'el ri nic'aj chic winek.

Efesios 2:3 Iomraidhean Croise

Wuj Richin ri Rutikeribel 5:3

Ri Adán 130 k'a rujuna' toq xralk'ualaj ri ruk'ajol, ri xubini'aj Set. Ri ala' ri' kan man jun k'a xujel chire ri rutata'.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin ri Achin Job 25:4

¿Kan nitikir kami nubij jun wineq chire ri Dios chi man aj-mak ta? Roma ri wineq xa aj-ruwach'ulew y kan wawe' chuqa' alaxineq-wi, xa roma ri' kan man ch'ajch'oj ta.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Marcos 4:19

Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, y ri ch'aqa' chik ruwech rayinik ri yepe kik'in, xa nijiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

San Juan 1:13

Re', man nel ta chi tzij chi xe'alex chik rik'in ri kite'. Chuqa' man roma ta rurayibel ri wineq. Jak'a kan xe'ok ralk'ual ri Dios roma keri' ri rurayibel rija'.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Hechos 14:16

Stape' ri ojer kan, ri Dios kan xuya-wi q'ij chike ri winaqi' chi xekik'uala' ri bey ri xeqa' chikiwech,

Romanos 1:24

Roma ri' ri Dios xerumalij kan richin tikik'uaj na ri janila itzel k'aslen ri nikirayij y nikich'ob pa kánima. Xekibanala' banobel ri xa ruk'amon-pe k'ix.

Romanos 11:30

Toq rubanon kan, rix ri man ix judío ta man iniman ta rutzij ri Dios. Jak'a toq ri nuwinaq judío xkiya' kan ri Dios, rija' xusuj ri rutzil chiwe rix, y rix xik'ul.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

Romanos 2:14

Toq ri winaqi' ri man ketaman ta ri pixa' y nikiben ri nubij, kan niq'alajin k'a chi ri pa taq kánima kan k'o-wi ri niq'alajirisan chikiwech achike ri utz y achike ri man utz ta.

Romanos 5:10

Y wakami ri Dios xuben chi junan chik qawech rik'in roma ri ruk'ajol xken qoma roj. Y xtiqil ri kolotajik ri richin jantape' roma rija' xk'astej.

Romanos 5:9

Wakami man jun chik qamak yojk'ulun chuwech ri Dios roma ri rukamik ri Cristo. Y man xaxe ta ri' kan xqojkolotej-wi chuwech ri ruk'ayewal ri xtuya' ri Dios.

Romanos 6:12

Roma ri' kan man k'a tiqaya' q'ij chi ri mak nik'oje' pa qak'aslen chi nibin chiqe ri k'o chi niqaben. Qetaman chi xqojken, y roma ri' man tiqaya' q'ij chi ja ri itzel taq rayinik ri ye'uk'uan qichin.

Romanos 7:18

Yin xa in jun wineq ri man jun utz k'o pa nuk'aslen. Ninwajo' ninben ri utz, jak'a xa man yitikir ta.

Romanos 9:22

Keri' ri Dios xrajo' xuk'ut ri ruchuq'a' y ri royowal pa kiwi' ri winaqi' ri xkeberuk'isa'. Jak'a pa nabey janila xukoch' ri itzel taq kibanobal.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

Efesios 4:22

Roma ri' tiya' kan ri itzel k'aslen ri xik'uaj toq rubanon kan, toq k'a man jani jalatajineq ta ri ik'aslen; toq xa k'a ix q'olotajineq na pa kiq'a' ri itzel taq irayibel.

Colosenses 1:21

Ri rubanon kan, rix kan nej k'a ikojol ibanon rik'in ri Dios, roma rik'in ri itzel taq ch'obonik y ri itzel taq banobel ri xek'oje' iwik'in, xq'alajin chi kan niwetzelaj-wi ri Dios.

1 Tesalonicenses 4:13

Roj niqajo' chi rix niwetamaj ri achike xtiban chike ri qach'alal ri e kaminaqi' chik el, richin man yixbison, achi'el nikiben ri winaqi' ri man koyoben ta ri utzil ri k'o rik'in ri Jesucristo.

1 Tesalonicenses 5:6

Roma ri' man tiqaben achi'el nikiben ch'aqa', ri xa yewer. Jak'a roj qojk'ase' jebel y tiqana' jebel ri yeqabanala'.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

1 Juan 2:16

Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

1 Juan 2:8

Man rik'in ri', yitikir chuqa' ninbij chi re pixa' re' k'ak'a'. Y re' xq'alajin pa ruwi' ri Jesucristo, y rix chuqa' kan nik'ut. Roma ri ramaj richin q'equ'm kan nuchop nik'is-el, y najin nik'ulun-pe ri qitzij saqil.