Apocalipsis 7:2 - Kaqchiquel Bible

² K'ari' xintz'et chuqa' chi k'o jun ángel ri jotol-pe kere' pa relebel-q'ij, ruk'amon-pe ri sello richin ri k'aslik Dios. Y re ángel re' rik'in ronojel ruchuq'a' xch'on-apo chike ri e kaji' ángel ri kan ya'on uchuq'a' pa kiq'a' richin nikiya' ruk'ayewal pa ruwi' ri ruwach'ulew y ri palou,

Tuilleadh tionndaidhean

Kaqchikel Santo Domingo (Xenacoj)

² Xintzꞌet chuqaꞌ jun ángel eleneq e apeꞌ ndalex pe ri qꞌij y jatal e chikaj, rukꞌuan jun sello chin ri Kꞌaslik Dios, ri achoq chare nduyaꞌ ketal ri eralkꞌuaꞌl ri Dios. Ri ángel riꞌ kaw xsikꞌin chake ri kajiꞌ ángeles ri achoq chake yoꞌon uchuqꞌaꞌ chin ndikiyaꞌ kꞌayew pa ruwiꞌ ri rochꞌulew y ri mar.

Kaqchikel Santa Maria de Jesus

² Y xintzꞌat jeꞌ chi cꞌo jun ángel jatol-pa pacheꞌ ntiel-pa ri kꞌij, rucꞌamun-pa ri sello richin ri cꞌaslic Dios. Y ri ángel reꞌ cof xchꞌo-apa chica ri icajeꞌ ángeles ri yoꞌn chic poder chica chi niquiqꞌuis paroꞌ ri roch-ulief y ri mar,

Kaqchikel Central Guatemala

² Y xintz'et chuka' chi c'o jun ángel ri jotol-pe quere' pa relebel-k'ij, ruc'amon-pe ri sello richin ri c'aslic Dios. Y re ángel re' riq'uin c'a ronojel ruchuk'a' xch'on-apo chique ri e caji' ángeles, ri can yo'on-vi-pe uchuk'a' pa quik'a' richin nequibana' ruc'ayeval pa ruvi' ri ruvach'ulef y ri mar.

Re C'ac'a Testamento pa Kach'abal

² Y chuka' xintz'at che c'o jun ángel re pitinak quire' pan oriente, ruc'amom-pa re sello chin re c'aslic Dios. Y re ángel re' jun pa ruchi' xch'o-apo chique re je caje' ángeles, re can yi'om-pa poder chique chin che ne'quibana' ch'a'oj pa rue' re ruch'ulef y chuka' pa rue' re mar.

Kaqchikel Western Solola

² Y xintz'et chuka' chi c'o jun chic ángel ri nijote' chicaj quere' pa relebel k'ij, ruc'uan ri sello pa ruk'a' riche (rixin) ri c'aslic Dios. Y ri ángel ri' xurek apo ruchi' chique ri ye caji' chic ángeles, ri can ya'on wi pe uchuk'a' chique riche (rixin) chi nbequiya' ruc'ayewal pa ruwi' ri ruwach'ulef y ri mar.

Apocalipsis 7:2 Iomraidhean Croise

2 Rey 19:4

Tabana' utzil kach'on k'a rik'in ri Jehová pa qawi' ri juba' chik ri ojk'o kan. Rik'in juba' ri Jehová ri qa-Dios xrak'axaj ri ch'abel ri xerubila' ri aj-raqen pa kiwi' ri aj-labal aj-Asiria, ri itzel xch'on chirij ri k'aslik Dios. Y ja ta ri Jehová xtiya'on- pe ruk'ayewal pa ruwi', xecha'.

Wuj Richin ri Nimalej Bix 8:6

Kan kinaya' k'a pan awánima. Kan tabana' chuwe achi'el jun awetal chirij ri aq'a', roma ri ajowabel más ruchuq'a' chuwech ri kamik, y chuwech ri jul richin muqbel. Ri ajowabel kan achi'el jun nimalej q'aq'.

