Dn 5:12 - Kaqchiquel Bible

¹² Ri achin ri' kan jari' ri Daniel, ri rubini'an chuqa' Beltsasar. Rik'in rija' kan k'o k'a ronojel nojibel y etamabel richin nuq'alajirisaj achik', y nubij ri ye'el chi tzij, y kan nuchojmirisaj k'ayew taq banobel. Kan tawoyoj k'a rija', y kan xtuq'alajirisaj k'a chawech ri xtz'ibex kan chuwech ri jay, xcha'.

Dn 5:12 Iomraidhean Croise

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

Wuj Richin Etamabel-Tzij 12:26

Ri wineq ri kan choj ruk'aslen, kan jebel nok uk'uey bey richin ri rachpochel. Jak'a ri rubey ri kik'aslen ri e banoy richin ri etzelal, yerusech ri kachpochel.

Wuj Richin Etamabel-Tzij 17:27

Ri wineq ri man jantape' ta niwolol, retaman jampe' toq utz nich'on y jampe' toq man utz ta nich'on; roma ri wineq ri ch'uch'uj ránima, xa kan xaxe ri ch'abel ri nik'atzin jari' ri nubij.

Ez 28:3

¿Más kami at nowineq rat chuwech ri Daniel? ¿Kan awetaman kami rat ronojel ri e ewatel?

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 2:26

K'ari' ri rey xuk'utuj chire ri Daniel wi kan qitzij nitikir nubij chire ri rachik' y ri nel chi tzij.

Dn 4:19

Toq xrak'axaj ronojel re' ri Daniel kan xpax ránima y jun xk'oje-wi chuch'obik, y keri' k'a xk'oje' jubama jun hora. Kan janila k'a xuxibij-ri' y roma ri' yin Nabucodonosor xinbij chire: Beltsasar, man tach'ujirisaj-awi' rik'in ri wachik', y ri nel chi tzij, xicha' chire. K'ari' rija' xubij chuwe: Wajaw yin, re achik' re' kan ta pa kiwi' ri e etzelanel awichin xtiqaqa-wi. Ri nel chi tzij re achik' re', kan ta k'a ja ri itzel nikirayij chawij ri xkek'uluman.

Dn 4:8

K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 5:14

Yin xinwak'axaj chi ri e dios kiya'on nojibel awik'in y etamabel, y roma ri' rat yatikir naq'alajirisaj ri e k'ayew.

Dn 5:16

Yin kan xinwak'axaj k'a chi rat kan yatikir naq'alajirisaj achik' y ronojel ri kan e k'ayew. Wakami k'a, wi xkatikir xtatz'et ri tz'ibanik ri xban kan chuwech ri jay y wi xkatikir xtaq'alajirisaj chinuwech ri achike nel chi tzij, kan xkatinwiq k'a rik'in tzieq q'eqq'oj-keq nitzu'un y xtinya' jun ichinaj chi'aqul ri banon rik'in q'anapueq. Y ja rat k'a xkatok q'atoy-tzij chuwij qa yin, xcha'.

Dn 6:3

Jak'a ri Daniel kan más k'a ruq'ij chikiwech rije', roma rija' kan k'o jun nimalej etamabel rik'in. Y roma ri' ri Darío xuya' pa kiwi' ri q'atoy taq tzij y ri aj-raqen.

Dn 6:4

Roma ri' konojel ri aj-raqen y ri e q'atoy taq tzij, kan nikikanoj k'a rubanik richin ta nikitzeq ri Daniel chire ri rusamaj ri ya'on pan ajawaren. Jak'a xa kan man jun ri achike ta nikil chirij, roma rija' kan nuben k'a ronojel ri bin chire, y man jun etzelal nuben.

Colosenses 1:29

Roma ri' yisamej janila y ninkusaj ri nimalej uchuq'a' ri ruya'on ri Cristo chuwe.