Apocalipsis 3:7 - Kaqchiquel Bible

⁷ Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Tuilleadh tionndaidhean

Kaqchikel Santo Domingo (Xenacoj)

⁷ Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Filadelfia: Riyin ri Jesucristo ri yin loqꞌolej, ri yin qetzij, ri yin ukꞌuayon ri lawiꞌil chin ri rey David, ri ngijaqo y nixta jun nditiker nditzꞌapin y atoq nitzꞌapij, nixta jun nditiker ndijaqo nibꞌij kereꞌ:

Kaqchikel Santa Maria de Jesus

⁷ Tatzꞌibꞌaj-el cha ri nusamajiel richin ri iglesia ri cꞌo pa tanamet Filadelfia, y taꞌej-el cha, chi inreꞌ ri in Santo, y can in Ketzij y cꞌo jeꞌ ri llave richin ri David pa nukꞌaꞌ; antok inreꞌ nijak, man jun nitiquir nitzꞌapin, y antok nitzꞌapij, man jun nitiquir nijako. Niꞌej cꞌa:

Kaqchikel Central Guatemala

⁷ Tatz'ibaj c'a chuka' el chire ri nusamajel ri c'o pa quivi' ri e nimayon vichin ri chiri' pa Filadelfia, y tabij-el chire, chi yin ri lok'olej, ri kitzij y ri uc'uayon chuka' ri llave richin ri David, llave ri can tok nujek man jun nitz'apen y tok nutz'apej man jun nijakon, ninbij c'a,

Re C'ac'a Testamento pa Kach'abal

⁷ Tatz'ibaj-a chuka' cha re pa'al pa rue' re iglesia re c'o chire' pa tenemit Filadelfia, y tabij-a chique re hermanos chin re iglesia re', che yen re can yin Lok'olaj-va, re Katzij y re ac'ayon chuka' re llave chin re David, y tak nijak cha re llave re' man jun nitiquir nitz'apin y tak nitz'apes man jun nitiquir nijako, mare' nimbij chique,

Kaqchikel Western Solola

⁷ Tatz'ibaj c'a chuka' el chare ri ángel ri nichajin quiche (quixin) ri yin quiniman riyin, ri nibix iglesia chique ri yec'o chiri' pa tinamit Filadelfia, y tatz'ibaj c'a el chare, chi riyin ri can yin lok'olaj wi, ri yin kitzij y ri yin uc'uayon chuka' ri llave riche (rixin) ri David, llave ri tek nujek can majun ri nitz'apin ta y tek nutz'apij majun ri nijako ta, nbij c'a:

Apocalipsis 3:7 Iomraidhean Croise

Wuj Richin ri Achin Job 11:10

Wi ta nipe pa ránima rija' chi yaruchop y yarutz'apej pa cárcel, o yaroyoj richin nuq'et-tzij pan awi'. ¿K'o kami ri yatikir naben richin nato-awi'?

Wuj Richin ri Achin Job 12:14

Roma ri' toq rija' k'o ri nuwulaj, man jun chik nitikir nipaban-q'anej. Toq rutz'apen jun wineq pa jun tijoj-poqonal, man jun ri xtisq'open-el richin.

Wuj Richin Bix Chire ri Dios 145:17

Rat Jehová kan choj k'a naben rik'in ronojel. Kan janila k'a awutzil pa ruwi' ronojel ri abanon.

Wuj Richin Bix Chire ri Dios 16:10

Jehová, rat kan man xtaya' ta k'a kan ri wánima chupan ri muqbel kamineq. Man xtaya' ta k'a q'ij chi ri ruch'akul ri acha'on xtichuwir-qa chiri'.

Wuj Richin Bix Chire ri Dios 89:18

Kan ja rat Jehová ri at qatobal. Ja rat loq'olej Dios ri at qa-rey.

Wuj Richin ri Isaías 22:22

Kan xtinjech pa ruq'a' ri llave kichin ri aj pa rachoch kan ri David. Toq rija' nujeq, kan man jun xtitikir xtitz'apen. Y toq rija' nutz'apej, man jun xtitikir xtijaqo.

Wuj Richin ri Isaías 30:11

Rije' man nikajo' nikak'axaj chik ri ninbij yin chike. Kan man nikajo' ta chi yin ri Loq'olej Dios yench'olij rije'.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Wuj Richin ri Isaías 41:16

Kan xke'italuj-el ri e etzelanel iwichin, achi'el toq nijopij chikaj ri trigo, y kan ja ri kaq'iq' ri xtitalun-el ri q'ayis. Jak'a rix kan jantape' xkixkikot wik'in yin Jehová; y xtik'oje' ri ruwa-iq'ij wik'in yin ri in Loq'olej richin Israel.

