Apocalipsis 2:10 - Kaqchiquel Bible

¹⁰ Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Tuilleadh tionndaidhean

Kaqchikel Santo Domingo (Xenacoj)

¹⁰ Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Kaqchikel Santa Maria de Jesus

¹⁰ Man tixiꞌij-iviꞌ choch ri sufrimiento ri xtipa chivij. Ruma ri diablo xtuꞌon chi icꞌo nicꞌaj chivach ixreꞌ ri xcaꞌyoꞌx pa cárcel chi ncaꞌrutojtobꞌiej vi xa can ketzij quiyoꞌn cánima riqꞌuin ri Dios. Diez (lajuj) kꞌij xquixrutojtobꞌiej riqꞌuin sufrimientos, pero siempre tiyaꞌ ivánima riqꞌuin ri Dios; mesque nquixquimisas. Y inreꞌ xtinyaꞌ jun corona chiva; ri corona ri xtinyaꞌ, ja ri utzulaj cꞌaslien ri man niqꞌuis ta.

Kaqchikel Central Guatemala

¹⁰ Man c'a tixibij-ivi' chuvech ri xtic'ulvachij ri chivech apo. Roma ri itzel-vinek xtuben chique ch'aka' ri ec'o chi'icojol chi xqueruya' pa cárcel y can nutz'et na c'a vi can cukul ic'u'x riq'uin ri Dios. Lajuj c'a k'ij ri xquixc'oje' pa tijoj-pokonal. Pero can ticukuba' c'a ic'u'x riq'uin ri Dios, stape' ta la'ek xquixapon chuvech ri camic. Y yin xtinya' ri lok'olej sipanic chive, roma can xtic'ul c'a ic'aslen ri man q'uisel ta.

Re C'ac'a Testamento pa Kach'abal

¹⁰ Pero re hermanos man tiquixibij-qui' chach re xtiquic'alvachij re chakavach-apo. Roma re itzel xtuban chique nic'aj re jec'o chiquicojol che xque'ruya' pa cárcel, roma re itzel can nrajo' nutz'at vo xa can katzij quibanon confiar-qui' riq'uin re Dios. Lajuj k'ij re xque'c'ue' pa tijoj-pokonal. Pero can-ta xtiquiban confiar-qui' riq'uin re Dios, astapa' can xque'bapon chach re camic. Y yen can xtinya' re qui-premio, y re premio re' ja re xtiquic'ul re quic'aslen re man niq'uis-ta.

Kaqchikel Western Solola

¹⁰ Man c'a tixibij ta iwi' chuwech ri tijoj pokonal ri xtiwil ri chiwech apo. Ruma ri itzel winek xtuben chiwe chi yec'o ri xqueruya' pa cárcel y can nutz'et na c'a wi can cukul ic'u'x riq'ui ri Dios. Lajuj c'a k'ij ri xquixc'oje' pa tijoj pokonal. Pero can ticukuba' c'a ic'u'x riq'ui ri Dios, astape' ta xquixapon pa camic. Y riyin xtinya' ri lok'olaj sipanic chiwe, ruma can xtic'ul c'a ri ic'aslen riche (rixin) xtibe k'ij xtibe sek.

Apocalipsis 2:10 Iomraidhean Croise

Wuj Richin Bix Chire ri Dios 31:23

Ri nikitzeqelibej ri Jehová, ruk'amon chi nikiben ri nrajo' rija'. Roma rija' kan yeruchajij k'a ri choj e beneq chuwech. Jak'a ri man nuqasaj ta ri' chuwech, kan pa ruk'iyal k'a ri rutojbalil ri nuya' pa ruwi'.

Wuj Richin ri K'uxla'anik 3:57

Kan xape k'a wik'in ri q'ij toq xatinwoyoj. Xabij k'a chuwe chi man tinxibij-wi'.

Dn 1:12

Nink'utuj utzil chawe chi qojatejtobej lajuj q'ij. Kan xaxe k'a ichaj taya' chiqe richin niqatej y richin niqaqum, xa choj ya'.

Dn 1:14

Y ri aj-raqen kan xqa' k'a chuwech ri xbix chire y xerutejtobej k'a lajuj q'ij.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

San Mateo 10:22

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

San Mateo 24:13

Jak'a ri man xtutzolij ta ri' chirij y xtukoch' k'a ri pa ruk'isibel chire ronojel, kan xtikolotej-wi k'a ri'.

