Efesios 2:2 - Kaqchiquel Bible

² ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

Tuilleadh tionndaidhean

Kaqchikel Santo Domingo (Xenacoj)

² Xikꞌuaj jun itzel kꞌaslen achel kikꞌaslen ri wineq kꞌa bꞌaneq kánima chirij ri ndusuj ri rochꞌulew. Xikꞌuaj jun kꞌaslen achel xrajoꞌ ri itzel, ri ukꞌuayon kibꞌey ri itzel teq espíritu ekꞌo pa kaqiqꞌ, y ndisamej chuqaꞌ wokami pa kánima ri ma ngeniman ta chuwech ri Dios.

Kaqchikel Santa Maria de Jesus

² Itziel ri icꞌaslien ivucꞌuan ri ranun-pa. Junan xiꞌan quiqꞌuin ri nicꞌaj chic vinak, ruma xixꞌa chirij ri itziel tak kax ri icꞌo choch-ulief. Xixꞌa riqꞌuin ri Satanás ri cajaf ri itzal tak espíritus ri icꞌo chupan ri cakꞌiekꞌ. Y jajaꞌ ri nisamaj riqꞌuin cánima ri vinak ri man ncaꞌniman ta cha ri Dios.

Kaqchikel Central Guatemala

² Itzel ri ic'aslen ri xic'uaj. Junan rubaniquil ri ic'aslen quiq'uin ri ch'aka' chic vinek, roma xitzekelbej ri banobel richin re ruvach'ulef. Xitzekelbej ri itzel-vinek ri cajaf ri itzel tak espíritu ri ec'o pa cak'ik'. Jac'a espíritu ri' ri nisamej pa tak cánima ri vinek ri can man niquinimaj ta rutzij ri Dios.

Re C'ac'a Testamento pa Kach'abal

² Can man otz-ta re c'aslen xic'uaj. Re ic'aslen junan rubanic riq'uin re quic'aslen re nic'aj chic vinak, roma xitzekelbej re banabal chin re ruch'ulef. Xitzekelbej re itzel, re cajaf re itzel tak espíritu re jec'o pa cak'ik'. Ja espíritu re' re nisamaj pa tak cánma re vinak re can man niquinimaj-ta rutzij re Dios.

Kaqchikel Western Solola

² Itzel ri ic'aslen ri xic'uaj tek rubanon ca. Junan rubaniquil ri ic'aslen quiq'ui ri nic'aj chic winek, ruma xitzekelbej ri etzelal ri niban chuwech re ruwach'ulef. Xitzekelbej ri itzel winek ri cajawalul ri itzel tak espíritu ri yec'o pa cak'ik'. Ya c'a espíritu ri' ri nisamej pa tak cánima ri winek ri ma yeniman ta chare ri Dios.

Efesios 2:2 Iomraidhean Croise

Efesios 6:12

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

San Juan 12:31

Wakami noqaqa yan k'a ri ruq'atoj-tzij ri Dios pa kiwi' ri winaqi' ri ek'o chuwech re ruwach'ulew, y kan xtelesex k'a el ri uk'uayon richin re ruwach'ulew.

Efesios 5:6

Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Efesios 4:22

Roma ri' tiya' kan ri itzel k'aslen ri xik'uaj toq rubanon kan, toq k'a man jani jalatajineq ta ri ik'aslen; toq xa k'a ix q'olotajineq na pa kiq'a' ri itzel taq irayibel.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

1 Juan 5:4

Y roma ri' roj ri oj ralk'ual chik ri Dios, yojch'akon chirij ronojel ri etzelal richin re ruwach'ulew. Y yojch'akon roma qakuquban qak'u'x rik'in ri Jesucristo.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

Apocalipsis 20:2

Re ángel re' xberuchapa-pe ri nimalej itzel keq rij chikop ri ojer kumetz, ri nibix chuqa' Itzel-Wineq y Satanás chire; y rik'in ri cadena ri' xuxim kan richin 1,000 juna'.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

Colosenses 1:21

Ri rubanon kan, rix kan nej k'a ikojol ibanon rik'in ri Dios, roma rik'in ri itzel taq ch'obonik y ri itzel taq banobel ri xek'oje' iwik'in, xq'alajin chi kan niwetzelaj-wi ri Dios.

Gálatas 1:4

roma ri Jesucristo xuya-ri' richin xkamisex richin xojrukol chuwech ri qamak y ri etzelal ri k'o wawe' chuwech re ruwach'ulew. Ronojel re' xuben roma kan ja wi ri' ri rurayibel ri qatata' Dios,

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

1 Corintios 5:10

Y toq yin xinbij keri', kan chikij qach'alal xich'on-wi. Y man xich'on ta chikij winaqi' ri man kikuquban ta kik'u'x rik'in ri Cristo, ri xa e achi'a' y ixoqi' ri nikikanola-ki' richin yemakun, o ri kan k'a nikajo' na chi ronojel kik'in ta rije' k'o-wi, o ri eleq'oma', o ri nikiya' kiq'ij ch'aqa' chik dios. Roma richin chi niqach'er ta el qi' roj kik'in rije', k'o chi yojel-el chuwech re ruwach'ulew.

