Apocalipsis 2:8 - Kaqchiquel Bible

⁸ Y chuqa' xubij chuwe chi tintz'ibaj el chire ri ángel kichin ri molaj nimanela' ri chiri' pan Esmirna y tinbij-el; chi ri kan k'o pe pa rutikeribel y pa ruk'isibel, ri xkamisex y xk'oje' chik ruk'aslen kere' nubij:

Tuilleadh tionndaidhean

Kaqchikel Santo Domingo (Xenacoj)

⁸ Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Esmirna: Riyin ri Jesucristo ri nabꞌey y ri rukꞌisibꞌel chare nojel, ri xiken y xkꞌojeꞌ chik nukꞌaslen, nibꞌij kereꞌ:

Kaqchikel Santa Maria de Jesus

⁸ Y tatzꞌibꞌaj-el cha ri nusamajiel richin ri iglesia ri cꞌo pa tanamet Esmirna, y taꞌej-el cha, chi inreꞌ ri nabꞌayal y ri ruqꞌuisbꞌal, ri xiquimisas y xicꞌastaj chic pa, quireꞌ niꞌej:

Kaqchikel Central Guatemala

⁸ Y tatz'ibaj c'a el chire ri nusamajel ri c'o pa quivi' ri e nimayon vichin ri chiri' pan Esmirna, y tabij-el chire, chi yin ri can inc'o-pe pa rutiquiribel y ri pa ruq'uisibel chuka', y ri xicamisex y c'o nuc'aslen, ninbij c'a ronojel re':

Re C'ac'a Testamento pa Kach'abal

⁸ Tatz'ibaj-a cha re pa'al pa rue' re iglesia re c'o chire' pa tenemit Esmirna, y tabij-a chique re hermanos chin re iglesia re', che yen re yinc'o nabey y re yinc'o chuka' pa ruq'uisibal, xinquimisas y can xinc'astaj, nimbij ronojel re':

Kaqchikel Western Solola

⁸ Y tatz'ibaj c'a el chare ri ángel ri nichajin quiche (quixin) ri yin quiniman riyin, ri nibix iglesia chique ri yec'o chiri' pa tinamit Esmirna, y tatz'ibaj c'a el chare, chi riyin ri can yinc'o pe pa rutiquiribel y c'a pa ruq'uisbel, ri xicamisex y xic'astej, nbij c'a ronojel re':

Apocalipsis 2:8 Iomraidhean Croise

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin ri Isaías 48:12

Kiniwak'axaj k'a rix israelita, roma kan xixinwoyoj. Kan xaxe yin Jehová, ja yin ri xik'oje' pa nabey, y ja yin ri xkik'oje' pa ruk'isibel.

Romanos 14:9

Ri Cristo kan xken y xk'astej richin chi xok qajaw, stape' k'a oj k'es na, o wi oj kaminaqi' chik el.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 1:8

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij:

Apocalipsis 22:13

Ja yin k'a xitikeriban-pe ronojel y kan ja yin chuqa' ri xkik'ison pa ruwi'.