Apocalipsis 16:1 - Kaqchiquel Bible

¹ Y k'ari' xinwak'axaj chi k'o jun ri nim ruch'abel nich'on-pe ri chiri' chupan ri rachoch ri Dios y xubij k'a chike ri wuqu' ángel: Kixbiyin chuq'ejik pa ruwi' ri ruwach'ulew ronojel ruwech ruk'ayewal ri nuya' ri Dios, xcha'.

Tuilleadh tionndaidhean

Kaqchikel Santo Domingo (Xenacoj)

¹ Ja atoq riꞌ xinwakꞌaxaj chi chupan ri más loqꞌolej kꞌojlibꞌel chin ri rachoch ri Dios, kꞌo jun ri rikꞌin kaw ruchꞌabꞌel kereꞌ xubꞌij pe chake ri wuquꞌ ángeles: ¡Kixbꞌiyin y teꞌiwoxij pa ruwiꞌ ri rochꞌulew ri ruchuqꞌaꞌ ri castigo nduyaꞌ ri Dios chin ndukꞌusaj royowal, castigo ri kꞌo chupan ri wuquꞌ copas ikꞌuan!

Kaqchikel Santa Maria de Jesus

¹ Y cꞌajareꞌ xinvaꞌxaj chi cꞌo jun ri cof nichꞌo-pa ri pa templo y xuꞌej chica ri i-siete (ivukuꞌ) ángeles: Quixꞌin y tikꞌijaꞌ paroꞌ ri roch-ulief ri siete (vukuꞌ) copas ri nojnak ri rayoval ri Dios chupan.

Kaqchikel Central Guatemala

¹ Y c'ari' xinvac'axaj c'a chi c'o jun ri nim ruch'abel nich'on-pe ri chiri' chupan ri rachoch ri Dios y xubij c'a chique ri vuku' ángeles: Quixbiyin chuk'ejic pa ruvi' ri ruvach'ulef, ronojel ruvech ri ruc'ayeval ri nuya' ri Dios ri ec'o-el pa vuku' k'anapuek lek.

Re C'ac'a Testamento pa Kach'abal

¹ Y c'are' xinc'axaj che c'o jun ch'abal re camas cof nich'o-pa chire' chupan re rachoch re Dios, y xubij chique re je vuku' ángeles: Quixbiyin chuk'ajic pa rue' re ruch'ulef, ronojel re tijoj-pokonal re ruyi'on-a re Dios chupan re vuku' copas re banon cha k'anapuak.

Kaqchikel Western Solola

¹ Yac'ari' tek riyin ri Juan xinwac'axaj c'a chi c'o jun nimalaj ch'abel ri xch'o pe chila' pa rachoch ri Dios y xubij c'a chique ri wuku' ángeles: Quixbiyin jebe'itixa' c'a pa ruwi' ri ruwach'ulef ronojel ri royowal ri Dios ri yec'o el chupan ri wuku' vasos.

Apocalipsis 16:1 Iomraidhean Croise

Wuj Richin Bix Chire ri Dios 79:6

Taya' k'a ri awoyowal pa kiwi' ri winaqi' ri man yatkitzeqelibej ta, pa kiwi' ri ruwach'ulew ri man yatkinataj ta.

Wuj Richin ri Jeremías 10:25

Jak'a tawelesaj k'a awoyowal chikij ri tzobaj winaqi' ri man ketaman ta awech y pa kiwi' chuqa' ri winaqi' ri man nikinataj ta ri abi', roma rije' xojkik'is roj ri oj awinaq. Rije' kan xojkik'is k'a jumul y kan xojkiya' kan pa k'ayew, xicha' chire ri Dios.

Ez 10:2

Ri Jehová xch'on k'a rik'in ri tz'ibanel y xubij chire chi tibiyin-apo chikikojol ri ki-rueda ri querubín, richin napon rik'in ri q'aq' ri k'o pa nik'aj. Xeri' k'o chi nuk'en-pe jujun racheq-q'aq' pa ruq'a' richin norukiraj pa ruwi' ri tinamit. Y ri achin ri' kan xintz'et toq xok-apo.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

Apocalipsis 14:15

Y kan jari' k'a chuqa' xbe'el-pe jun ángel ri chiri' pa rachoch ri Dios, y kan rik'in k'a ruchuq'a' nich'on-apo chire ri tz'uyul pa ruwi' ri sutz' y nubij k'a apo chire: Taq'ata' la tiko'n, roma xa xoqaqa yan ri q;ij y kan q'en chik ri tiko'n richin ri ruwach'ulew, nicha'.

Apocalipsis 14:18

Y rik'in ri porobel xbe'el-pe jun chik ángel ri kan ya'on uchuq'a' chire pa ruwi' ri q'aq'. Y rik'in uchuq'a' xch'on-apo chire ri jun chik ángel ri uk'uayon ri jos y xubij: Takusaj la ajos la janila rey, richin ye'aqupij-pe ri tzeqaj uva ri ek'o chuwech ri ruwach'ulew roma xechaq'aj yan, xcha'.

Apocalipsis 15:1

Chirij ri' xintz'et chik jun nimalej y meyel banobel. Xintz'et k'a chi ri chikaj ek'o chik wuqu' ángel ri jachon jujun ruk'ayewal pa kiq'a' richin chi yebekiya-pe toq xtapon ri q'ij chi ri Dios nuk'ut ri royowal pa kiwi' ri winaqi'. Y jari' ri ruk'isibel taq ruk'ayewal ri nuya' ri Dios pa ruwi' ri ruwach'ulew.

Apocalipsis 16:17

Y kan jari' k'a toq ri ruwuq ángel xuq'ej pa kaq'iq' ri ruk'uan chupan ri qumbel, y xinwak'axaj k'a chi k'o nich'on-pe ri akuchi k'o-wi ri rutz'uyubal ri Dios ri chiri' pa rachoch. Y kan rik'in k'a ruchuq'a' nubij-pe: Jare' xk'achoj yan, xcha'.

1 Sam 15:18

Ri Jehová xaruteq richin naben re jun samaj re' y xubij chawe chi kabiyin, tabana' oyowal kik'in ri amalecita y ke'ak'isa' kan jumul, xcha' chawe.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.