Dn 8:3 - Kaqchiquel Bible

³ Yin xintz'et k'a apo chi k'o jun achij karne'l ri k'o-apo chuwech ri raqen-ya' ri'. Y ri karne'l ri' k'o k'a ka'i' nima'q taq ruk'a'. Jun k'a chike ri uk'a' ri' kan xk'iy-q'anej más.

Dn 8:3 Iomraidhean Croise

1 Crón 21:16

Toq ri David xtzu'un-q'anej, jari' toq xutz'et ri ángel k'o pa kinik'ajal ri ruwach'ulew y ri kaj, y ruk'uan jun espada relesan-el pa ruk'ojelibal richin nuq'ijuj ri Jerusalem. Ri David y ri e tata'al ri ek'o rik'in kan jari' xkilukuba-qa-ki' pan ulew. Y rije' kikusan ri tzieq richin bis.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Esdras 4:5

Xekipuaqij k'a jujun achi'a' ri ek'o pa q'atbel-tzij, richin chi tikibana' chike ri winaqi' ri xetzolin-pe chi tikimalij kik'u'x y man nikiben ta q'anej ri samaj. Keri' k'a xkiben ri winaqi' ri' janipe' xq'aton-tzij ri rey Ciro y chuqa' toq xq'aton-tzij ri Darío rey richin Persia.*f1*

Ester 1:3

Y xbanatej k'a, chi chupan ri rox juna' richin ri ruq'atbal-tzij, chi xuben jun nimalej nimaq'ij chike konojel ri e tata'al, ri nima'q taq samajela', ri e aj-raqen kichin ri aj-labal y ri e aj-raqen pa kiwi' ri nima'q taq ruwach'ulew.

Wuj Richin ri Isaías 13:17

Re wakami k'a kan xkenbentaqa' k'a pe ri aj-Media chikij ri aj-Babilonia. Ri aj-Media kan man xtikich'ob ta chik ri janila chi saqipueq, ni man xtikirayij ta ri q'anapueq richin nikik'uaj.

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Isaías 44:28

Chuqa' ja yin ri yibin chire ri rey Ciro chi ja rija' ri xtok yuq'unel wichin, y ja rija' xtibanon ronojel ri nurayibel. Ri Ciro xtubij chi xtipabex chik jun bey ri tinamit Jerusalem, y chi ri wachoch kan xtipabex chik jun bey.

Wuj Richin ri Jeremías 51:11

Ri Jehová kan nrajo' yeruk'is ri aj-Babilonia y xuben chike ri rey richin ri ruwach'ulew Media, chi xeyakatej chikij ri aj-Babilonia richin yekik'is. Jare' ri rutojbalil ri nuya' rija' roma xkiqasaj ruq'ij ri rachoch y roma ri' nubij chike ri aj-Media chi tikichojmirisaj ri rute-ch'ab y tikichapa' jebel ri kitobal.

Dn 10:5

Y xitzu'un k'a apo pa ruwi' ri ya' y xintz'et k'a chi k'o jun achi'el achin ri rukusan tzieq ri banon rik'in lino seq-seq, y ri ximibel-rupan banon rik'in q'anapueq ri peteneq pan Ufaz.

Dn 2:39

Chirij k'a ri aq'atbel-tzij xtibeyakatej chik k'a pe jun q'atbel-tzij ri juba' ok rejqalen, y chirij chik ri' xtibeyakatej chik k'a pe ri rox q'atbel-tzij. Jari' ri nel chi tzij ri q'enq'oj-pueq, y jari' ri xtuq'et-tzij pa ruwi' chijun ruwach'ulew.

Dn 5:31

Chirij rija', ja ri Darío, ri aj-Media ri xok kan chupan ri ajawaren; y ri Darío k'o chik k'a oxk'al ka'i' rujuna' toq xapon chupan ri ajawaren.

Dn 6:28

Keri' k'a ri Daniel xk'oje' k'a ruq'ij chupan chijun ri q'atbel-tzij richin ri rey Darío. Y chirij ri Darío, xk'oje' chuqa' ruq'ij chupan ri q'atbel-tzij richin ri Ciro, ri rey richin ri ruwach'ulew Persia.

