Apocalipsis 7:10 - Kaqchiquel Bible

¹⁰ Y konojel rik'in kuchuq'a' nikibij: Re xojkolotej, kan xaxe ri Dios ri tz'uyul chupan ri tz'uyubel ri xbanon, kan xaxe ri Karne'l ri xkolon qichin, yecha'.

Tuilleadh tionndaidhean

Kaqchikel Santo Domingo (Xenacoj)

¹⁰ Y rikꞌin kaw kichꞌabꞌel ndikibꞌilaꞌ: Ri xebꞌanun chi xojkolotej, ja ri qa-Dios Ri tzꞌuyul pa ru-trono Y ri Alaj Karneꞌl, xechajeꞌ.

Kaqchikel Santa Maria de Jesus

¹⁰ Y quinojiel can cof niquiꞌej: ¡Xojcolotaj! Can ja ri Dios ri tzꞌuyul pa ru-trono, y ri Alaj Oveja ri xcalo kichin, ncaꞌchaꞌ.

Kaqchikel Central Guatemala

¹⁰ Y conojel can riq'uin ronojel cuchuk'a' niquibij: Re xojcolotej, can jac'a ri Dios ri tz'uyul pa lok'olej ruch'acat ri xbanon, y chuka' ri Jesucristo ri achi'el Alaj Carne'l, yecha'.

Re C'ac'a Testamento pa Kach'abal

¹⁰ Y conojel jun pa quichi' niquibij: Yoj re xojcolotaj chach re kamac, ja re Dios re tz'uyul chach re lok'olaj ch'acat re xbano chaka, y chuka' re Jesucristo re ancha'l oveja, ye'cha'.

Kaqchikel Western Solola

¹⁰ Y quinojel niquirek quichi' y niquibij: Re xojcolotej, can ya c'a ri ka-Dios ri tz'uyul pa lok'olaj ch'aquet ri xbano, y chuka' ri Jesucristo ri achi'el Alaj Carne'l, yecha'.

Apocalipsis 7:10 Iomraidhean Croise

Wuj Richin Bix Chire ri Dios 115:1

Man chiqe ta k'a roj Jehová ri ruwaq'ijaj, xa kan awichin rat, roma ri awajowabal ri man k'isel ta, y roma man yojamalij ta kan.

Wuj Richin Bix Chire ri Dios 3:8

Awik'in k'a rat Jehová nipe-wi ri kolotajik ¡Taya' k'a ri urtisanik pa ruwi' ri atinamit!

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin ri Isaías 43:11

Ja yin Jehová; y man jun chik ri nikolon ta.

Wuj Richin ri Isaías 45:15

Kan qitzij na wi chi rat kan at jun Dios ri man at tz'etel ta. Ja rat ri at Dios qichin roj ri atinamit Israel, y at qakolonel.

Wuj Richin ri Isaías 45:21

Kixch'on k'a y tibij-apo achike ri ruk'amon chi niben. Kixch'on k'a junan pa ruwi' re'. Ja yin ri xiya'on rutzijol ri ojer kan. Xich'on pa ruwi' re' ri kan pa rutikeribel-pe. Ja yin Jehová ri xibin. Kan man jun chik Dios achi'el yin. Yin in jun Dios choj y kolonel.

Wuj Richin ri Jeremías 3:23

Man jun nik'atzin-wi yojbe-q'anej pa ruwi' taq juyu' y niqareq qachi', roma roj kan awik'in rat qajaw Dios niqil-wi ri kolotajik roj ri oj atinamit Israel.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

San Lucas 3:6

Kan konojel winaqi' xkekolotej roma ri Jehová, nicha'.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

San Juan 1:36

Jari' k'a toq rija' xutz'et chi ri Jesús niq'ax-el ri keri'. Rija' xubij k'a: Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel, xcha'.

San Juan 4:22

Rix aj-Samaria xa ja ri man iwetaman ta ruwech ri niya' ruq'ij. Jak'a roj judío kan qetaman-wi ri achike ri niqaya' ruq'ij, roma kan ja ri qik'in roj peteneq-wi ri kolotajik kichin ri winaqi' chupan ri kimak.

Efesios 2:8

Ri rutzil ri Dios xojrukol roma xqakuquba' qak'u'x rik'in. Roma roj man yojtikir ta niqakol-qi' qayon, kan ja ri Dios ri nisipan ri kolotajik.

Apocalipsis 12:10

Y jari' toq yin Juan xinwak'axaj k'a chi ri chila' chikaj k'o k'a jun ri nich'on y rik'in uchuq'a' nubij: Xoqaqa yan ri kolotajik, xoqaqa yan ri ajawaren y ri uchuq'a' richin ri qa-Dios. Keri' chuqa' xoqaqa yan ri ruq'atbel-tzij ri Cristo. Roma xk'aq yan el ri nosujun kichin ri qach'alal chuwech ri Dios chi paq'ij chi chaq'a'.

Apocalipsis 19:1

Y chirij ronojel re', xinwak'axaj k'a kich'abel janila chi winaqi' ri niwajin chila' chikaj, ri kan rik'in uchuq'a' nikibij: Tinimirisaj rubi' ri qajaw Dios, roma rik'in rija' peteneq-wi ri kolotajik, richin rija' ri uchuq'a', y ronojel ruwaq'ijaj y k'ojlemal.

Apocalipsis 21:5

K'ari' ri jun ri tz'uyul pa tz'uyubel richin q'atbel-tzij xubij chuwe: Yin kan ronojel k'ak'a' ri yenben. Kan ke'atz'ibaj k'a re ch'abel re', roma kan qitzij y utz chi nakuquba' ak'u'x rik'in.

Apocalipsis 22:3

Y ri chiri' man jun ri man ch'ajch'oj ta ri nok-apo. Kan chiri' k'o-wi ri rutz'uyubal ri Dios y ri Karne'l, y konojel ri ek'o chiri' jari' ri xkesamajin richin.

Apocalipsis 4:6

Ri chuwech-apo ri tz'uyubel ri', k'o k'a jun achi'el palou ri chay-chay nitzu'un. Ri tz'uyubel ri' sutin-apo-rij koma e kaji' ri k'o kik'aslen y kan nojineq kij rik'in wachaj, keri' chikij y chikiwech.

Apocalipsis 5:7

Ri achi'el Karne'l ri' xberuk'ama-pe ri boton wuj pa rijkiq'a' ri tz'uyul pa tz'uyubel richin q'atbel-tzij.