Apocalipsis 16:4 - Kaqchiquel Bible

⁴ K'ari' ri rox ángel xberuq'eja' kan ri ruk'uan chupan ri qumbel pa kiwi' ri raqen taq ya' y pa kiwi' ri alaxibel taq ya'. Y re ya' re' chuqa' xe'ok kik'.

Tuilleadh tionndaidhean

Kaqchikel Santo Domingo (Xenacoj)

⁴ Ri rox ángel xbꞌa, y pa kiwiꞌ ri raqen teq yaꞌ y ri alaxbꞌel teq yaꞌ xbꞌeruwoxij ri kꞌo chupan ri copa rukꞌuan, y ri yaꞌ xok qa kikꞌ.

Kaqchikel Santa Maria de Jesus

⁴ Y ri ruox ángel xbꞌarukꞌijaꞌ ri cꞌo chupan ri copa pa quiveꞌ ri ríos y pa quiveꞌ ri nacimientos richin yaꞌ. Y xaꞌuoc quicꞌ.

Kaqchikel Central Guatemala

⁴ Y ri rox ángel xberuk'eja' c'a can ri ruc'uan chupan ri lek pa quivi' ri raken tak ya' y pa quivi' ri alaxibel tak ya'. Y re ya' re' xe'oc c'a quic'.

Re C'ac'a Testamento pa Kach'abal

⁴ Y re rox ángel xbo'rk'aja' can pa quive' re rakan tak ya' y pa quive' re alaxbal tak ya' re c'o-a chupan re copa c'o pa ruk'a'. Y re ya' re' xe'oc quic'.

Kaqchikel Western Solola

⁴ Y ri rox ángel xberutixa' c'a ca ri ruc'uan el chupan ri vaso pa quiwi' ri raken tak ya' y pa quiwi' ri ralaxbel (rutz'ucbel) tak ya'. Y ri ya' ri' xpotej chi quic'.

Apocalipsis 16:4 Iomraidhean Croise

Wuj Richin Bix Chire ri Dios 78:44

Xuben chi ri raqen taq ya' richin Egipto xe'ok kik', richin chi ri winaqi' man xetikir ta chik xkiqum.

Ex 8:5

Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.

Wuj Richin ri Isaías 50:2

¿Achike roma toq yin xinapon, man jun k'o? ¿Achike roma xixinwoyoj, jak'a man jun xch'on wik'in? ¿Maneq kami wuchuq'a' yin richin man yitikir ta yixinkol? ¿Xk'is kami wuchuq'a' yin richin man yixinto' ta? Re wakami xaxe rik'in ri nuch'olinik, xtinben richin nichaqi'j-qa ri palou, ri akuchi ek'o nimalej raqen taq ya', kan xke'ok tz'iran. Kan xkeken k'a ri ker ri ek'o chupan, y kan xkechuwir-pe.

Ez 35:8

Xke'ilitej k'a kaminaqi' xabakuchi, roma xtintaluj ri ich'akul pa ruwi' juyu', kojol taq juyu' y pa taq siwan.

Os 13:15

Stape' ri Israel xtiwinaqir-q'anej chikikojol ri rach'alal, xa kan xtipe k'a jun kaq'iq' pa relebel-q'ij, xa kan xtipe k'a jun kaq'iq' wichin yin Jehová ri xtijote-pe pa tz'iran ruwach'ulew. Re kaq'iq' re' kan xtuchaqirisaj k'a kan ronojel ri ralaxbal taq ya' y kan xkek'is k'a ronojel. Ri e etzelanel kichin xa kan xtikik'uaj k'a el ronojel ri beyomel y ronojel ri k'o rejqalen ri k'o kik'in.

Apocalipsis 11:6

Ri e ka'i' samajela' ri' kan ya'on k'a uchuq'a' pa kiq'a' richin nikiq'et ri job chupan ri q'ij ri kiq'alajirisan. Yetikir chuqa' nikiben chi ri ya' nok kik' y yekiya' nima'q taq ruk'ayewal pa kiwi' ri winaqi' ri ek'o chuwech ri ruwach'ulew, ri janipe' nikajo' rije'.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Apocalipsis 16:5

K'ari' ri ángel ri ya'on uchuq'a' pa ruq'a' pa kiwi' ri ya', xch'on y xubij: Ajaw Dios, rat kan jantape' atk'o-pe y jantape' xkak'oje-apo. Rat kan at choj y at loq'olej. Ri aq'atoj-tzij kan pa ruchojmilal ri naben.