Dn 5:2 - Kaqchiquel Bible

^2-3 Ri rey Belsasar, roma ri ruq'abarik ri kan xik'o ruwi' ri xuben, kan xuteq k'a ruk'amik ri qumbel ri e banon rik'in q'anapueq y saqipueq ri e ruk'amon-pe ri Nabucodonosor chupan ri rachoch ri Dios ri k'o pa Jerusalem, toq rija' xq'aton-tzij. Kan xebek'amer k'a pe ri qumbel ri', y ri Belsasar xuqum vino chupan, e rachibilan ri e rixjayilal, ri e ru-concubina y ri achi'a' ri k'o kiq'ij.

Dn 5:2 Iomraidhean Croise

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

2 Rey 24:13

Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

2 Rey 25:15

Ri aj-raqen kichin ri chajinela' richin ri Nabucodonosor xuk'uaj-el ri porobel-pom y ri k'ojelibel ri e banon rik'in q'anapueq y saqipueq.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Dn 5:13

Kan jari' k'a xbek'amer-pe ri Daniel, y xapon k'a chuwech ri rey. Y ri rey xubij chire: ¿Ja rat ri' ri Daniel, ri jun chike ri aj-Judá ri e ruk'amon-pe ri Nabucodonosor, pa ruwach'ulew Judá?

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Wuj Richin ri Jeremías 52:19

Keri' chuqa' ri Nebuzaradán xuk'uaj-el ronojel ri samajibel ri e banon rik'in q'anapueq y saqipueq: Ri yakbel-ya', ri yakbel racheq-q'aq', ri nima'q taq leq, ri k'ulbel-chaj, ri candelabro, ri pajbel y ri qumbel richin ri sipanik richin vino.

Wuj Richin ri Jeremías 27:7

Y konojel k'a tzobaj winaqi' xtikilij ri Nabucodonosor, chuqa' ri ruk'ajol y ri rumam, k'a ja toq xtapon na ri q'ij chi ri kiruwach'ulew xtik'oje' chuxe' rutzij nima'q taq tzobaj winaqi' y chuxe' kitzij ri rey ri kan k'o janila kiq'ij.

2 Crón 36:18

Keri' chuqa' ronojel samajibel ri ek'o pa rachoch ri Dios chi ch'uti'q chi nima'q, ronojel ri beyomel ri ek'o chiri', y chuqa' ri beyomel ri k'o pa rachoch ri rey y kichin ri e tata'al; ronojel re' xuk'uaj-el pa Babilonia.

2 Crón 36:10

Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Crón 15:16

Y chuqa' xuben chire ri Maacá ri rati't chi xel-pe chupan ri q'atbel-tzij, roma rija' rubanon-q'anej jun itzel ruwachibel Asera. Ri Asá xuwulaj-el ri wachibel ri', y k'ari' xberuboxo' pa q'aq' chuchi' ri siwan ri napon-qa pa ch'uti'n raqen-ya' Cedrón.

2 Crón 11:20

Chirij re', ri Roboam xk'ule' chik rik'in ri Maacá, rumam ri Absalón; y xek'oje' chik ch'aqa' kalk'ual: ri Abiam, ri Atai, ri Ziza, y ri Selomit.

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

Wuj Richin ri Esdras 5:14

Chuqa' xrelesaj-pe pa rachoch ri ki-dios ri aj-Babilonia, ronojel ri samajibel ri banon rik'in q'anapueq y saqipueq ri e richin ri rachoch ri ki-Dios ri judío. Y ri samajibel ri', jari' ri xuk'uaj-el ri Nabucodonosor pa Babilonia. Y ri Ciro ruya'on ri Sesbasar aj-raqen pa ruwi' ri ruwach'ulew Judá, y xujech-el ri samajibel chire

Wuj Richin ri Jeremías 50:35

Yin Jehová ri yibin. Ri woyowal xtiqaqa pa kiwi' ri aj-Babilonia, pa kiwi' ri e aj-raqen y pa kiwi' ri achi'a' e aj-na'oj.

Dn 5:30

Jak'a ri Belsasar rey pa ruwi' ri ruwach'ulew Babilonia, xa kan chupan k'a ri aq'a' ri' xkamisex.