Apocalipsis 3:9 - Kaqchiquel Bible

⁹ Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.

Tuilleadh tionndaidhean

Kaqchikel Santo Domingo (Xenacoj)

⁹ Ri jun bꞌotzaj wineq ri kitaqin rutijonik ri Satanás, ri ndikibꞌij chi e-israelitas pero xa kiqꞌabꞌan kiꞌ, tayaꞌ cuenta chare, riyin nibꞌen chi jujun chikiwech rejeꞌ ngebꞌexukeꞌ y ndikiqasaj kijolon chiꞌawaqen, y ndiketamaj chi riyin ngatinwojoꞌ.

Kaqchikel Santa Maria de Jesus

⁹ Rumareꞌ inreꞌ xtinꞌan chica ri vinak ri niquimol-quiꞌ pa rubꞌeꞌ ri Satanás chi xcaꞌxuquieꞌ chukul ivakan, ruma ijejeꞌ niquiꞌej chi israelitas y xa man ketzij ta ri niquiꞌej. Y quireꞌ xtinꞌan chica chi tiquinaꞌiej cꞌa chi inreꞌ can nquixvajoꞌ.

Kaqchikel Central Guatemala

⁹ Y can roma c'a ri', yin xtinben chi xquexuque' chivech ri jun tzobaj (k'ataj) richin ri Satanás ri yebin chi e israelitas y xa man que ta ri'. Y quere' xtinben chique richin tiquetamaj chi yin can yixinvajo-vi.

Re C'ac'a Testamento pa Kach'abal

⁹ Y mare', yen xtimban che can xque'xuque' chivach re jun grupo vinak chin re Satanás re ye'bin che je israelitas y xa man je katzij-ta israelitas. Y quire' xtimban chique chin tiquitamaj che yen can yixinjo-va.

Kaqchikel Western Solola

⁹ Titz'eta' na pe', riyin can xtinben chique ri jumoc winek riche (rixin) ri Satanás chi xquexuque' chiwech, winek ri yebin chi ye israelitas y xa ma que ta ri'. Y quere' xtinben chique riche (rixin) chi riye' tiquetamaj chi riyin can yixinwajo' wi.

Apocalipsis 3:9 Iomraidhean Croise

Ester 8:17

Ri rutzijol ri' xapon pa ronojel nima'q taq ruwach'ulew, y ronojel ri tinamit, y roma ri' ri winaqi' judío kan janila xekikot, y xekibanala' nima'q taq wa'in y xenimaq'ijun. Y chirij re' e k'iy winaqi' ri man e judío ta xa xjunamatej-kiwech kik'in ri judío, roma rije' kan k'o-wi kikiy.

Ex 11:8

Chuqa' ri Moisés xubij: K'ari' xkepe k'a chinuwech re aj-raqen re', y xkexuke' k'a chinuwech y xtikibij chuwe: Tabana' utzil kabiyin rat y konojel ri awinaq, xkecha' chuwe. Y toq xtikiben keri', k'ari' xqojbe, xcha'. Y ri Moisés kan q'aq'arineq k'a toq xel-pe rik'in ri rey.

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Wuj Richin ri Isaías 45:14

Yin Jehová kere' ninbij chiwe rix israelita: Ronojel ri kitiko'n ri aj-Egipto y ri kich'akoj ri aj-Etiopía, xtok iwichin rix. Chuqa' ri winaqi' aj-Sebá xkeq'ax pan iq'a' rix. Stape' rije' janila nima'q kipalen, konojel xke'ok iwichin. Rije' kan xketzeqe' k'a el eqal chiwij, roma e ximon-el rik'in cadena. Chuqa' kan xkexuke' k'a chiwech, y kan xtikik'utuj utzil chiwe roma ja rix ri ix kajaw rije'. Y k'ari' xtikibij chi ja yin ri in qitzij Dios, ri ink'o iwik'in rix, y kan man jun chik achi'el yin, ncha' ri Dios.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.

San Juan 17:23

Yin kan xintun-wi' kik'in rije', y rat kan atunun-awi' wik'in yin, richin keri' rije' kan jun ta k'a xtikiben. Y koma rije' xtetamex ta k'a koma ri winaqi' ri k'a kikuquban na kik'u'x rik'in re ruwach'ulew, chi yin ja rat, nata' Dios, ri xataqo-pe wichin.

Apocalipsis 2:9

Yin wetaman ronojel ri itijoj-poqonal y ri meba'il ri nik'owisaj stape' chinuwech yin kan ix beyoma'. Chuqa' wetaman ri itzel ri nikibila' chiwij ri yebin chi e judío y xa man e judío ta, ri winaqi' ri' xa e jun tzobaj ri e richin ri Satanás.

1 Sam 2:36

Ri aj pan awachoch ri janipe' xkek'oje' kan, rije' xkebexuke' chuwech ri sacerdote richin chi xtikil juba' kiméro o jun ti ch'ap kiway. Xtikik'utuj utzil chire richin tuya' q'ij chike richin nuya' ta jun kisamaj chikikojol ri sacerdote richin keri' nikich'ek juba' kiway, xcha' ri Jehová.