Dn 4:22 - Kaqchiquel Bible

²² ri che' ri' kan ja rat ri' nu-rey. Ri awajawaren rat, kan janila k'a xnimer y janila ruchuq'a'. Ri runimirinen kan janila xbe pa jotol ri kan napon k'a chikaj. Y ri aq'atbel-tzij kan napon k'a pa taq ruk'isibel chire ri ruwach'ulew.

Dn 4:22 Iomraidhean Croise

2 Sam 12:7

K'ari' ri Natán xubij chire ri David: Ja rat ri' ri xabanon keri'. Roma ri' kan tawak'axaj k'a ri nubij ri Jehová, ri qa-Dios chawe: Yin xinqasaj aceite pan awi' richin xatok rey pa ruwi' ri tinamit Israel, y xatinkol pa ruq'a' ri Saúl.

Apocalipsis 18:5

Roma ri kimak ri aj-Babilonia, kan ik'owineq chik ruwi' y kan xapon yan k'a chila' chikaj roma ri' yin kan xtinya' ruk'ayewal pa kiwi'.

San Mateo 14:4

Ri Juan tz'apen roma nubij chire ri Herodes chi man utz ta rubanon chi ruk'amon-qa ri Herodías.

Wuj Richin Bix Chire ri Dios 108:4

Ri ajoyowanik rat Jehová kan más nim chuwech ri kaj. Ronojel ri naben kan nuq'i' ri kaj.

Wuj Richin Bix Chire ri Dios 36:5

Jak'a ri awajowabal rat Jehová kan nunojisaj ronojel. Ri awutzil kan nuq'i' k'a chijun ri kaj.

2 Crón 28:9

Y chiri' k'o k'a jun q'alajirisey ruch'abel ri Dios rubini'an Oded. Rija' xeberuk'ulu-el ri aj-labal ri xetzolin-pe pa Judá chiri' chuchi' ri Samaria, y xubij chike: Ri Jehová ri ki-Dios kan ri qati't-qamama' xpe royowal pa kiwi' ri aj-Judá, y roma ri' xerujech pan iq'a' rix. Jak'a rix xa kan rik'in janila iwoyowal xe'ikamisaj kan, y re banobel re' kan xapon-q'anej k'a chila' chikaj.

Wuj Richin ri Rutikeribel 28:12

Y xrachik'aj k'a chi k'o k'a jun q'a'n ri eleneq-el pan ulew y napon k'a chuchi' ri kaj y ri ángel richin ri Dios pa cholaj yexule-yejote' chupan ri q'a'n ri'.

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

Ez 17:3

Y jare' k'a ri ninbij yin Jehová: K'o k'a jun nimalej kot y toq nurik' ri ruxik' kan janila nej napon-wi y ri rusumal kan jalajoj ri yetzu'un. Y k'o k'a jun q'ij re kot re' xapon k'a pa ruwach'ulew Líbano y xapon-q'anej pa rutum jun tiox-che' y xuchop.

Dn 4:11

Re che' re' janila xk'iy y xnimer k'a ri rupan. Y ri rutum xapon k'a chila' chikaj, y kan nitz'etetej k'a chupan chijun ruwach'ulew.

Dn 4:21

ri kan jebel rubanon ri ruxaq y kan pa ruk'iyal ri ruwech k'o, ri kan nitikir yerutzuq konojel y ri achoq chuxe' yemujan-wi ri chikopi' richin pa q'ayis, y ri pa taq ruq'a' kibanalon kisok ri taq aj-xik' chikopi';

Dn 4:36

Kan xaxe k'a toq keri' xinbij, kan jari' xichojmir-q'anej. Kan xtzolix chik k'a chuwe ri runimirinen ri wajawaren. Ronojel ri ruwaq'ijaj ri xinchajij pa nabey kan xtzolix chik k'a chuwe. Keri' chuqa' ri e nupixabanela' y ri aj-raqen kan xinkikanoj chik. Y keri' xitzolej chik chupan ri wajawaren, y pa ruwi' ri' kan xnimirisex k'a chuwe ri nuruwaq'ijaj ri xinchajij pa nabey.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Dn 2:21

Ja rat yabanon richin yeq'ax ri ik' y ri juna'. Ja rat yaya'on ri q'atbel-tzij, y rat yatelesan kichin. Ja rat yaya'on na'oj chike ri e aj-na'oj, ri etamabel kan rat k'a yaya'on chike ri etamanela'.

Dn 4:29

Y toq q'axineq chik jun juna' chirij ri achik' ri' rokik yibiyajilan pa ruwi' ri wachoch richin q'atbel-tzij,