Apocalipsis 21:2 - Kaqchiquel Bible

² Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.

Tuilleadh tionndaidhean

Kaqchikel Santo Domingo (Xenacoj)

² Y xintzꞌet ri loqꞌolej tinamit, ri kꞌakꞌakꞌ Jerusalén eleneq pe chikaj apeꞌ kꞌo ri Dios. Ri tinamit riꞌ, ruweqon pe riꞌ achel jun xten ndikꞌuleꞌ rikꞌin ri kꞌajol ndok rachijil.

Kaqchikel Santa Maria de Jesus

² Y inreꞌ Juan xintzꞌat ri tanamet santa, ri cꞌacꞌacꞌ Jerusalén. Xintzꞌat chi nika-pa chicaj; riqꞌuin ri Dios alanak-pa. Y can jaꞌal vakuon, can incheꞌl nuꞌon jun xtan antok nicꞌulieꞌ.

Kaqchikel Central Guatemala

² Y yin Juan xintz'et c'a ri lok'olej tinamit, ri c'ac'a' Jerusalem. Xintz'et c'a chi re tinamit re', ruchapon-pe kajen chila' chicaj riq'uin ri Dios. Y can jebel c'a chojmirisan y vikon-pe (vekon-pe), can achi'el nuben jun xten tok nuvik-ri' (nuvek-ri') jebel richin más nika' chuvech ri ala' ri nic'ule-vi-el.

Re C'ac'a Testamento pa Kach'abal

² Y xintz'at chuka' re lok'olaj tenemit, re c'ac'a Jerusalén. Xintz'at che re tenemit re' nika-pa chila' chicaj riq'uin re Dios. Y can jabal rubanic banom-pa y vekom-pa, can ancha'l nuban jun k'apoj ixok tak jabal nuvak-ri' chin che más jabal nika chach re ala' re anchok riq'uin nic'ule-va.

Kaqchikel Western Solola

² Y riyin ri Juan xintz'et c'a ri lok'olaj tinamit, ri c'ac'ac' Jerusalem. Xintz'et c'a chi ri tinamit ri', ruchapon nika pe chila' chicaj riq'ui ri Dios. Y can jabel c'a chojmirisan y wikon pe, can achi'el nuben jun k'opoj tek nuwik ri' jabel riche (rixin) chi más nika chuwech ri c'ajol ri achoj riq'ui nic'ule' wi.

Apocalipsis 21:2 Iomraidhean Croise

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.

Wuj Richin ri Isaías 1:21

Rix aj-Jerusalem rubanon kan, kan in itzeqeliben, jak'a re wakami ix achi'el jun ixoq itzel ruk'aslen ri xuya' kan ri rachijil. Ri ojer kan chi'iwonojel rix kan ronojel pa ruchojmilal ri xiben. Jak'a re wakami xa chi'iwonojel rix ix kamisanela'.

Wuj Richin ri Isaías 52:1

Kixk'astej, kixk'astej rix aj-Sión, kan tik'oje' iwuchuq'a'. Rix aj-Jerusalem kan tikusaj ri itziaq ri más jebel ok, roma kan man jun bey chik xtok jun wineq iwik'in ri man iwinaq ta o man ch'ajch'oj ta.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

2 Corintios 11:2

Kan yixinchajij-wi k'a rik'in ri ik'aslen achi'el nuben ri Dios iwik'in. Yin ninwajo' chi rix yixapon ta rik'in ri Cristo rik'in jun k'aslen ch'ajch'oj, achi'el ta jun xten ri kan ch'ajch'oj y nibek'ule' yan rik'in jun ala' ri xtok rachijil.

Hebreos 11:10

Ri Abraham xuben keri', roma kan royoben ri jun chik tinamit ri kan jebel jikil ri ruxe' y kan ja ri Dios ri xch'obo y xbanon richin.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Hebreos 13:14

Chuwech re ruwach'ulew xa man richin ta jantape' qilon-qa jun qatinamit. Jak'a kan qachapon bey richin nibeqila' ri qatinamit ri peteneq chiqawech.

Apocalipsis 1:1

Jare' ri xuq'alajirisaj ri Dios chuwech ri Jesucristo, pa ruwi' ri xkebek'uluwachitej yan, richin chi tuq'alajirisaj chikiwech ri rusamajela'. Roma ri' ri Jesucristo xuteq k'a jun ángel rik'in ri Juan ri rusamajel, richin chi xuq'alajirisaj chuwech ronojel ri'.

Apocalipsis 1:4

Yin Juan nintz'ibaj k'a el re wuj re' chiwe rix ri ix wuqu' molaj qach'alal ri ixk'o ri chiri' pa ruwach'ulew Asia. Ri Dios ri kan k'o-pe pa rutikeribel, re wakami y xtik'oje' re xtibe-apo, xtuya' k'a ri utzil y ri uxlanen chiwe ri nikiya' ri wuqu' utzilej taq espíritu ri ek'o-apo chuwech ri rutz'uyubal ri Dios.

Apocalipsis 1:9

Yin Juan, ri in iwach'alal, ri kan in iwachibil chupan ri tijoj-poqonal, y ri rajawaren ri Dios y jantape' nutzeqeliben ri Cristo rik'in koch'onik. Yin xik'oje' k'a pa ti ruwach'ulew Patmos ri k'o chukojol ya', roma nintzijoj ri ruch'abel ri Dios y roma chuqa' ri xuq'alajirisaj ri Jesucristo chinuwech.

Apocalipsis 11:2

Jak'a ri ruwa-jay ri richin ri wachoch man tawetaj, roma xa jachon chik pa kiq'a' ri winaqi' ri man ketaman ta nuwech y kawineq ka'i' ik' xtikixeq'-xtikipalibej ri loq'olej tinamit Jerusalem.

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.

Apocalipsis 21:9

K'ari' jun chike ri wuqu' ángel ri xeya'on ri wuqu' ruk'isibel taq ruk'ayewal pa ruwi' ri ruwach'ulew, ri e uk'uan ri pa taq qumbel, xch'on wik'in y xubij chuwe: Katanpe, y nink'ut chawech ri xten ri xtibek'ule' rik'in ri Jesucristo ri Karne'l, xcha'.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Apocalipsis 22:19

Y wi k'o chik jun ri xa nrelesaj ch'abel y nujel rubanik ri nuq'alajirisaj ri Dios chupan re jun wuj re', ri Dios kan xtuben chire chi man nutej ta ri ruwech ri che' ri richin k'aslen, man xtuya' ta q'ij chire richin nok-apo chupan ri k'ak'a' tinamit ri ch'aron roma ri Dios y man xtrichinaj ta ri utz ri nubij chupan re wuj re'.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.