Apocalipsis 6:8 - Kaqchiquel Bible

⁸ Y kan jari' xintz'et chi xbe'el-pe jun q'en rij kiej ch'okoliben-pe roma jun ri rubini'an Kamik. Y chirij re' beneq ri ruk'exewach ri akuchi ye'apon-wi ri kaminaqi'. Y xjach k'a uchuq'a' pa kiq'a' richin chi kekikamisaj nik'aj chire ri nik'aj chike ri winaqi' ri ek'o chuwech ri ruwach'ulew, rik'in labal, wayjal, yabil y k'uxunela' taq chikopi'.

Tuilleadh tionndaidhean

Kaqchikel Santo Domingo (Xenacoj)

⁸ Y atoq xitzuꞌun apu, xintzꞌet jun kej qꞌen-qꞌen rij y ri jun tzꞌuyul pe chirij rubꞌiniꞌan kamik, y oqan pe roma ri Hades ri lugar kichin ri animaꞌiꞌ, y xyoꞌox uchuqꞌaꞌ chake pa ruwiꞌ ri rukaj parte chin ri rochꞌulew chin ngekikamisaj ri wineq rikꞌin espada, wayijal, itzel teq yabꞌil y kꞌuxunel teq chikap chin ri rochꞌulew.

Kaqchikel Santa Maria de Jesus

⁸ Y ja xintzꞌat jun quiej kꞌan rij y ri chꞌacol chirij rubꞌinan Camic. Y chirij jajaꞌ patanak ri niꞌeꞌx Lugar Quichin Quiminakiꞌ cha. Y xyoꞌx poder chica chi ncaꞌquiquimisaj ri cajeꞌ parte ri vinak ri icꞌo choch-ulief cha espada, riqꞌuin viꞌjal, riqꞌuin yabꞌil y pa quikꞌaꞌ chicop ri niquicꞌux vinak.

Kaqchikel Central Guatemala

⁸ Tok xintz'et na vi, xintz'et jun k'en rij quiej y ch'ocolben-el roma jun ri rubini'an Camic. Y chirij re Camic re' tzeketel c'a el ri jun ri ruq'uexevach ri lugar ri ye'apon-vi ri caminaki' ri man xquinimaj ta el. Y pa ruk'a' c'a ri Camic y pa ruk'a' ri ruq'uexevach ri lugar ri ye'apon-vi ri caminaki', xjach c'a uchuk'a' richin chi quequicamisaj nic'aj chire ri nic'aj chique ri vinek ec'o chuvech ri ruvach'ulef, riq'uin oyoval, riq'uin vayjal, riq'uin yabil y quiq'uin ri chicop ri yec'uxun.

Re C'ac'a Testamento pa Kach'abal

⁸ Tak xintzu'un, xintz'at jun quiej k'an rij y ch'ocolben roma jun re rubini'an Camic. Y chij c'a re Camic re' tzakatal-va-a re jun re nibex Infierno cha. Y pa quik'a' c'a re Camic y re nibex Infierno cha, xya-va-a poder chin che que'quiquimisaj la cuarta parte chique re vinak re jec'o chach re ruch'ulef, che guerra, che viyjal, che yabil y chuka' re chicop re ye'c'uxun re jec'o chach re ruch'ulef xque'quimisan quichin.

Kaqchikel Western Solola

⁸ Yac'ari' tek xintz'et apo jun quiej k'en rij y ch'ocolben el ruma jun ri rubini'an Camic. Y chrij ri Camic ri' tzeketel c'a el ri jun ri ruq'uexewach ri lugar ri ye'apon wi ri caminaki'. Y pa ruk'a' c'a ri Camic y pa ruk'a' ri ruq'uexewach ri lugar ri ye'apon wi ri caminaki', xjach c'a uchuk'a' chique riche (rixin) chi quequicamisaj jun rucaj parte chique ri winek ri yec'o chuwech ri ruwach'ulef riq'ui espada, riq'ui wayjal, riq'ui yabil y quiq'ui ri chicop ri ye c'uxnel.

Apocalipsis 6:8 Iomraidhean Croise

Wuj Richin Etamabel-Tzij 5:5

Roma ri raqen rija' xa choj beneq pa xulan k'a pa kamik y ri ruxaka'l xa choj ruk'uan, richin chi napon k'a pa jul richin kamineq.

