Apocalipsis 19:2 - Kaqchiquel Bible

² Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Tuilleadh tionndaidhean

Kaqchikel Santo Domingo (Xenacoj)

² Porque pa ruchojmil nduqꞌet tzij y ja ri castigo ri rukꞌulun chi ndiyoꞌox, jariꞌ ri nduyaꞌ. Porque pa ruchojmil xuyaꞌ castigo chare ri ixaq itzel chubꞌanik ri ndukꞌayilaꞌ riꞌ chake achiꞌaꞌ. Keriꞌ xubꞌen chare roma ri ixaq riꞌ xerutaqchiꞌij ri wineq chochꞌulew chin ndikikꞌamalaꞌ qa kiꞌ rikꞌin chin ndikibꞌen mak. Ja chuqaꞌ rijaꞌ ri xkamisan kichin ri erusamajelaꞌ ri Dios, Y romariꞌ ri Dios xuyaꞌ rukꞌexel chare.

Kaqchikel Santa Maria de Jesus

² Tiyoꞌx rukꞌij ri Ka-Dios ruma nikꞌalajin chi ketzij y choj nuꞌon juzgar, ruma ya xuyaꞌ rucꞌaxiel cha ri nem ramera ruma ri i-rubꞌanun; ruma ri ixok reꞌ xuꞌon chica ri vinak ri icꞌo choch-ulief chi xquiꞌan pecado ri incheꞌl niquiꞌan ri achiꞌaꞌ y ri ixokiꞌ ri niquicanuj-quiꞌ chi niquiꞌan pecado. Jajaꞌ jeꞌ ri xquimisan quichin ri ru-siervos ri Dios, rumareꞌ ri Ka-Dios can xuyaꞌ rucꞌaxiel cha, ncaꞌchaꞌ.

Kaqchikel Central Guatemala

² Tinimirisaj rubi' ri ka-Dios roma ri ruk'atbel-tzij can kitzij y choj; roma can xuya' ruc'ayeval pa ruvi' ri ixok ri itzel ruc'aslen, ri xuben chique ri vinek ri ec'o chuvech ri ruvach'ulef richin xeka' pa mac, achi'el ri mac quichin ixoki' y achi'a'. Y ri ka-Dios, pa ruvi' c'a ri ixok itzel ruc'aslen xuya-vi ri quicamic ri rusamajela', yecha'.

Re C'ac'a Testamento pa Kach'abal

² Titioxij cha re ka-Dios roma reja' can ja re katzij y re choj nucusaj tak nuban juzgar, y can xuya' re castigo pa rue' re ixok itzel ruc'aslen, roma ja reja' re xbano chique re vinak re jec'o chach re ruch'ulef chin xe'ka pa mac, ancha'l re mac quichin ixoki' y achi'a', re xquicanola-qui' chin xe'macun. Chuka' reja' can xe'ruquimisaj re rusamajela' re Dios, mare' re ka-Dios can xuya' ruq'uixel cha.

Kaqchikel Western Solola

² Tinimirisaj c'a rubi' ri Dios ruma ri ruk'atbel tzij can kitzij y can choj wi; ruma can xuya' wi ruc'ayewal pa ruwi' ri ixok ri itzel ruc'aslen, ri xbano chique ri winek ri yec'o chuwech ri ruwach'ulef chi xquiya' ca ri Dios ruma xeka pa mac, achi'el ri mac tek ri achi'a' y ri ixoki' niquicanoj qui' chi yemacun y xa ma quic'ulaj ta qui'. Y ri Dios, xuya' c'a ruq'uexel chare ri ixok ri itzel ruc'aslen, ri yerucamisaj ri ye rusamajel ri Dios, xecha' ri winek ri'.

Apocalipsis 19:2 Iomraidhean Croise

2 Rey 9:7

Rat kan xke'ak'is k'a ri e rijatzul kan ri Acab, richin chi niqaqa pa kiwi' rije' ri xkiben chike ri nusamajela' ri e q'alajirisey ri nuch'abel, toq ri Jezabel xuben chi xbiyin kikik'el.

Wuj Richin Bix Chire ri Dios 19:9

Ri rutijonik ri Jehová kan janila utz y kan keri' richin jantape'. Ri q'atbel-tzij richin ri Jehová kan pa ruchojmilal y kan e qitzij.

Wuj Richin ri Isaías 25:1

Ja rat Jehová, ja rat ri at qa-Dios, xtiqanimirisaj y xtiqabixaj ri abi'. Ri ojer kan rat xach'ob xe'aben meyel taq banobel, y wakami kan xaben ri xabij. Kan xaben ri xasuj.

Dn 7:26

Chirij ri' toq xtuq'et-tzij ri nimalej Dios, kan xtrelesaj k'a ri uchuq'a' chire, y xtik'is chiri' jumul.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Deut 32:43

Rix ch'aqa' chik tinamit kixkikot k'a qik'in, roma ri Jehová xtuya' rutojbalil ri kimak ri e etzelanel qichin, roma rije' xekikamisaj jujun chiqe roj ri rusamajela'. Ri Jehová ri Dios kan xtuya' k'a ruk'exel chike ri e etzelanel richin, y roj xtijunamatej chik qawech rik'in, y rija' chuqa' utz chik xtutz'et ri qaruwach'ulew, xcha' ri Moisés.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 18:3

Roma ja ri Babilonia ri xbanon chike ri ch'aqa' chik ruwach'ulew richin chi xeqaqa pa mak. Xuben chike ri rey kichin ch'aqa' chik ruwach'ulew richin xemakun rik'in. Y kan k'iy k'ayinela' ri xebeyomer kan, roma ri aj-Babilonia xkik'uaj jun itzel k'aslen, xcha' ri ángel.

Apocalipsis 6:10

Y rije' kan rik'in uchuq'a' nikibij: Loq'olej y qitzij qajaw, ¿k'a jampe' k'a xtaq'et-tzij pa kiwi' ri winaqi' ri ek'o chuwech ri ruwach'ulew? ¿K'a jampe' k'a xtaya' ruk'exel chike roma ri qakamik?, yecha'.