Apocalipsis 7:9 - Kaqchiquel Bible

⁹ Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

Tuilleadh tionndaidhean

Kaqchikel Santo Domingo (Xenacoj)

⁹ Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.

Kaqchikel Santa Maria de Jesus

⁹ Y chirij nojiel reꞌ inreꞌ xintzꞌat iqꞌuiy vinak ri ncaꞌpa nojiel naciones, nojiel razas, nojiel tanamet y nojiel chꞌabꞌal. Quinojiel ri vinak reꞌ icꞌo-apa choch ri trono y choch ri Alaj Oveja. Ri vinak reꞌ man jun nitiquir nijilan quichin ruma can iqꞌuiy. Y can sak ri quitziak ri quicusan, y quicꞌuan ruxak palma pa quikꞌaꞌ.

Kaqchikel Central Guatemala

⁹ Y c'ari' yin xintz'et c'a chi e janíla vinek ri man junan ta ruvach'ulef quepe-vi, man junan ta chuka' quetzu'un, man junan ta quitinamit y man junan ta quich'abel. Conojel c'a re vinek re' ec'o c'a apo chuvech ri Jun tz'uyul chupan ri lok'olej ruch'acat y chuvech chuka' apo ri Jesucristo ri achi'el Alaj Carne'l. Y re vinek re' can man jun c'a ri nitiquir ta najlan quichin, roma can e janíla. Y sek c'a ri quitziak ri e quicusalon, y e quic'ualon rámix ri pa tak quik'a'.

Re C'ac'a Testamento pa Kach'abal

⁹ Y c'are' yen xintz'at che camas je q'uiy vinak re man junan-ta naciones que'po-va, chuka' man junan-ta qui-raza, man junan-ta quitenemit y man junan-ta quich'abal. Conojel re vinak re' jec'o-apo chach re Jun tz'uyul chach re lok'olaj ch'acat y chuka' chach re Jesucristo re ancha'l oveja. Y re vinak re' can man jun nitiquir nijelan quichin, roma camas je q'uiy. Y je'quicusalon sak tak tziak, y chuka' je'quic'ualon ruxak tak palma pa quik'a'.

Kaqchikel Western Solola

⁹ Tek ntz'eton y wac'axan chic ka ronojel ri', yac'ari' tek riyin ri Juan xintz'et chuka' sibilaj ye q'uiy chi winek ri ma junan ta ruwach'ulef yepe wi, ma junan ta ri ye cati't quimama', ma junan ta quitinamit y ma junan ta quich'abel. Quinojel c'a ri winek ri' yec'o c'a apo chuwech ri tz'uyul chupan ri lok'olaj ch'aquet y chuwech chuka' apo ri Jesucristo ri achi'el Alaj Carne'l. Y ri winek ri' can majun c'a ri nicowin ta najlan quiche (quixin), ruma can sibilaj ye q'uiy. Y sek c'a ri quitziak ri ye quicusan, y ye quic'ualon ruxak palma pa tak quik'a'.

Apocalipsis 7:9 Iomraidhean Croise

Wuj Richin ri Rutikeribel 13:16

Y yin xtinben chi xkek'iyer ri awijatzul y kan man e ajlatel ta k'a achi'el ri poqolaj kan man jun nitikir najlan.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin Bix Chire ri Dios 2:8

Tak'utuj k'a chuwe, y yin xtinya' chawe ronojel ruwach'ulew richin xtawichinaj. Kan chijun k'a ri ruwach'ulew xtok awichin.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Wuj Richin Bix Chire ri Dios 76:4

Nimalej Dios, rat kan nim k'a ri aq'ij-ak'ojlen. Ri ak'ojlemal kan más k'a nim ke chuwech ri juyu' ri kan ek'o richin q'asen.

Wuj Richin Bix Chire ri Dios 77:2

Chupan ri q'ij toq xbison ri wánima kan xinwoyoj k'a ri wajaw. ri pa taq tokoq'a' man xitane' ta richin xinyakala' ri nuq'a' chuwech rija'; y ri wánima kan man jun k'a uxlanibel xuk'ul.

Wuj Richin Bix Chire ri Dios 98:3

Xuben k'a ri rubin chike ri e rijatzul kan ri Israel. Roma ri rajowabal ri man k'isel ta, man yerumalij ta kan. Konojel k'a winaqi' ri ek'o k'a pa taq ruk'isibel chire ri ruwach'ulew xkitz'et ri rukolotajik.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Wuj Richin ri Jeremías 3:17

Y chupan ri q'ij ri' yin xtinya' ri wajawaren wawe' pa Jerusalem y konojel k'a tzobaj winaqi' richin chijun ri ruwach'ulew xtikimol-ki' wawe' richin xtikiya' nuq'ij. Y man chik xtikiben ta ri rurayibel ri kánima.