Dn 7:5

Y ri ruka'n chikop, kan achi'el k'a rubanik jun oso, ri kan nijekejot. Ri chikop ri' kan rukayen k'a oxi' baq, y xpe k'a jun ch'abel ri xubij chire: Kayakatej y tatija' ti'ij ri xa janipe' yatikir natej, xcha' chire.

Dn 8:2

Yin kan xinna' k'a chi ink'o pa tinamit Susa, akuchi-k'o-wi ri ruk'u'x ri ajawaren, ri chiri' pa ruwach'ulew Elam. Y yin ink'o k'a chuchi' ri raqen-ya' rubini'an Ulai.

Dn 8:20

Ri karne'l rik'in ka'i' ruk'a' ri xatz'et nel chi tzij ri q'atbel-tzij richin ri ruwach'ulew Media y ri Persia.

Wuj Richin ri Zacarías 1:18

Chirij ri' k'o chik k'a xk'utumej chinuwech y xintz'et k'a chi ek'o kaji' uk'a'.

Wuj Richin ri Zacarías 2:1

Chirij ri' k'o chik k'a jun ri xk'utumej chinuwech, y xintz'et k'a chi k'o jun achin ri ruk'uan jun k'an richin etanik.

Wuj Richin ri Zacarías 5:1

Chirij ri' k'o chik k'a jun xk'utumej chinuwech. Y xintz'et k'a chi k'o jun nim wuj ri beneq pa kaq'iq'.

Wuj Richin ri Zacarías 5:5

Xeri' ri ángel ri nich'on wik'in xik'o-el chinuwech, y xubij chuwe chi tintz'eta' ri achike ri xtibek'ulun-pe.

Wuj Richin ri Zacarías 5:9

Xitzu'un-q'anej chikaj y xintz'et e ka'i' ixoqi' yexik'an e peteneq qik'in, y janila nima'q ri kixik'. Y toq xe'oqaqa, xkitzeqej-el ri chakech richin xkik'uaj-el.

Wuj Richin ri Zacarías 6:1

Yin Zacarías k'o chik k'a jun xk'utumej chinuwech. Y xintz'et kaji' carruaje e richin labal, ri xe'el-pe chukojol ka'i' juyu'. Y ri ka'i' juyu' ri' kan e banon rik'in q'enq'oj-pueq.

Wuj Richin ri Q'axanri'il 24:2

y toq xtzu'un-qa ri pa xulan, xutz'et k'a chi ri tinamit Israel e uxlawineq pa taq tzobaj y jari' toq ri Espíritu richin ri Jehová xqaqa pa ruwi' rija' richin xubij:

Wuj Richin ri Josúe 5:13

Y ri Josué k'o k'a ke taq ri' chunaqaj ri tinamit Jericó, toq xutz'et jun achin pa'el chuwech y ruk'uan jun espada pa ruq'a' ri eleneq pa ruk'ojelibal. Y ri Josué xjel-apo rik'in y xubij chire: ¿At achike k'a rat? ¿At qachibil o xa at etzelanel qichin?, xcha' chire.

Apocalipsis 13:11

K'ari' yin xintz'et chi k'o chik k'a jun itzel chikop ri chaq k'ate' xbek'ulun-pe ri pan ulew. Y re jun chik chikop re' k'o ka'i' ruk'a' achi'el ruk'a' jun karne'l. Jak'a ri ruch'abel kan achi'el ri ruch'abel ri itzel keq rij chikop.

Apocalipsis 5:6

Y k'ari' yin xintz'et chi chiri' chunaqaj ri tz'uyubel richin q'atbel-tzij, ri sutin-kij koma ri kaji' ri k'o kik'aslen y chikikojol ri achi'a' ri k'o kiq'ij, pa'el jun achi'el Karne'l ri kan xkamisex y wakami k'es. K'o wuqu' ruk'a' y wuqu' runaq'-ruwech, ri nuk'exewachuj ri wuqu' Espíritu richin ri Dios ri e taqon chuwech ri ruwach'ulew.