Apocalipsis 16:2 - Kaqchiquel Bible

² Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Tuilleadh tionndaidhean

Kaqchikel Santo Domingo (Xenacoj)

² Ri nabꞌey ángel xbꞌa, y pa ruwiꞌ ri rochꞌulew xbꞌeruwoxij ri kꞌo chupan ri copa rukꞌuan, y ri wineq ri xkiyaꞌ qꞌij chin xyoꞌox retal ru-sello ri nabꞌey itzel chikap chikij, y ndikiyalaꞌ chuqaꞌ ruqꞌij ri rachibꞌel ri chikap riꞌ, xebꞌeꞌel pe itzel y chuwilej teq chꞌaꞌk chikij ri ngeruyaꞌ pa qꞌaxomal.

Kaqchikel Santa Maria de Jesus

² Y ri naꞌay ángel xꞌa y xbꞌarukꞌijaꞌ paroꞌ ri roch-ulief ri cꞌo chupan ri copa. Ri naꞌay sufrimiento xuꞌon chica ri vinak chi xaꞌiel-pa itziel tak sal-chꞌaꞌc chiquij. Quireꞌ xbꞌanataj chica ri quicꞌuan ri ru-marca ri bestia y ri niquiyaꞌ rukꞌij ri ru-imagen.

Kaqchikel Central Guatemala

² Y can jari' tok xbe ri nabey ángel y xberuk'eja' can pa ruvi' ri ruvach'ulef, ri c'o-el chupan ri lek ri ruc'uan. Re nabey ruc'ayeval xuben c'a chi xe'el-pe itzel ch'a'c chiquij ri vinek ri quic'uan retal ri nabey chicop ri nic'aj-quivech o ri pa quik'a'. Ja vinek re' ri can xeyo'on ruk'ij ri ruvachibel ri nabey chicop.

Re C'ac'a Testamento pa Kach'abal

² Y can jare' tak xba re nabey ángel y xbo'rk'aja' can pa rue' re ruch'ulef re c'o-a chupan re copa re yi'on cha. Re nabey tijoj-pokonal xuban che xe'el-pa itzel tak ch'a'c chiquij re vinak re quic'uan re ru-seña re nabey itzel chicop re nic'aj-quivach o chij quik'a'. Ja vinak re' re can xe'yi'o ruk'ij re ru-imagen re nabey itzel chicop.

Kaqchikel Western Solola

² Y can yac'ari' tek xbe ri nabey ángel y xberutixa' ca pa ruwi' ri ruwach'ulef ri c'o el chupan ri vaso ri ruc'uan. Can yac'ari' tek ri winek ri quic'uan retal ri nabey chicop y can niquiya' chuka' ruk'ij ri ruwachbel ri nabey chicop ri', xe'el pe itzel tak ch'a'c chiquij.

Apocalipsis 16:2 Iomraidhean Croise

2 Crón 21:15

Y pan awi' rat xtinya' k'iy ruwech yabil, y jun nimalej rukiy apan ri kan q'ij-q'ij más xtinimer, y kan xtibe'el ri awixkolob roma ri yabil ri', nicha' ri Jehová, xcha' ri Elías chupan ri wuj.

2 Crón 21:18

Chirij k'a ronojel re' ri Jehová xuya' ri nimalej yabil chire ri rupan, y kan man xaq'omatej ta chik.

Wuj Richin Bix Chire ri Dios 78:26

Xujel rubey ri kaq'iq' ri peteneq pa relebel-q'ij, y xuben chi pa xokon xpe-wi.

Wuj Richin ri Isaías 3:17

Roma ri' ri Jehová kan k'o jun yabil ri xtuya' pa kiwi' ri ixoqi' ri'. Kan xtuben chike chi xtel-pe sal pa kijolon, richin chi xtik'is-el ronojel ri rusumal-kiwi'.