Hechos 5:3

Jari' toq ri Pedro xubij chire: ¿Achike k'a roma toq xaya' q'ij chi ri Satanás xunojisaj ri awánima, richin chi xatz'uk-tzij chuwech ri Loq'olej Espíritu, y xak'en kan ch'aqa' chire ri rajel ri ulew ri xak'ayij?

San Juan 15:19

Wi rix ix junan ta kik'in ri winaqi' ri k'a kikuquban na kik'u'x rik'in re ruwach'ulew, yixkajo' ta. Jak'a wakami yixketzelaj, roma xixincha' richin man ix richin ta chik re ruwach'ulew.

San Juan 14:30

Y re wakami xa man k'iy ta chik ch'abel re xtinbij kan chiwe, roma ri Itzel-Wineq ri chapayon re ruwach'ulew noqaqa yan. Jak'a rija' man jun ruq'a' chuwe yin.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Wuj Richin ri Achin Job 1:7

K'ari' ri Jehová xuk'utuj chire ri sujunel chi akuchi peteneq-wi. Ri sujunel ri' xubij chire ri Jehová chi peteneq chuwech chijun ri ruwach'ulew.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

San Juan 16:11

Chuqa' rija' kan xtuq'alajirisaj chi k'o q'atbel-tzij, roma xa xq'at yan tzij pa ruwi' ri Itzel-Wineq ri chapayon richin re ruwach'ulew.

San Juan 13:27

Toq ri Judas xuk'ul ri kaxlan-wey ri', kan xpe-wi k'a ri Itzel-Wineq pa ránima. K'ari' ri Jesús xubij chire ri Judas: Ri ach'obon chi naben, tabana' chi'anin, xcha' chire.

San Juan 13:2

Ri Jesús y ri rutijoxela' kichapon wa'in. Jak'a ri Judas ri ruk'ajol ri Simón Iscariote, nisamej chik ri Itzel-Wineq pa ránima, y jari' ri nibin chire chi tujacha' ri Jesús.

San Juan 8:23

Jak'a ri Jesús xubij: Rix kan ix aj wawe-qa y yin in aj chila' chikaj. Kan ix richin wi re ruwach'ulew y yin man keri' ta.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

San Mateo 13:38

Ri ulew ri xban-wi ri tikoj, kan ja re ruwach'ulew. Ri utzilej ija'tz jak'a ri ek'o pa rajawaren ri Dios. Y ri pach'un-q'os jak'a ri kan e richin wi ri etzelal.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

1 Juan 3:8

Jak'a ri man nikiya' ta kan rubanik ri mak, xa kan e richin k'a ri Itzel-Wineq, roma rija' kan aj-mak wi pa rutikeribel-pe. Y xa roma ri' toq xok'ulun ri Ruk'ajol ri Dios, chuyojik ri rusamaj ri Itzel-Wineq.

Santiago 1:7

Y wi rix keri' niben, man k'a tich'ob chi ri Dios xtuya-pe chiwe ri nik'utuj chire.

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

Hechos 19:35

Chiri' k'o-wi ri aj-tz'ib richin ri tinamit. Y toq xtikir xerutanaba-qa ri winaqi', xubij k'a chike: Winaqi' richin re tinamit Éfeso, ¿kan k'o ta kami jun wineq ri man ta etamayon chi roj ri oj aj wawe' pan Éfeso kan oj chajinela-wi richin ri rachoch ri Diana, y keri' chuqa' richin ri ruwachibel ri nimalej dios Diana ri qajineq-pe chila' chikaj?

San Lucas 22:31

Ri Jesús xubij k'a chuqa' chire ri Pedro: Simón, Simón ninbij k'a chawe chi ri Itzel-Wineq xixruk'utuj yan chire ri Dios richin chi yixrutejtobej. Kan nrajo' k'a yixrusiloj achi'el nisilox ri trigo chupan ri chaybel.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

San Mateo 11:19

Jak'a yin, ri xiqaqa-pe achi'el wineq chi'ikojol, toq yiwa-yinuk'ya' kan nibij k'a chuwe chi in jun achin aj-wa'il, qumuy vino, kachibil ri e moloy taq méro ri nitoj chike ri aj-Roma, chuqa' ri winaqi' ri man nikitzeqelibej ta ri pixa'. Jak'a yin ninbij chi ri etamabel richin ri Dios kan niq'alajin k'a rik'in banobel, xcha' ri Jesús.