Wuj Richin ri Isaías 41:20

Xtinben ronojel re' richin chi nitz'et, y niwetamaj chi ja yin Jehová ri in banayon ronojel re', chi ja yin ri in loq'olej ri ink'o pan Israel k'iytisayon ronojel re'.

Wuj Richin ri Isaías 47:4

Yin in Jehová k'iytisanel richin ronojel, ri Loq'olej ri k'o pan Israel, y kikolonel ri israelita.

Wuj Richin ri Isaías 48:17

Ri Jehová nubij: Ja yin ri in ikolonel rix, y kan xaxe yin ri in i-Dios. Ja yin Jehová ri nink'ut chiwech ri más jebel chiwe rix, y yin yik'utu chiwech ri utzilej bey, ri akuchi ruk'amon richin yixbe.

Wuj Richin ri Isaías 49:7

Yin Jehová ja yin ri in ikolonel, y xaxe yin ri in i-Dios. Ri ch'aqa' chik tinamit kan janila ix ketzelan, y kan man yixqa' ta chikiwech. Y rix kan xixime' pa samaj kik'in ri ch'aqa' chik q'atoy taq tzij. Jak'a xtapon jun q'ij toq xkixkitz'et ri rey, y xkepa'e' chiwech richin nikiya' iq'ij, y ri e tata'al xtikilukuba-ki' chiwech, roma ja yin Jehová ri Loq'olej ri in k'o pan iwi' y ri xicha'on iwichin. Y kan xtinben ri ninbij.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Isaías 55:5

Rix kan xke'iwoyoj tzobaj winaqi' kichin ri ruwach'ulew ri man jani iwetaman ta kiwech, y re winaqi' re' kan anineq k'a xkepe woma yin Jehová ri i-Dios, ri in Loq'olej ri xibanon chiwe chi nik'oje' janila iruwaq'ijaj.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

San Mateo 16:19

Kan chawe wi k'a rat xtinya-wi ri uchuq'a' richin jaqbel richin ri aj-chikajil ajawaren. Ronojel k'a ri xtaya' q'ij rat ri niban wawe' chuwech re ruwach'ulew, chuqa' ri Dios xtuya' q'ij richin niban; y ronojel k'a ri man xtaya' ta q'ij rat, chuqa' ri Dios man xtuya' ta q'ij chi niban, xcha'.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Marcos 1:24

Rat Jesús aj-Nazaret, ¿achike k'a nawajo' chiqe? Rat xape wawe' xaxe richin chi yojak'is. Yin wetaman chi ja rat ri loq'olej richin ri Dios, xcha'.

San Lucas 1:32

Rija' janila k'a ruq'ij xtik'oje', y xtubini'aj chuqa' Ruk'ajol ri Nimalej Dios. Ri ajaw Dios kan ja rija' ri xtutz'uyuba' kan pa rutz'uyubal, achi'el ri rey David ri awati't-amama'.

San Lucas 4:34

Xubij k'a chire ri Jesús: ¿Achike nawajo' chiqe roj, Jesús aj-Nazaret? ¿Xape k'a richin chi yojak'is? Yin wetaman at achike rat; rat kan at loq'olej-wi y at peteneq rik'in ri Dios, xcha'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Hechos 3:14

Xa ja ri jun kamisanel xibij chi tikol-el, y ri loq'olej y choj chuqa' ri ruk'aslen, jari' ri xiya' kan pa ruk'exel.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Apocalipsis 16:7

Y jari' toq yin xinwak'axaj chi k'o jun ri nich'on-pe rik'in ri porobel, y nubij: Kan keri' wi ajaw Dios ri k'o ronojel uchuq'a' awik'in, kan niq'alajin k'a chi ri aq'atbel-tzij kan qitzij y kan choj, xcha'.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij:

Apocalipsis 21:5

K'ari' ri jun ri tz'uyul pa tz'uyubel richin q'atbel-tzij xubij chuwe: Yin kan ronojel k'ak'a' ri yenben. Kan ke'atz'ibaj k'a re ch'abel re', roma kan qitzij y utz chi nakuquba' ak'u'x rik'in.

Apocalipsis 3:14

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Laodicea, y tinbij-el; chi ri kan qitzij, ri qitzij rutz'eton ronojel ri nubij, ri kan k'o pe nabey chuwech ri rutikeribel ronojel ri k'o, kere' nubij:

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.