Apocalipsis 22:1 - Kaqchiquel Bible

¹ Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.

Tuilleadh tionndaidhean

Kaqchikel Santo Domingo (Xenacoj)

¹ Atoq nutzꞌeton chik reꞌ, ri ángel ri ukꞌuayon wichin xukꞌut chinuwech jun raqen yaꞌ ri ndiyoꞌon ri kꞌaslen ma ndikꞌis ta. Ri raqen yaꞌ riꞌ, achel vidrio nditzuꞌun y ndalex pe apeꞌ kꞌo ki-trono ri Dios y ri Alaj Karneꞌl.

Kaqchikel Santa Maria de Jesus

¹ Y ri ángel ri cꞌuayuon vichin, xucꞌut jun río sak chinoch; ri yaꞌ nuyaꞌ cꞌaslien. Ri río reꞌ incheꞌl vidrio nitzꞌiet y nalax-pa ri pacheꞌ cꞌo-ve ri ru-trono ri Dios y ri Alaj Oveja.

Kaqchikel Central Guatemala

¹ Y c'ari' ri ángel ri uc'uayon vichin xuc'ut c'a jun ch'ajch'ojilej raken-ya' chinuvech; ri raken-ya' ri niyo'on c'aslen. Ri raken-ya' ri', achi'el vidrio nitzu'un y nalex-pe ri acuchi c'o-vi ri lok'olej ruch'acat ri Dios y ri ruch'acat ri Jesucristo ri achi'el Alaj Carne'l.

Re C'ac'a Testamento pa Kach'abal

¹ Y c'are' re ángel xuc'ut jun rakan-ya' chinoch re camas ch'ajch'oj, re rakan-ya' re niyi'o c'aslen. Re rakan-ya' re', can ancha'l vidrio titzu'un y nalax-pa anche' c'o-va re lok'olaj ch'acat chin re Dios y re Jesucristo re ancha'l oveja.

Kaqchikel Western Solola

¹ Yac'ari' tek ri ángel ri uc'uayon wuche (wixin) xuc'ut c'a chinuwech jun ch'ajch'ojlaj raken ya'; raken ya' ri niya'o c'aslen. Ri raken ya' ri', achi'el vidrio nitzu'un y nalex pe ri acuchi (achique) c'o wi ri lok'olaj ruch'acat ri Dios y ri ruch'acat ri Jesucristo ri achi'el Alaj Carne'l.

Apocalipsis 22:1 Iomraidhean Croise

Wuj Richin Bix Chire ri Dios 46:4

K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un, chiri' chupan ri rachoch ri akuchi k'o-wi rija'.

Wuj Richin ri Isaías 41:18

Pa ruwi' taq juyu' ri man yewachin ta, kan xtinben richin xkebebiyin raqen taq ya'. Chuqa' nibe'alex-pe ya' pa runik'ajal ri taq'aj. Kan xtinben richin chiri' pa tz'iran ruwach'ulew xtik'oje' nima'q taq choy. Y chupan ri ruwach'ulew chaqi'j, kan xkek'oje' alaxibel taq ya'.

Wuj Richin ri Isaías 48:18

¡Xa ta iya'on ixikin chire ri nupixa'! Xk'oje' ta uxlanibel-k'u'x pa ruk'iyal iwik'in, achi'el jun raqen-ya' ri kan nibulbu'x. Xk'oje' ta ch'akonik jantape' iwik'in rix, achi'el ri ruwi' ri palou ri kan jantape' ye'apon-qa pa sanayi'.

Wuj Richin ri Isaías 66:12

Yin Jehová ninjikiba' nutzij chi xtibanatej, roma kan xtinteq-pe uxlanibel-k'u'x pan iwi', y xtuben achi'el jun nimalej raqen-ya'. Chuqa' ri beyomel kichin ch'aqa' chik winaqi' xtoqaqa pa ruk'iyal, achi'el nibulbu'x jun raqen-ya'. Y rix kan jebel k'a xkixchajix y xkixtzuq roma ri Jerusalem.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Jeremías 2:13

Rix nutinamit kan iqajben ka'i' mak: Rix xa xinimalij kan yin ri in k'aslik alaxibel-ya'. Chuqa' xa xe'itzeqelibej dios ri xa e achi'el yakbel taq ya' ri xa e teq'el, ri xa man utz ta richin niyak ya' chupan.

