Apocalipsis 8:7 - Kaqchiquel Bible

⁷ Y toq ri nabey ángel xuxupuj ri trompeta, kan jari' k'a toq xqaqa saqboch y q'aq' xolon rik'in kik' pa ruwi' ri ruwach'ulew. Y jun chire ri oxi' chire ri ruwach'ulew xk'is, jun chire ri oxi' chike ri che' xuk'is q'aq'; y keri' chuqa' xuben rik'in ri q'ayis.

Tuilleadh tionndaidhean

Kaqchikel Santo Domingo (Xenacoj)

⁷ Y ri nabꞌey ángel xuxulaj ri trompeta yoꞌon chare, y kꞌo saqbꞌach y qꞌaqꞌ xolon rikꞌin kikꞌ ri xetorix pe chochꞌulew, y jun rox parte chin ri rochꞌulew xkꞌat, y keriꞌ chuqaꞌ jun rox parte ri cheꞌ xekꞌat y nojel rex teq qꞌayis chuqaꞌ.

Kaqchikel Santa Maria de Jesus

⁷ Antok ri naꞌay ángel xuxupuj ri ru-trompeta, can ja xka sakbꞌach y kꞌakꞌ xaluon riqꞌuin quicꞌ paroꞌ ri roch-ulief. Y ri oxeꞌ parte ri chieꞌ xaꞌcꞌat y quireꞌ jeꞌ nojiel kꞌayis.

Kaqchikel Central Guatemala

⁷ Y tok ri nabey ángel xuxupuj ri ru-trompeta, can jac'ari' tok xka' sakboch y k'ak' xolon riq'uin quic' pa ruvi' ri ruvach'ulef. Y jubama nic'aj chire ronojel ri che' c'o, xuq'uis k'ak'; y que c'a ri' ronojel k'ayis.

Re C'ac'a Testamento pa Kach'abal

⁷ Y tak re nabey ángel xuxipuj re ru-trompeta, can jare' tak xka sakboch y k'ak' xalon riq'uin quic' pa rue' re ruch'ulef. Y xuq'uis jun tercera parte chique re che' re jec'o chach re ruch'ulef, y quire' chuka' xuban riq'uin re k'ayis, can xe'q'uis roma re k'ak'.

Kaqchikel Western Solola

⁷ Y tek ri nabey ángel xuxupuj ri rutrompeta, can yac'ari' tek xka sakboch y c'o chuka' k'ak' xolon riq'ui quic' ri xc'ak pa ruwi' ri ruwach'ulef. Y xa juba' ma pa nic'aj chare ronojel ri che' xec'at y queri' c'a chuka' ronojel ri k'ayis xec'at ruma ri k'ak'.

Apocalipsis 8:7 Iomraidhean Croise

Wuj Richin Bix Chire ri Dios 105:32

Pa ruk'exel job, xuya' k'a pe saqboch pa kiwi'. Ruxaq q'aq' xuteq-pe pa ruwi' ri ruwach'ulew ri'.

Ex 9:33

Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Wuj Richin ri Isaías 28:2

Ri Jehová xa rucha'on chik jun ruwach'ulew ri kan k'o janila ruchuq'a' richin nuwulaj ri Samaria. Rije' xkepe anineq achi'el nipe jun nimalej kaq'iq'. Xkekisok ri aj-Samaria achi'el nuben ri saqboch. Y ri winaqi' xke'uk'uex-el achi'el jun q'eqel-job nuk'uaj ronojel.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Wuj Richin ri Isaías 32:19

Y stape' xtiqaqa saqboch pa kiwi' ri k'echelaj, y pa kiwi' ri tinamit,

Ez 38:22

Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Joel 2:30

Chupan ri kaj xtinben chi xkebanatej ri man jun bey e tz'eton ta, y keri' chuqa', ri chuwech ri ruwach'ulew. Xtinben chi xtitz'etetej kik', q'aq' y sib ri kan achi'el chik nima'q taq sutz'.

Santiago 1:11

roma toq nipe ruwech ri q'ij, ri q'ayis y ri rusi'j xa nichaqi'j y nik'is-qa, stape' kan jebel nitzu'un ri pa nabey. Kan keri' chuqa' nuk'uluwachij ri beyom rik'in ri rubeyomel, eqal-eqal nik'is qa.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.

1 Pedro 1:24

Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Apocalipsis 16:21

Chuqa' chupan ri q'ij ri' xqaqa k'a pe saqboch ri chila' chikaj. Y jujun saqboch jujun la'eq kintal kalal. Y roma k'a re jun kamik saqboch re', ri winaqi' janila nikiyoq' ri Dios, roma kan janila k'ayew.

Apocalipsis 6:8

Y kan jari' xintz'et chi xbe'el-pe jun q'en rij kiej ch'okoliben-pe roma jun ri rubini'an Kamik. Y chirij re' beneq ri ruk'exewach ri akuchi ye'apon-wi ri kaminaqi'. Y xjach k'a uchuq'a' pa kiq'a' richin chi kekikamisaj nik'aj chire ri nik'aj chike ri winaqi' ri ek'o chuwech ri ruwach'ulew, rik'in labal, wayjal, yabil y k'uxunela' taq chikopi'.

Apocalipsis 7:1

Chirij ri' xintz'et k'a chi e kaji' ángel e pa'el pa jujun chike ri kaji' rukajtz'uk ri ruwach'ulew, kiq'aton ri kaji' ruwech kaq'iq', richin chi man ye'apon pa ruwi' ri ruwach'ulew, pa ruwi' ri palou, y pa kiwi' ri che'.

Apocalipsis 9:15

Y keri' xebesol k'a kan ri kaji' ángel, richin yekikamisaj winaqi'. Ri kaji' ángel ri' kan e chojmirisan chik richin yebe, ri hora, ri q'ij, ri ik' y ri juna'. Y xkekikamisaj jun chire ri oxi' chike ri winaqi' ri k'a ek'o na chuwech ri ruwach'ulew.

Apocalipsis 9:18

Y kan jak'a ri q'aq', sib y chuwilej-abej ri ye'el ri pa taq kichi' ri kiej, jari' ri xk'ison jun chire ri oxi' chike konojel ri winaqi' ri k'a ek'o na kan chuwech re ruwach'ulew.

Apocalipsis 9:4

Y xbix k'a chike chi man tikitej ri che', ri tiko'n o ri q'ayis. Jak'a tikibana' ch'a'oj xaxe chike ri winaqi' ri man ya'on ta ketal nik'aj-kiwech roma ri Dios.