Wuj Richin ri Isaías 25:8

Chupan ri q'ij ri' xtuben chi man jun chik wineq ri xtiken. Kan xtusu' ri ruya'al-kiwech konojel winaqi', y xtrelesaj ri qak'ixbilal. Ronojel re' xtibanatej roma ja ri Jehová ri xbin.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

Wuj Richin ri Jeremías 16:16

Yin Jehová ri yibin. Xkenteq k'a pe e k'iy karunela' richin yekichop-el. Xkenteq-pe e k'iy kanonela' y xkekichop-el ri ek'o pa taq juyu' y pa ruwi' kojol taq juyu' y k'a pa taq jul chire ri nima'q taq abej.

Wuj Richin ri Jeremías 16:4

Xkeken konojel rik'in itzel taq yabil y man jun xtoq'en y man jun xtimuqun kichin. Kan xkech'otot kan pa taq bey, achi'el ri pamaj, roma ch'aqa' xkekamisex chi espada y ch'aqa' chik xkeken roma wayjal. Y ri aj-xik' taq chikopi' y ri chikopi' ri ek'o pa k'echelaj xtikitej ri kich'akul.

Wuj Richin ri Jeremías 24:10

Kan xtiben k'a richin xkekamisex chi espada, xkeken roma wayjal y xkeken roma yabil. Kan xkek'is k'a konojel pa ruwi' re ruwach'ulew re', ri xinya' chike rije' y chike ri kati't-kimama', xcha' ri Dios.

Wuj Richin ri Jeremías 43:11

Rija' xtipe richin xtoruya' ruk'ayewal pa ruwi' ri ruwach'ulew Egipto. Ri winaqi' ri k'o chi yeken, kan xkeken; ri xkebe pa ximonri'il, kan xkebe pa ximonri'il y ri xkekamisex chi espada, kan chi espada xkeken-wi.

Ez 29:5

Y xkatinbenk'aqa' kan pa tz'iran ruwach'ulew junan kik'in ri ker ri ek'o-el chawij. Kan xkixbeqaqa chuwech ri ulew y xa man jun k'a xkixsik'o-el. Chuqa' kan man jun xtimolon iwichin, xa kan banon chik chiwe chi xkixok kiway ri k'uxunela' taq chikopi' y ri aj-xik' taq chikopi'.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Os 13:14

Yin kan man xkenkol ta k'a chuwech ri jul muqbel kamineq, xa kan xkenjech k'a pa kamik. Rat kamik, ¿akuchi k'a k'o-wi ri awuchuq'a' ri kan nuk'is ronojel? Rat jul muqbel kamineq, ¿akuchi k'o-wi ri ruk'ayewal ri naya'? Roma yin xa kan man xtinjoyowaj ta chik kiwech re winaqi' re'.

Wuj Richin ri Habacuc 2:5

Ri winaqi' ri kikuquban kik'u'x rik'in ri kibeyomel, xa nikiq'ol-ki'. Ri wineq ri jantape' nirayin man jun bey nikuqer ruk'u'x rik'in ri k'o rik'in. Achi'el ri jul richin muqbel ri man jun bey nikuqer ta ruk'u'x. Roma ri' yekich'ek ch'aqa' chik tzobaj winaqi' richin ri ruwach'ulew.

Wuj Richin ri Zacarías 6:3

Ri rox carruaje, ja ri kiej ri seq kij ri e uk'uayon richin. Y ri rukaj carruaje ja ri kiej ri k'o seq'eseq keq y seq chikij ri e uk'uayon richin.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Mateo 24:7

Roma jun ajawaren xtiyakatej k'a el chirij jun chik ajawaren. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew.

1 Corintios 15:55

Y wakami, ¿akuchi k'a k'o-wi ri ach'akonik, rat kamik? ¿Akuchi k'o-wi ri ach'akonik rat jul muqubel kamineq?

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.

Apocalipsis 9:15

Y keri' xebesol k'a kan ri kaji' ángel, richin yekikamisaj winaqi'. Ri kaji' ángel ri' kan e chojmirisan chik richin yebe, ri hora, ri q'ij, ri ik' y ri juna'. Y xkekikamisaj jun chire ri oxi' chike ri winaqi' ri k'a ek'o na chuwech ri ruwach'ulew.

Apocalipsis 9:18

Y kan jak'a ri q'aq', sib y chuwilej-abej ri ye'el ri pa taq kichi' ri kiej, jari' ri xk'ison jun chire ri oxi' chike konojel ri winaqi' ri k'a ek'o na kan chuwech re ruwach'ulew.