Marcos 13:13

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

Marcos 8:35

Ri wineq ri xa ja ri k'aslen richin chuwach'ulew ri más nrajo', re' xa man xtik'oje' ta jun qitzij ruk'aslen. Jak'a ri man nupoqonaj ta ri' xtipe y napon pa kamik woma yin y roma ri utzilej ch'abel richin kolotajik, rija' kan xtril wi k'a ri qitzij ruk'aslen.

San Lucas 21:12

Toq man jani tibanatej ronojel re', rix xkixtzeqelibex y xtiban chiwe richin nitej poqon. Xkixuk'uex k'a chikiwech ri aj-raqen richin ri jay ri akuchi nikimol-ki' ri winaqi' richin nikak'axaj ri ruch'abel ri Dios. Xkixtz'apex pa cárcel. Xkixuk'uex chikiwech q'atoy taq tzij y chikiwech ri e rey. Ronojel k'a re' xtik'uluwachila' roma in itzeqeliben yin.

San Juan 12:25

Roma ri', ri wineq ri yalan nupoqonaj ri ruk'aslen re wawe' chuwech re ruwach'ulew, kan xtusech k'a ri ruk'aslen. Jak'a ri man nupoqonaj ta ri ruk'aslen, kan richin k'a jantape' nuyek-apo.

San Juan 13:2

Ri Jesús y ri rutijoxela' kichapon wa'in. Jak'a ri Judas ri ruk'ajol ri Simón Iscariote, nisamej chik ri Itzel-Wineq pa ránima, y jari' ri nibin chire chi tujacha' ri Jesús.

San Juan 13:27

Toq ri Judas xuk'ul ri kaxlan-wey ri', kan xpe-wi k'a ri Itzel-Wineq pa ránima. K'ari' ri Jesús xubij chire ri Judas: Ri ach'obon chi naben, tabana' chi'anin, xcha' chire.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Hechos 21:13

Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

1 Corintios 9:25

Ri ye'ok k'a pa jun etz'anen richin anin, kan janila wi nikichajij-ki'; rije' xaxe ri utz nuben chike ri nikiben. Keri' nikiben, y ri nikich'ek xa k'isel. Jak'a ri niqach'ek roj kan man k'isel ta.

Efesios 2:2

ri xixk'oje' chupan toq xisamajij ri rajaw ri ajawaren ri k'o pa kaq'iq'. Re' ja re' ri espíritu ri k'o pa kánima ri kan man nikinimaj ta rutzij ri Dios.

Efesios 6:12

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 13:2

Ri nimalej itzel chikop ri xintz'et, achi'el nitzu'un jun balma, jak'a ri raqen achi'el raqen oso, y ri pa ruchi' achi'el koj. Y ri nimalej itzel keq rij chikop ri k'o pa sanayi' chuchi' ri palou, xuya' uchuq'a' y q'atbel-tzij chire ri chikop ri' richin nuq'et-tzij pa ruwi' ri ruwach'ulew.

Apocalipsis 13:7

Chuqa' xya'ox q'ij chire richin chi xeruchop chi oyowal ri e ralk'ual ri Dios y yeruch'ek. Xya'ox uchuq'a' chire pa kiwi' ri jalajoj ruwach'ulew, ijatzul, tinamit y ch'abel.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Apocalipsis 2:13

Yin wetaman chi ri akuchi ixk'o-wi, chiri' k'o-wi ri rutz'uyubal ri Satanás. Y man rik'in ri', kan ikuquban ik'u'x wik'in y man in imalin ta kan, stape' xitz'et chi ri Antipas ri xutzijoj ri nuch'abel xkamisex chiri' akuchi k'o-wi rachoch ri Satanás.

Apocalipsis 2:9

Yin wetaman ronojel ri itijoj-poqonal y ri meba'il ri nik'owisaj stape' chinuwech yin kan ix beyoma'. Chuqa' wetaman ri itzel ri nikibila' chiwij ri yebin chi e judío y xa man e judío ta, ri winaqi' ri' xa e jun tzobaj ri e richin ri Satanás.