Apocalipsis 7:16 - Kaqchiquel Bible

¹⁶ Konojel man xkewayjan ta chik, man xtichaqi'j ta chik kichi', man xkek'at ta chuwa-q'ij, ni man xtikina' ta chik k'aten.

Tuilleadh tionndaidhean

Kaqchikel Santo Domingo (Xenacoj)

¹⁶ Y ma jun chik ruchꞌumunik pamaj ndikiqꞌasaj, nixta ndichaqiꞌj chik kichiꞌ. Ri qꞌij ma ngerukꞌatisaj ta Y nixta jun chik kꞌaten ndikinaꞌ.

Kaqchikel Santa Maria de Jesus

¹⁶ Man xtinem ta chic quipan, ni man chic xtichakej ta quichiꞌ. Man chic xcaꞌcꞌat ta choch kꞌij, man chic xtiquinaꞌ ta jeꞌ cꞌatan.

Kaqchikel Central Guatemala

¹⁶ Re vinek c'a re' man chic xquevayjan ta, ni man chic xtichaki'j ta quichi'. Man chic xquec'at ta chuva-k'ij, ni man chuka' xtiquic'ovisaj ta chic c'aten.

Re C'ac'a Testamento pa Kach'abal

¹⁶ Re vinak re' man chic xtich'umun-ta quipan, y man chic xtichake'j-ta quichi'. Man chic xque'c'at-ta chach re rach k'ij y chuka' ni xe-ta chic xtiquina' c'atan.

Kaqchikel Western Solola

¹⁶ Re winek c'a re' man chic xquewayjan ta, ni man chic xtichaki'j ta quichi'. Man chic xquec'at ta chuwak'ij, ni ma xtiquina' ta chuka' ni jun c'aten.

Apocalipsis 7:16 Iomraidhean Croise

Wuj Richin Bix Chire ri Dios 121:5

Ri Jehová jari' ri nichajin awichin; rija' kan yaruto' richin jantape'.

Wuj Richin Bix Chire ri Dios 121:6

Roma ri' ri paq'ij, man jun xtak'uluwachij, y keri' chuqa' chupan ri tokoq'a'.

Wuj Richin Bix Chire ri Dios 143:6

Ninyek k'a ri nuq'a' chawech richin nink'ul to'onik. Ri wánima kan at royoben, achi'el ri ruwach'ulew ri chaqi'j-chaqi'j rubanon roma maneq ruya'.

Wuj Richin Bix Chire ri Dios 42:2

Kan yatinkanoj k'a rat k'aslik Dios. ¿K'a janipe' kami xkitikir xkibe chupan ri awachoch richin ninya' aq'ij?

Wuj Richin Bix Chire ri Dios 63:1

¡Nimalej Dios, ja rat ri at nu-Dios! Yin kan jantape' k'a yatinkanoj; ri wánima kan nichaqchi'in chawij. Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.

Wuj Richin ri Nimalej Bix 1:6

Man k'a tiqasaj nuq'ij roma in ti q'eq ok, roma xa ja ri q'ij xik'aton. Ri e wach'alal xa xe'oyower wik'in, y xinkiya' kan pa chajiy ulew ri tikon uva chuwech, y roma ri' yin man xitikir ta xinchajij-wi.

Wuj Richin ri Isaías 25:4

Roma rat at achi'el jun tobel chike ri man jun k'o kik'in. Ye'ato' ri k'o nik'atzin chike toq ek'o pa tijoj-poqonal. Rat at achi'el jun parabel chike toq nipe ri q'eqel-job. Rat yatok achi'el kimujal toq janila q'ij. Ri e itzel taq winaqi' toq nel-pe ri kuxla', xa kan e achi'el jun q'eqel job ri norupaxij-ri' chuwech jun jay.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin ri Isaías 41:17

Ri iwinaq ri man jun k'o kik'in nikikanoj kiya', jak'a man nikil ta. Ri kaq' kan xchaqi'j roma chaqi'j-kichi'. Jak'a yin Jehová kan xtink'uluba-pe ri kich'abel. Chuqa' yin ri in i-Dios kan man xkixinmalij ta kan.

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Wuj Richin ri Isaías 65:13

Roma ri' yin Jehová kere' ninbij: Ri nusamajela' kan jebel k'a xkewa-xke'uk'ya', jak'a rix ri ix aj-maki' man jun xtiwil. Rije' kan jantape' k'a xkekikot, jak'a rix kan xkixk'ixbitej.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.

San Mateo 13:21

Jak'a roma kan man nuk'en ta qa ruxe' jebel ri ruch'abel ri Dios pa kánima, kan man niyaloj ta k'a ri kikoten kik'in. Y toq yepe k'a tijoj-poqonal y ye'etzelex roma kiniman ri ruch'abel ri Dios, xa yetzaq kan chi'anin.

San Mateo 13:6

Xa jak'a toq xpe ruwech ri q'ij, xemayamo-qa y xechaqi'j-qa, roma xa man nej ta beneq-qa ri kixe'.

San Mateo 5:6

Jebel ruwa-kiq'ij ri kan nik'at kánima chirij ri ruchojmilal; ri Dios xtuben chike chi xtich'uch'u' ri kánima.

Marcos 4:17

Jak'a roma kan man nuk'en ta qa ruxe' jebel ri ruch'abel ri Dios, kan man niyaloj ta k'a ri kikoten kik'in. Jak'a toq yepe tijoj-poqonal y ye'etzelex roma kiniman ri ruch'abel ri Dios, xa kan chi'anin yetzaq kan.

Marcos 4:6

Xa jak'a toq xpe ruwech ri q'ij, xemayamo' y xechaqi'j-qa. Roma xa man nej ta beneq-qa ri kixe' roma man pim ta ri ulew.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

San Lucas 6:21

Jebel ruwa-iq'ij rix ri yixnum, roma ri Dios xtuben k'a chiwe chi xtich'uch'u' ri iwánima. Jebel ruwa-iq'ij rix ri yixoq', roma ri Dios xtujel ri iwoq'ej rik'in tze'en.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Santiago 1:11

roma toq nipe ruwech ri q'ij, ri q'ayis y ri rusi'j xa nichaqi'j y nik'is-qa, stape' kan jebel nitzu'un ri pa nabey. Kan keri' chuqa' nuk'uluwachij ri beyom rik'in ri rubeyomel, eqal-eqal nik'is qa.

Apocalipsis 21:4

Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.