Ez 47:5

Xbiyin chik qa 299 jaj rik'in ka'i' q'a'aj y ri raqen-ya' xa kan man yitikir ta chik ninq'axaj, roma ri ya' ri' xa kan janila xnimer rupan. Xa kan xaxe k'a yimuxan ri yitikir ninq'axaj.

Dn 4:1

Ri Nabucodonosor xutzijoj chuqa' jun banobel ri xuk'uluwachij, y kere' k'a ri xubij: Yin Nabucodonosor ninya' rutzil iwech chi'iwonojel rix tinamit, konojel winaqi' richin re ruwach'ulew y konojel winaqi' ri yech'on jalajoj ruwech ch'abel. Kan jantape' k'a tik'oje' uxlanibel-k'u'x iwik'in.

Dn 6:25

Xeri' ri rey Darío xutz'ibaj k'a el wuj chike konojel winaqi' ri ek'o pa rajawaren, y kere' k'a ri nubij ri wuj: Ja ta ri uxlanibel-k'u'x ri xtik'oje' iwik'in chi'iwonojel.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Chojmirisabelri'il 23:40

Ri nabey q'ij richin ri nimaq'ij ri' xtik'uaj ruq'a' taq che' ri ek'o ruwech, y chuqa' xtik'uaj ruq'a' palma, ruq'a' ri che' ri k'o kixaq, y ri ruq'a' ri skab ri nik'oje' chuchi' raqen-ya'. Y xkixnimaq'ijun k'a wuqu' q'ij chinuwech yin.

Wuj Richin ri Zacarías 10:8

Toq yin Jehová xkenwoyoj rik'in xubanik, rije' kan xtikimol-ki'. Toq xkenkol, kan janila k'a xkewinaqir achi'el kibanon-pe ojer.

Wuj Richin ri Zacarías 2:11

Toq xtibanatej ronojel re', kan e k'iy k'a ruwach'ulew xtijunamatej-kiwech wik'in yin richin xke'ok nuwinaq. Y yin xkik'oje' k'a chi'ikojol. Richin keri' xtiq'ax k'a chiwech chi ja ri Jehová k'iytisanel richin ronojel ri in taqayon-pe richin xipe iwik'in.

San Lucas 12:1

Janila chi winaqi' ri xkimol-apo-ki' ri chiri'. Roma ri' nikinimila' chik ki'. Ri Jesús xuchop k'a tzij kik'in ri rutijoxela' nabey, y xubij chike: Tichajij-iwi', roma ri fariseo xa ka'i' kipalej, y man niq'alajin ta achike kibanik, achi'el ri ch'amilej-q'or.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

San Juan 12:13

xebe chuk'ulik e kik'uan ruq'a' palma, y nikibila': ¡Nimalej ruq'ij ri rey ri peteneq pa rubi' ri Dios! ¡Jare' ri qa-rey roj ri oj judío!, yecha'.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

Efesios 6:13

Roma ri' tikusaj ronojel ri ruya'on ri Dios chiwe richin itobal; richin keri' kan yixtikir yixkoch'on toq xtipe ri q'ij richin etzelal. Y toq inaban chik iwi' jebel kan kow k'a kixk'oje' y man titzolij iwi' chiwij.

Hebreos 11:12

Y roma ri' xaxe roma ri Abraham ri kan achi'el chik kamineq xek'oje' janila chi winaqi', kan achi'el ri ch'umila' ri ek'o chikaj, ri kan man jun ri nitikir najlan kichin, y achi'el chuqa' ri sanayi' ri k'o chuchi' ri palou.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Apocalipsis 22:3

Y ri chiri' man jun ri man ch'ajch'oj ta ri nok-apo. Kan chiri' k'o-wi ri rutz'uyubal ri Dios y ri Karne'l, y konojel ri ek'o chiri' jari' ri xkesamajin richin.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

Apocalipsis 4:4

Y kan sutin k'a rij rik'in chik juwineq kaji' tz'uyubel. Y ri e tz'uyul ri chiri' e juwineq kaji' achi'a' ri k'o kiq'ij, ri e kikusalon seq taq tzieq, y ri pa kijolon e kikusalon corona ri e banon rik'in q'anapueq.

Apocalipsis 5:11

Chirij ri' xintz'et k'a chi e janila k'iy ángel ri kisutin-rij ri jun ri tz'uyul chupan ri tz'uyubel richin q'atbel-tzij, ri e kaji' ri k'o kik'aslen y ri achi'a' ri k'o kiq'ij. Y ri ángel ri ek'o kan janila e k'iy, ri kan man ajlatel ta.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Apocalipsis 6:11

Y jari' k'a toq xjach kitziaq seq chikijujunal, y xbix chike chi k'a tikoyobej na chik juba', roma k'a ek'o na ri kachibil pa rusamaj ri Cristo y chuqa' ri kach'alal ri k'a man jani yekamisex koma ri winaqi', achi'el ri xkik'uluwachij-el rije'.