Apocalipsis 18:4 - Kaqchiquel Bible

⁴ K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Tuilleadh tionndaidhean

Kaqchikel Santo Domingo (Xenacoj)

⁴ Y xinwakꞌaxaj jun chꞌabꞌel chikaj ri ndubꞌij: Rix nutinamit, kixel pe chiriꞌ, Chin ma tibꞌen mak achel ndikibꞌen rejeꞌ, Y keriꞌ ma ndiqaqa ta pa iwiꞌ rix ri castigo ndiqaqa pa kiwiꞌ rejeꞌ.

Kaqchikel Santa Maria de Jesus

⁴ Y xinvaꞌxaj chic chi cꞌo jun ri nichꞌo-pa chicaj y nuꞌej: Ixreꞌ ri ix nutanamit chic, quixiel-pa chupan ri tanamet Babilonia, chi quireꞌ man xquixka ta jeꞌ ixreꞌ chupan ri ru-pecados y man nika ta pan iveꞌ ixreꞌ ri castigo ri xtika pa quiveꞌ ri vinak aj-chireꞌ.

Kaqchikel Central Guatemala

⁴ C'ari' xinvac'axaj c'a chi c'o jun ri nich'on-pe chila' chicaj y nubij: Rix ri can ix vichin chic yin, quixel c'a pe ri pa tinamit Babilonia, man xa quixka' chuka' pa mac y yixilon chuka' rix riq'uin ri ruc'ayeval ri xtika' pa quivi' ri vinek aj chiri'.

Re C'ac'a Testamento pa Kach'abal

⁴ C'are' xinc'axaj che c'o jun re nich'o-pa chila' chicaj y nubij: Yex re can yix vichin chic yen, quixel-pa chupan re tenemit Babilonia, chin che man quixka chuka' yex pa mac y yixtz'ebelan riq'uin re castigo re xtika pa quive' re vinak aj-Babilonia.

Kaqchikel Western Solola

⁴ Yac'ari' tek xinwac'axaj c'a chi c'o jun ri nich'o pe chila' chicaj y nubij: Riyix ri can yix wuche (wixin) chic riyin, quixel c'a pe ri pa tinamit Babilonia, man xa quixka chuka' pa mac y xquixilon chuka' riyix riq'ui ri ruc'ayewal ri xtika pa quiwi' ri winek aj chiri'.

Apocalipsis 18:4 Iomraidhean Croise

Wuj Richin ri Rutikeribel 19:14

K'ari' ri Lot xeberutz'eta' ri xke'ok ruji', ri alaboni' ri achoq chike xeyatej yan el ri rumi'al, y xubij chike: Jo', qojel-el re wawe' chupan re tinamit re', roma ri Jehová xtiberuk'isa' re tinamit re', xcha' chike. Jak'a rije' xkich'ob chi xa yeruq'ol.

Wuj Richin Bix Chire ri Dios 50:18

Wi natz'et jun eleq'om, kan chi'anin nawachibilaj-el. Kan junan k'a awech naben-el kik'in ri nikiben ixoqinik.

Wuj Richin ri Isaías 48:20

Toq xtitz'et ronojel re', kixel-pe chiri' pa Babilonia. Kixanimej-pe chikiwech rije'. Tiya' k'a re rutzijol re' rik'in raqoj-chi'ij y rik'in kikoten. Tiya' rutzijol k'a pa ruk'ulba't ri ruwach'ulew. Tiya' rutzijol chi yin Jehová xixinkol rix israelita.

Wuj Richin ri Isaías 52:11

Tich'ara-pe-iwi' kik'in ri aj-Babilonia, y kixel-pe. Jak'a man ke'ichop ri man e ch'ajch'oj ta, Kan tich'ara-pe-iwi' kik'in, y tich'ajch'ojirisaj-iwi' rix, ri yixuk'uan ri samajibel richin ri rachoch ri Jehová.

Wuj Richin ri Jeremías 50:8

Kixanimej k'a el chiri' pa Babilonia. Y kan ja rix ri nabey yixel-el achi'el nikiben ri achija' taq tzuntzun chikiwech ri ch'aqa' chik chikopi'.

Wuj Richin ri Jeremías 51:45

Nuwinaq israelita, kixel-el chiri' pa Babilonia. Chi'ijujunal tikolo-el ri ik'aslen rokik man jani tiqaqa ri ruq'aq'arinen ri woyowal.

Wuj Richin ri Jeremías 51:50

Rix israelita ri xixkolotej kan chire ri kamik, kixanimej-el y man kixpa'e-qa. Y toq ixk'o nej kan kinich'obo' k'a yin, toqaqa chi'ik'u'x ri itinamit Jerusalem.

Wuj Richin ri Jeremías 51:6

Y rix winaqi' israelita, kixanimej-el pa Babilonia. Tukolo-ri' ri nitikir, richin chi man yixken roma kimak rije'. Jare' xapon ri q'ij richin ninya' ri rutojbalil pa kiwi' rije' achi'el ri ruk'amon.

Wuj Richin ri Jeremías 51:9

Jak'a ri winaqi' richin ch'aqa' chik ruwach'ulew xtikibij: Xqaya' yan kaq'om ri aj-Babilonia, jak'a man xe'aq'omatej ta. Keqaya' kan y qojel-el re wawe'. Jo', pa taq qaruwach'ulew roma ri kamisanik ri nikiben kan napon k'a chila' chikaj y kan nijote' k'a q'anej pa taq sutz', xkecha'.

San Mateo 23:30

Y nibij: Xa ta roj xojk'oje' pa kiq'ijul ri qati't-qamama'; man ta xojok kachibil rije' toq xekikamisaj ri xeq'alajirisan ri ruch'abel ri Dios, yixcha'.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

1 Timoteo 5:22

Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

2 Juan 1:11

roma wi xtik'ul pan iwachoch, kan xtiwejqalej chuqa' rix ri itzel taq rubanobal ri wineq ri'.