Wuj Richin ri Jeremías 23:10

Chijun ri ruwach'ulew kan e nojineq rik'in ri e q'alajirisanela' ri', wineq ri kan xaxe ri etzelal ri nikiben. Y koma rije', ri ruwach'ulew kan xchaqi'j-qa y ri soq'olbel ri ek'o pa tz'iran ruwach'ulew chuqa' xechaqi'j-qa. Man rik'in ri' kan man nikiben ta pa ruchojmilal y nikikusaj ri kuchuq'a' man pa ruchojmilal ta.

Wuj Richin ri Isaías 57:4

¿Achoq chirij k'a yixtze'en-wi rix? ¿Achoq chirij kami yixmerun-wi rix? ¿Y achoq chuwech nik'ut-wi iwaq'? Rix alk'ualaxela' ri man ix nimey ta tzij; rix ix jun sol winaqi' ri janila nitz'uk-tzij.

Wuj Richin Bix Chire ri Dios 17:14

Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.

Wuj Richin ri Achin Job 31:7

Y wi ta yin ninjel ri nubey y ninchop chik el jun ri xa man k'utun ta chinuwech, wi ta yin kan nutzeqeliben ta ri yerutzu' ri wineq, y wi yin kan in tz'ilobitajineq chik k'a roma ri man utz ta yeruchop-el ri nuq'a',

Apocalipsis 16:17

Y kan jari' k'a toq ri ruwuq ángel xuq'ej pa kaq'iq' ri ruk'uan chupan ri qumbel, y xinwak'axaj k'a chi k'o nich'on-pe ri akuchi k'o-wi ri rutz'uyubal ri Dios ri chiri' pa rachoch. Y kan rik'in k'a ruchuq'a' nubij-pe: Jare' xk'achoj yan, xcha'.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Os 10:9

Ri Jehová nubij: Ri aj-Israel kan man e tanel ta richin yemakun, kan kichapon-pe toq xbanatej ri mak pa Guibeá. Kan jantape' k'a ek'o chupan ri mak. Roma ri' ri oyowal kan xkeberuq'i' k'a ri itzel taq winaqi' ri ek'o pa Guibeá.

Wuj Richin ri Achin Job 1:19

Jari' toq jun nimalej kaq'iq' ri peteneq pa tz'iran ruwach'ulew xumej ri jay y xuwulaj. Ri kaq'iq' ri' kan chi e kaji' k'a kajtz'uk richin ri jay xumej, roma ri' toq ri jay xtzaq pa kiwi' rije' y konojel xeken. Xaxe chik yin chike konojel ri ojk'o chiri' ri xikolotej kan, y jare' nonya' rutzijol chawe, xcha'.

Wuj Richin ri Achin Job 1:16

Kan k'a man jani k'a titane-qa chi ch'owen ri samajel ri' toq kan jari' xoqaqa chik jun samajel y xberubij chire ri Job: Toq roj ojk'o chiri' e qachajin ri karne'l, k'o k'a jun koyopa' ri xbeqaqa-pe chikaj, xeruk'is konojel ri karne'l y ri yuq'unela'. Xaxe chik k'a yin ri xikolotej kan, y roma ri' nonya' rutzijol chawe, xcha'.

San Mateo 13:22

Y ri ija'tz ri xqaqa kan kojol taq q'ayis ri k'o ruk'ixal, kan nich'on-wi k'a chikij ch'aqa' chik winaqi' ri nikak'axaj ri ruch'abel ri Dios. Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, xa yejiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

Marcos 4:19

Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, y ri ch'aqa' chik ruwech rayinik ri yepe kik'in, xa nijiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

Efesios 1:21

Ri Cristo xban k'a chire chi ja rija' ri k'o más rejqalen chikiwech ri ángel. K'o más ruq'ij chikiwech ri e q'atoy taq tzij, y ri ch'aqa' chik ri k'o uchuq'a' pa kiq'a' y ri k'o janila kiq'ij. Rija' más rejqalen chikiwech konojel; man xaxe ta chupan re q'ij re', xa kan keri' chuqa' chupan ri peteneq chiqawech-apo.

Efesios 2:11

Toqaqa chi'ik'u'x rix ri man ix judío ta, ri xixetzelex koma ri winaqi' ri kik'uan ri etal chire ri kich'akul,*f1* roma rix maneq ri etal ri' chire ri ich'akul.

Efesios 2:13

Ri ojer kan rix nej ixk'o-wi chire. Jak'a re wakami rix ri ikuquban ik'u'x rik'in ri Cristo Jesús, xixya'ox naqaj rik'in. Y re' xbanatej roma xken iwoma rix.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Efesios 5:8

Toq rubanon kan, rix ixk'o pa jun q'equ'm. Jak'a re wakami saqirisan chik ri ik'aslen roma ri Dios. Tik'uaj k'a ri ik'aslen achi'el ruk'amon.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.