Wuj Richin ri Isaías 41:2

¿Achike kami xbanon richin xbek'ulun-pe jun rey chiri' pa relebel-q'ij? ¿Achike kami xya'on ri ajawaren pa ruq'a'? ¿Achike kami xejachon-el ri tzobaj winaqi' richin ri ruwach'ulew pa ruq'a'? Y ¿Achike kami xq'aton kichin ri ch'aqa' chik rey? Ri rey ri xtipe kere' pa relebel-q'ij, xkerukamisaj ri winaqi' chi espada, y rije' xke'ok poqolaj. Chuqa' xkerukamisaj rik'in ri rute-ruch'ab, y ri rupoqolajul ri kich'akul ri winaqi' ri' xtuk'uex-el roma kaq'iq', achi'el nuben ri solot.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 16:16

Y ri Simón Pedro kan jari' k'a xubij chire ri Jesús: Ja rat ri Cristo, ri ruk'ajol ri k'aslik Dios, xcha' chire.

San Mateo 26:63

Jak'a ri Jesús man jun ch'abel xubij. Y ri Caifás xubij chire: Kan chuwech k'a ri k'aslik Dios tabij chiqe wi ja rat ri Cristo ri ruk'ajol, xcha'.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

2 Corintios 1:22

chuqa' ri Dios kan ruya'on ri Loq'olej Espíritu ri pa taq qánima, richin retal chi kan qitzij chi oj richin rija'.

Efesios 1:13

Y chuqa' xiwak'axaj ri ruch'abel ri Dios, ri kan qitzij. Chuqa' xikuquba' ik'u'x rik'in ri utzilej ch'abel ri' ri xk'amon-pe kolotajik chiwe. Y roma ri' ri Dios xuya' chiwe ri Loq'olej Espíritu retal chi ix richin chik rija'.

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

Deut 5:26

Roma xa kan man jun k'a wineq ri nak'axan ri ruch'abel ri Dios ri nich'on pa jun ruxaq-q'aq' y nik'ase' ta kan, achi'el ri xqak'axaj roj.

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Apocalipsis 1:3

Kan jebel k'a ruwa-ruq'ij ri nisik'in, y kan jebel ruwa-kiq'ij ri ye'ak'axan ri tz'ibatel kan chupan re wuj re' pa ruwi' ri peteneq y nikinimaj. Roma kan naqaj chik k'o-wi ri Q'ij chi xkebek'uluwachitej ronojel ri etz'ibatel kan.

Apocalipsis 10:1

Yin xintz'et chik k'a chi chila' chikaj chupan jun sutz' peteneq jun ángel, ri kan k'o uchuq'a' pa ruq'a' ri pa rujolon k'o jun kotoq'a', ri rupalej achi'el ri q'ij, y ri raqen achi'el ruxaq q'aq'.

Apocalipsis 10:4

Toq e ch'owineq chik k'a pe ri wuqu' achi'el koqolajay ri', yin xinben chi nintz'ibaj-qa ri xkibij. Jak'a k'o jun aj-chikajil ch'abel ri xubij-pe chuwe: Man tatzijoj ri ch'abel ri xkibij ri wuqu' achi'el koqolajay, y man tatz'ibaj, xcha'.

Apocalipsis 16:12

Ri ruwaq ángel xberuq'eja' kan pa ruwi' ri nimalej raqen-ya' Éufrates ri ruk'uan-el chupan ri qumbel. Y ri raqen-ya' ri' xchaqi'j-qa richin chi xunaba' kan ri kibey ri q'atoy taq tzij ri e peteneq kere' pa relebel-q'ij.

Apocalipsis 5:2

Y kan jari' xintz'et jun ángel ri janila ruchuq'a' y nisik'in nubij: ¿K'o kami jun ri kan ruk'amon richin nrelesaj ri wuqu' tz'apebel richin ri wuj y nujeq?, xcha'.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.

Apocalipsis 9:14

y xubij k'a chire ri ángel ri': Ke'asolo' ri kaji' ángel ri e ximil kan chuchi' ri nimalej raqen-ya' Éufrates, xcha'.

Apocalipsis 9:4

Y xbix k'a chike chi man tikitej ri che', ri tiko'n o ri q'ayis. Jak'a tikibana' ch'a'oj xaxe chike ri winaqi' ri man ya'on ta ketal nik'aj-kiwech roma ri Dios.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.