Apocalipsis 14:3 - Kaqchiquel Bible

³ Chuwech k'a apo ri akuchi tz'uyul-wi ri Dios y ri akuchi ek'o-wi ri achi'a' ri k'o kiq'ij y ri e kaji' ri k'o kik'aslen, chiri' yebixan-wi, y jun k'ak'a' bix k'a ri nikibixaj. Y kan man jun k'a nitikir netaman ri bix ri', xa kan xaxe ri e 144,000 ri e kolotajineq chik el chuwech ri ruwach'ulew.

Tuilleadh tionndaidhean

Kaqchikel Santo Domingo (Xenacoj)

³ Y ri 144 mil wineq ndikibꞌixaj jun kꞌakꞌakꞌ bꞌix chuwech ri Dios ri tzꞌuyul pa ru-trono, chikiwech ri kajiꞌ kꞌo kikꞌaslen y chikiwech ri rijilej teq achiꞌaꞌ. Y nixta jun nditiker ndiretamaj ri bꞌix riꞌ, xa kin xe wi ri 144 mil ri rikꞌin nimalej ajel xekolotej pe chochꞌulew.

Kaqchikel Santa Maria de Jesus

³ Y niquibꞌixaj jun cꞌacꞌacꞌ bꞌix choch ri ru-trono ri Dios y chiquivach ri icajeꞌ ri cꞌo qꞌuiy quinakꞌavach chiquij y chiquivach, y chiquivach ri chꞌitak mámix. Ri bꞌix ri niquibꞌixaj, man jun chic nitiquir nataman, xa joꞌc ri i-ciento cuarenta y cuatro mil ri xaꞌcolotaj-el chiquicajol ri icꞌo choch-ulief.

Kaqchikel Central Guatemala

³ Chuvech c'a apo ri acuchi tz'uyul-vi ri Dios y ri acuchi ec'o-vi ri rijita'k achi'a' y ri e caji' ri janíla q'uiy runak' tak quivech, chiri' yebixan-vi. Y jun c'ac'a' bix c'a ri niquibixaj. Y can man jun c'a chuka' ri nitiquir ta netaman ri bix ri', xa can xe c'a ri ciento cuarenta y cuatro mil ri e colotajinek chic el chuvech ri ruvach'ulef.

Re C'ac'a Testamento pa Kach'abal

³ Chach-apo re anche' tz'uyul-va re Dios y re anche' jec'o-va re rejeta'k tak achi'a' y re je caje' re camas q'uiy quinak'avach c'o, chire' ye'bixan-va. Y re niquibixaj, jun bix c'ac'a. Y can man jun nitiquir nitaman re bix re', xa can xe re je ciento cuarenta y cuatro mil re je'colotajnak chic-a chach re ruch'ulef.

Kaqchikel Western Solola

³ y niquibixaj c'a jun c'ac'ac' bix chuwech apo ri lok'olaj ch'aquet ri acuchi (achique) tz'uyul wi ri Dios y ri acuchi (achique) yec'o wi ri rijita'k tak achi'a' ri can c'o quik'ij y ri ye caji' ri sibilaj q'uiy runak' tak quiwech c'o. Y jun c'ac'ac' bix c'a ri niquibixaj. Y can majun c'a chuka' ri nicowin ta netaman ri bix ri', xa can xu (xe) wi c'a ri ciento cuarenta y cuatro mil ri ye colotajnek chic el chuwech ri ruwach'ulef.

Apocalipsis 14:3 Iomraidhean Croise

Wuj Richin Bix Chire ri Dios 144:9

Jak'a yin, nimalej Dios, kan xtinbixaj jun k'ak'a' bix chawe. Xkiq'ojoman rik'in ri salterio y rik'in ri jun q'ojom ri ruk'uan lajuj ruwech k'an.

Wuj Richin Bix Chire ri Dios 149:1

Tinimirisex ruq'ij ri Jehová Tibixex k'ak'a' taq bix chire ri Jehová; rix ri kan ix richin rija', tiya' ruq'ij chupan ri imolojri'il.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin Bix Chire ri Dios 33:3

Tibixaj k'a rubi' rija' rik'in k'ak'a' taq bix. Kan kixq'ojoman k'a rik'in etamabel, kixbixan rik'in kikoten.

Wuj Richin Bix Chire ri Dios 40:3

Rija' xuk'ut jun k'ak'a' bix chinuwech, jun bix richin ninya' ruq'ij rija'. Re' kan xtikitz'et k'a e k'iy, y xtikixibij-ki', y kan xtikikuquba' kik'u'x rik'in ri Jehová.

Wuj Richin Bix Chire ri Dios 96:1

Kan keqabixaj k'ak'a' taq bix chire ri Jehová. Tiqabixaj rubi' rija' qonojel winaqi' richin chijun ruwach'ulew.

Wuj Richin Bix Chire ri Dios 98:1

Kan tibixaj k'ak'a' taq bix chire ri Jehová, roma rija' rubanon nima'q taq banobel. Rija' kan xch'akon k'a roma ri ruchuq'a' ri loq'olej ruq'a'.

Wuj Richin ri Isaías 42:10

Tiqabixaj k'ak'a' bix chire ri Jehová, y chuqa' chijun ruwach'ulew ri ek'o janila nej. Kixbixan chuqa' chi'iwonojel rix ri yixbiyin pa ruwi' ri palou, konojel ri winaqi' ri ek'o pa taq'aj ruwach'ulew, y konojel chikopi' ri ek'o pa ya'.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

1 Corintios 2:14

Ri winaqi' ri man k'o ta ri Loq'olej Espíritu richin ri Dios kik'in, man niq'ax ta chikiwech ri tijonik ri e peteneq rik'in rija'. Chikiwech rije' xa kan man jun rejqalen, roma xaxe ri k'o ri Loq'olej Espíritu qik'in, ri niq'ax chiqawech y qetaman ri tijonik ri'.

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Apocalipsis 7:4

Y xinwetamaj k'a chi ri xkik'ul ketal e 144,000 winaqi' e richin ri kablajuj tzobaj richin ri ruwach'ulew Israel.