Dn 1:1 - Kaqchiquel Bible

¹ Toq k'a k'es na ri Joaquim, ri rey pa ruwi' ri ruwach'ulew Judá y chupan ri rox juna' chire ri ruq'atbal-tzij, jari' toq ri Nabucodonosor, rey pa ruwi' ri ruwach'ulew Babilonia e rachibilan ri aj-labal, xebeyakatej-pe chirij ri tinamit Jerusalem y xkisutij-rij.

Dn 1:1 Iomraidhean Croise

2 Rey 23:36

Ri Joaquim k'o k'a juwineq wo'o' rujuna' toq xok kan rey, y julajuj juna' xq'aton-tzij pa ruwi' ri Judá chiri' pa Jerusalem. Ri rute' rubini'an Zebudá rumi'al ri Pedaías, aj pa tinamit Rumá.

2 Rey 24:13

Y ri aj-Babilonia xekik'uaj-el ri beyomel richin ri rachoch ri Jehová y richin ri rachoch ri Joaquín. Chuqa' xekiwulaj-el ronojel ri samajibel ri banon rik'in q'anapueq ri rubanon kan ri Salomón, richin xekik'uaj-el. Ronojel re' xbanatej achi'el rubin ri Jehová.

Wuj Richin ri Isaías 39:7

Y pa ruwi' ri, jujun chike ri awijatzul xke'uk'uex-el pa Babilonia, y kan xke'ok eunuco chiri' richin xtikilij ri rey, xcha'.

Wuj Richin ri Jeremías 25:1

Ri ruch'abel ri Jehová xoqaqa wik'in chupan ri rukaj juna' richin ri q'atbel-tzij richin ri rey Joaquim, ri ruk'ajol ri Josías y chupan ri nabey juna' richin ri q'atbel-tzij richin ri Nabucodonosor rey richin Babilonia.

Wuj Richin ri Jeremías 35:1

Chupan ri q'ij chire ri q'atbel-tzij richin ri Joaquim ruk'ajol ri Josías, ri Jehová xch'on k'a pe wik'in y xubij chuwe:

Wuj Richin ri Jeremías 35:11

Jak'a toq ri rey Nabucodonosor xjote-el richin niberubana' oyowal chiqij, jari' toq xqaya' chiqawech chi xojpe pa tinamit Jerusalem richin chi xojanimej chikiwech ri aj-labal aj-Babilonia y ri aj-Siria. Roma ri' ojk'o wawe', xecha'.

Wuj Richin ri Jeremías 36:1

Ri Jehová xch'on chik k'a pe wik'in chupan ri rukaj juna' chire ruq'atoj-tzij ri Joaquim y kere' k'a ri xubij chuwe:

Wuj Richin ri Jeremías 45:1

Chupan ri rukaj juna' chire ri q'atbel-tzij richin ri Joaquim ruk'ajol ri Josías, rey richin Judá, toq ri Baruc nutz'ibaj ronojel ri nibix chire roma ri Jeremías. Y kere' ri xubij chire:

Wuj Richin ri Jeremías 50:1

Ri Jehová xch'on rik'in ri Jeremías pa ruwi' ri ruwach'ulew Babilonia y kere' xubij chire:

Wuj Richin ri Jeremías 52:12

Y chupan ri q'ij lajuj chire ri ik' ro' chupan ri juna' belejlajuj chire ri q'atbel-tzij richin ri rey Nabucodonosor, jari' toq xbe pa Jerusalem ri Nebuzaradán ri aj-raqen pa kiwi' ri aj-labal aj-Babilonia.

Wuj Richin ri Jeremías 52:28

Ja kajlabal re winaqi' re' ri xeruk'uaj-el pa ximonri'il ri Nabucodonosor: Chupan ri juna' waqxaqi' chire ri ruq'atbal-tzij xeruk'uaj-el e 3,023 aj-Judá.

Dn 5:13

Kan jari' k'a xbek'amer-pe ri Daniel, y xapon k'a chuwech ri rey. Y ri rey xubij chire: ¿Ja rat ri' ri Daniel, ri jun chike ri aj-Judá ri e ruk'amon-pe ri Nabucodonosor, pa ruwach'ulew Judá?