Dn 4:8 - Kaqchiquel Bible

⁸ K'a ja toq xpe na ri Daniel ri chuqa' rubini'an Beltsasar, achi'el rubi' ri jun chike ri dios. Ri kan ya'on nojibel chire roma ri k'aslik Dios, kere' k'a ri xinbij chire:

Dn 4:8 Iomraidhean Croise

Wuj Richin ri Rutikeribel 41:38

Roma ri' toq ri rey xubij chike ri nima'q taq achi'a' ri': ¿Xtiqil chik kami jun achin achi'el rija', ri k'o Espíritu richin ri Dios rik'in?, xcha'.

Wuj Richin ri Isaías 46:1

Kere' xtibanatej-apo toq ri dios Bel xa xtik'is ruchuq'a', y ri dios Nebo xa kan xtiqaqa k'a pan ulew. Ri wachibel xa ye'uk'uex-el chirij kiej, xa kan al nuben chike ri chikopi' ri ye'uk'uan kichin; ri chikopi' ri' kan janila yekos.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

Wuj Richin ri Jeremías 50:2

Tiya' k'a rutzijol chikikojol ri tzobaj winaqi' richin re ruwach'ulew y tibana' chike chi nikak'axaj; tiyaka-q'anej ri tzieq ri ruk'exewach ri iruwach'ulew y man jun tiwewaj y tibij: Rix aj-Babilonia xixch'akatej y ri i-dios Bel k'ixbitajineq, ri i-dios Marduc xwulex kan. Ri e etzelanel iwichin xkekiyojobej ri ch'aqa' chik wachibel y xkewulex kan.

Ez 17:23

Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Dn 1:7

Jak'a ri Aspenaz xujel kibi' ri alaboni' ri', y xukanoj pa kich'abel ri aj-Babilonia. Y kere' ri kibi' ri xuya': Ri Daniel xubini'aj Beltsasar; ri Ananías, Sadrac; ri Misael, Mesac; y ri Azarías, Abed-negó.

Dn 2:11

Roma re nak'utuj chiqe kan yalan-wi k'ayew y kan man jun xtitikir xtiq'alajirisan. Xa kan xaxe k'a ri e dios ri yetikir yeq'alajirisan, jak'a rije' xa man chiqakojol ta roj ek'o-wi, xecha'.

Dn 2:26

K'ari' ri rey xuk'utuj chire ri Daniel wi kan qitzij nitikir nubij chire ri rachik' y ri nel chi tzij.

Dn 3:14

Y toq ek'o chik chiri', ri rey xuk'utuj k'a chike wi kan qitzij chi rije' man nikiya' ta kiq'ij ri e ru-dios y chuqa' man yexuke' ta chuwech ri wachibel.

Dn 4:18

K'ari' xintzijoj chire ri Beltsasar y xinbij chire: Ja ronojel achik' re' ri xintz'et. Wakami kan ja rat ri xkabin chuwe ri nel chi tzij re achik' re', roma kan xink'utuj yan k'a chike ri etamanela' richin re wajawaren y xa man xetikir ta xkibij chuwe. Jak'a rat kan xkatikir, roma ri a-Dios kan ruya'on ri nojibel chawe, xicha' chire.

Dn 4:9

Beltsasar, ri at aj-raqen pa kiwi' ri etamanela'; yin kan q'axineq k'a chinuwech chi ri Dios kan ruya'on ri nojibel chawe, y kan man jun k'a ri ewatel ri man ta natz'et rat. Wakami k'a taq'alajirisaj chinuwech ri xintz'et pa wachik', y ri nel chi tzij.

Dn 5:14

Yin xinwak'axaj chi ri e dios kiya'on nojibel awik'in y etamabel, y roma ri' rat yatikir naq'alajirisaj ri e k'ayew.