Dn 6:5 - Kaqchiquel Bible

⁵ Man rik'in ri', re achi'a' re' kan jantape' k'a nikich'ob jebel rij ri achike nikiben chire. Y xkitz'et chi man yetikir ta nikisujuj roma ri rusamaj y roma ri' xkikanoj richin ta ri Daniel nuq'ej ruwi' ri rupixa' ri ru-Dios.

Dn 6:5 Iomraidhean Croise

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

1 Sam 24:17

y xubij: Rat kan más at choj chinuwech yin. Rat xatzolij rajel ruk'exel chuwe rik'in utzil, y yin xa kan ja ri itzel xinben chawe.

1 Sam 29:3

K'ari' ri e aj-raqen kichin ri aj-Filistea xkik'utuj chire ri rey Áquis: ¿Achike nikiben re taq achi'a' hebreo wawe'?, xecha'. Ri rey Áquis xubij chike: Re' jare' ri David ri rusamajel ri Saúl ri rey richin Israel, ri kan k'o-pe wik'in k'o yan chik pe jun juna' ri', roma kan ja ri q'ij toq xoqaqa qik'in y k'a re wakami man jun itzel wilon ta chirij, xcha'.

Wuj Richin ri Jeremías 29:7

Kan kixsamej k'a richin nibe ta q'anej pa jotol ri ruwach'ulew ri akuchi ixk'o-wi. Kan tik'utuj k'a chuwe chi utz ta xtuben ri ajawaren ri', richin keri' kan utz chuqa' xkixk'oje' rix.

Wuj Richin Bix Chire ri Dios 37:32

Ri banoy etzelal kan chaq nuq'elebej ri choj ruk'aslen, y nukanoj rubanik richin nukamisaj.