Wuj Richin ri Isaías 3:24

Roma ri' keri' k'a xtibanatej pa tinamit Sión: Pa ruk'exel ri jubulej taq aq'om, ri ixoqi' xa xkechuwir-pe. Pa ruk'exel jun jebelej ximibel-kipan, xa xtik'oje' jun kolo' richin xkexim-el toq xkebe pa ximonri'il. Pa ruk'exel jebelej taq jikoj rusumal-wi'aj, xa maneq chik rusumal-kiwi'. Pa ruk'exel ri jebelej taq tzieq, xa xtikikusaj qiriqoj taq tzieq richin bis. Y pa ruk'exel jebejoj ok yetzu'un, xa xtiya'ox ketal chi kipalej rik'in q'aq'.

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.

Deut 28:27

Ri Jehová xtuben chiwe richin xtitej poqon rik'in yabil achi'el ri awas achi'el xpe chike ri aj-Egipto. Xtipe sipojik chiwij ri kan k'o rujeleb, ch'a'k y sal ri kan janila ruk'aqatil y man jun ri xtik'achoj chik chire ri yabil ri'.

Deut 28:35

Ri Jehová xtuben chiwe richin xtitej poqon rik'in awas pa taq ich'ek y xkebe'el-pe chijun ich'akul y kan man xkixaq'omatej ta chik.

Deut 7:15

Ri Jehová kan xtrelesaj-el ronojel ruwech yabil y xtrelesaj ri nimalej ruk'ayewal, achi'el ri xuya' pa kiwi' ri aj-Egipto, xa kan xaxe pa kiwi' ri winaqi' ri ye'etzelan iwichin xtuya-wi.

Apocalipsis 13:12

Y re' nisamej rik'in ri ruchuq'a' ri chikop ri xel-pe pa ya' y nisamej chuxe' rutzij ri chikop ri'. Kan nuben chike ri winaqi' ri ek'o chuwech ri ruwach'ulew chi nikiya' ruq'ij, roma xk'achoj ri rusokotajik ri kan ruk'amon chik pe kamik.

Apocalipsis 14:16

Y ri tz'uyul pa ruwi' ri sutz' kan keri' xuben, xuk'owisaj ri rujos chuwech ri ruwach'ulew y xuk'ol-el ri tiko'n.

Apocalipsis 14:9

Y kan jari' peteneq ri rox ángel, y kan rik'in chuqa' ruchuq'a' nubij: Ri xkeya'on ruq'ij ri nabey chikop y nikiya' chuqa' ruq'ij ri ruwachibel, y kan niqa' chikiwech chi nikik'ul ketal nik'aj-kiwech o pa kiq'a',

Apocalipsis 16:1

Y k'ari' xinwak'axaj chi k'o jun ri nim ruch'abel nich'on-pe ri chiri' chupan ri rachoch ri Dios y xubij k'a chike ri wuqu' ángel: Kixbiyin chuq'ejik pa ruwi' ri ruwach'ulew ronojel ruwech ruk'ayewal ri nuya' ri Dios, xcha'.

Apocalipsis 16:11

Man rik'in ri' kan man xtzolin ta kik'u'x rik'in ri Dios richin xkiya' ta kan rubanik ri etzelal pa ruk'exel ri' xa xkiyoq' ri Dios ri k'o chila' chikaj, roma ri q'axomal y ri itzel ch'a'k ri k'o chikij.

Apocalipsis 8:7

Y toq ri nabey ángel xuxupuj ri trompeta, kan jari' k'a toq xqaqa saqboch y q'aq' xolon rik'in kik' pa ruwi' ri ruwach'ulew. Y jun chire ri oxi' chire ri ruwach'ulew xk'is, jun chire ri oxi' chike ri che' xuk'is q'aq'; y keri' chuqa' xuben rik'in ri q'ayis.

1 Sam 5:6

Chirij ri' ri Jehová xuya' jun ruk'ayewal pa kiwi' y xuben chike konojel ri aj-Asdod y chijun ri kiruwach'ulew, chi xpe sipojik chikij ri kan k'o rujeleb.

1 Sam 5:9

Y toq kiq'axan chik pe pa Gat, ri Jehová xuya' pa poqon ri tinamit ri'. Xuya' sipojik chike ri kan k'o rujeleb, richin nikiq'axaj ri ruk'ayewal. Y ri yabil ri' xeruchop chi ch'uti'q chi nima'q.