Dn 1:2 - Kaqchiquel Bible

² Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Dn 1:2 Iomraidhean Croise

Wuj Richin ri Rutikeribel 10:10

Ri e nabey nima'q taq tinamit ri xek'oje' toq ja rija' ri q'atoy-tzij: Ja ri Babel, ri Érec, ri Acad y ri Calné, ri chiri' pa ruwach'ulew Sinar.

Wuj Richin ri Rutikeribel 11:2

Toq xe'el-pe pa relebel-q'ij, xkil jun taq'aj chiri' pa ruwach'ulew rubini'an Sinar. Y chiri' xek'oje-wi-qa.

2 Rey 24:1

Chirij re' ri Nabucodonosor, rey richin Babilonia, xok chupan ri ruwach'ulew Judá, y ri Joaquim kan xk'oje' k'a chuxe' rutzij ri Nabucodonosor. Jak'a toq xtz'aqet oxi' juna', ri Joaquim xa xujel ri ruch'obonik y xyakatej chirij.

2 Crón 36:5

Toq xuchop nuq'et-tzij ri Joaquim pa Jerusalem, k'o k'a juwineq wo'o' rujuna', y xuq'et k'a tzij julajuj juna'. Kan xuben k'a ri man utz ta chuwech ri Jehová ri ru-Dios.

2 Crón 36:7

Chuqa' ri Nabucodonosor xuk'uaj-el juba' samajibel ri k'o pa rachoch ri Jehová y kan xberuya' pa rachoch ri ru-dios rija'.

Wuj Richin ri Esdras 1:7

Y ri rey Ciro xrelesaj-pe ronojel ri samajibel richin ri rachoch ri Jehová. Y re samajibel re' ruk'amon-pe ri rey Nabucodonosor toq xuben oyowal chiri' pa Jerusalem, ri e ruya'on chupan ri rachoch ri ru-dios rija'.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Isaías 42:24

¿Achike xya'on q'ij chi rix nutinamit Israel xixuk'uex-el? Y ¿achike xya'on q'ij richin kan xixjach-el pa kiq'a' ri eleq'oma'? Ja yin Jehová ri achoq chuwech xixmakun-wi. Yin xinwajo' chi xixbiyin ta chupan ri nubey, jak'a man xiwajo' ta xiwak'axaj ri nupixa'.

Wuj Richin ri Jeremías 25:1

Ri ruch'abel ri Jehová xoqaqa wik'in chupan ri rukaj juna' richin ri q'atbel-tzij richin ri rey Joaquim, ri ruk'ajol ri Josías y chupan ri nabey juna' richin ri q'atbel-tzij richin ri Nabucodonosor rey richin Babilonia.

Wuj Richin ri Jeremías 27:16

Chirij re' xich'on kik'in ri sacerdote y kik'in ri ch'aqa' chik winaqi' y xinbij: Man tiwak'axaj ri kich'abel ri nikibananej ri nikiq'alajirisaj, toq nikibij: Ri samajibel richin ri rachoch ri Dios kan xkek'amer-pe chi'anin chiri' pa Babilonia, roma ri nikibij, xa kan man qitzij ta.

Wuj Richin ri Jeremías 28:3

Y pa ka'i' apo juna' xtuben chi ri samajibel richin ri rachoch ri Jehová, ri xuk'uaj-el ri rey Nabucodonosor pa Babilonia, xtitzolin chik chupan re tinamit re'.

Wuj Richin ri Jeremías 35:11

Jak'a toq ri rey Nabucodonosor xjote-el richin niberubana' oyowal chiqij, jari' toq xqaya' chiqawech chi xojpe pa tinamit Jerusalem richin chi xojanimej chikiwech ri aj-labal aj-Babilonia y ri aj-Siria. Roma ri' ojk'o wawe', xecha'.

Wuj Richin ri Jeremías 50:2

Tiya' k'a rutzijol chikikojol ri tzobaj winaqi' richin re ruwach'ulew y tibana' chike chi nikak'axaj; tiyaka-q'anej ri tzieq ri ruk'exewach ri iruwach'ulew y man jun tiwewaj y tibij: Rix aj-Babilonia xixch'akatej y ri i-dios Bel k'ixbitajineq, ri i-dios Marduc xwulex kan. Ri e etzelanel iwichin xkekiyojobej ri ch'aqa' chik wachibel y xkewulex kan.

Wuj Richin ri Jeremías 51:44

Kan xtinya' k'a ri rutojbalil-mak pa ruwi' ri Bel, dios richin ri Babilonia. Kan xtinben chire chi xtuxa-el ri rubeq'on. Y ri tzobaj winaqi' richin ri ruwach'ulew man jun bey chik xke'apon rik'in rija'. Xtitzaq ri tz'aq richin ri ruwach'ulew Babilonia.

Dn 5:13

Kan jari' k'a xbek'amer-pe ri Daniel, y xapon k'a chuwech ri rey. Y ri rey xubij chire: ¿Ja rat ri' ri Daniel, ri jun chike ri aj-Judá ri e ruk'amon-pe ri Nabucodonosor, pa ruwach'ulew Judá?

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.

Wuj Richin ri Zacarías 5:11

Y rija' xubij chuwe chi xtikik'uaj-el pa ruwach'ulew Babilonia richin chi chiri' xtikipaba-q'anej jun rachoch ri ixoq ri k'o chupan ri chakech. Y toq xtik'achoj ri jay ri', chiri' xtich'okobex-wi, xcha'.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Kichin ri To'onela' 3:8

Y roma ri' ri Jehová kan xyakatej janila royowal chikij y xerujech pa ruq'a' ri Cusán-risataim, rey richin Mesopotamia; y kan xkisamajij waqxaqi' juna'.

Wuj Kichin ri To'onela' 4:2

Xa roma ri' toq ri Jehová xerujech pa ruq'a' ri Jabín rey richin Canaán, ri niq'aton-tzij pa tinamit Hasor; y ri aj-raqen kichin ri aj-labal ja ri Sísara, y rija' aj pa Haróset-goím.

1 Sam 5:2

Y toq xe'apon, xkikusaj-apo ri káxa pa rachoch ri ki-dios rubini'an Dagón, y xkiya' kan chunaqaj ri wachibel.