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

San Juan 13:32

[Roma kan xtiq'alajin ri ruq'ij-ruk'ojlen ri Dios woma yin,]*f19* rija' kan xtuben k'a chi niq'alajin chik ri nuq'ij-nuk'ojlen yin. Y ri' man k'a jampe' ta, xa kan ja yan re'.

San Juan 15:26

Jak'a toq yin xkitzolin chik chila' rik'in ri nata', xtinteq k'a pe ri xtito'on iwichin, y rija' kan xkiruq'alajirisaj-wi k'a. Y ri jun ri', ja ri Loq'olej Espíritu ri nitijon iwichin chire ri qitzij. Y rija' rik'in k'a ri nata' nipe-wi.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Hechos 2:33

Xuk'uex chuqa' chila' chikaj roma ri rutata' Dios. Y rija' xuk'ul k'a ri Loq'olej Espíritu ri sujun chire. Toq rija' xuk'ul yan k'a ri Loq'olej Espíritu, xuteq k'a pe qik'in roj, y ja yan k'a rusamaj re' ri xitz'et y xiwak'axaj-el qik'in re wakami.

Apocalipsis 1:1

Jare' ri xuq'alajirisaj ri Dios chuwech ri Jesucristo, pa ruwi' ri xkebek'uluwachitej yan, richin chi tuq'alajirisaj chikiwech ri rusamajela'. Roma ri' ri Jesucristo xuteq k'a jun ángel rik'in ri Juan ri rusamajel, richin chi xuq'alajirisaj chuwech ronojel ri'.

Apocalipsis 21:11

Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.

Apocalipsis 21:6

Ronojel xk'achoj yan. Ja yin ri xitikeriban-pe y ja yin ri xik'ison pa ruwi'. Y ri nichaqi'j ruchi', yin xtinsipaj ruya' ri elesan-pe pa jun alaxibel-ya' richin k'aslen.

Apocalipsis 21:9

K'ari' jun chike ri wuqu' ángel ri xeya'on ri wuqu' ruk'isibel taq ruk'ayewal pa ruwi' ri ruwach'ulew, ri e uk'uan ri pa taq qumbel, xch'on wik'in y xubij chuwe: Katanpe, y nink'ut chawech ri xten ri xtibek'ule' rik'in ri Jesucristo ri Karne'l, xcha'.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Apocalipsis 22:6

Y ri ángel ri uk'uayon wichin xubij chuwe: Re ch'abel re' kan qitzij y kan xkebanatej-wi. Roma kan ja ri ajaw Dios ri xya'on ch'abel pa taq kánima ri e q'alajirisey ri ruch'abel, kan ja chuqa' rija' ri taqayon richin ri ru-ángel richin chi nuya' rutzijol chike ri e rusamajela', chirij ri xkebebanatej yan, xcha'.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

Apocalipsis 5:13

Y xenwak'axaj k'a chuqa' konojel ri e ruk'iytisan ri Dios ri ek'o chupan ri kaj, re ek'o chuwech re ruwach'ulew, ri ek'o chuxe-qa ri ruwach'ulew y ri ek'o chupan ri palou; y nikibij: Chire ri tz'uyul chupan ri tz'uyubel y chuqa' chire ri Karne'l, xtiya'ox ronojel matioxinik, ruwaq'ijaj, k'ojlemal y ronojel uchuq'a' richin jantape', yecha'.

Apocalipsis 5:6

Y k'ari' yin xintz'et chi chiri' chunaqaj ri tz'uyubel richin q'atbel-tzij, ri sutin-kij koma ri kaji' ri k'o kik'aslen y chikikojol ri achi'a' ri k'o kiq'ij, pa'el jun achi'el Karne'l ri kan xkamisex y wakami k'es. K'o wuqu' ruk'a' y wuqu' runaq'-ruwech, ri nuk'exewachuj ri wuqu' Espíritu richin ri Dios ri e taqon chuwech ri ruwach'ulew.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.